ယေ​ဇ​ကျေ​လ 24:6

Judson Bible

ဤ​အ​မှု၌ အ​ရှင်​ထာ​ဝ​ရ​ဘု​ရား မိန့်​တော်​မူ​သည်​ကား၊ လူ​အ​သက်​ကို သတ်​တတ်​သော​မြို့၊ သံ​ချေး​တက်၍ ရှိ​သေး​သော အိုး​ကင်း​သည် အ​မင်္ဂ​လာ​ရှိ၏။ သား​တစ်​တို့​ကို တစ်​ခု​နောက်​တစ်​ခု ထုတ်​လော့။ စာ​ရေး​တံ​မ​ပြု​နှင့်။

ပူးပေါင်းရင်းမြစ်များ

၂ ရာ 8:2

မော​ဘ​ပြည်​ကို​လည်း​လုပ်​ကြံ၍ ပြည်​သား​တို့​ကို မြေ​ပေါ်​မှာ လှဲ​ချ​သ​ဖြင့်၊ ကြိုး​နှင့်​တိုင်း​လျက် သုံး​စု​တွင် နှစ်​စု​ကို​သတ်၏။ တစ်​စု​ကို​ချမ်း​သာ​ပေး၏။ ထို​သို့ မော​ဘ​အ​မျိုး​သား​တို့​သည် ဒါ​ဝိဒ်၌​ကျွန်​ခံ၍ အ​ခွန်​ဆက်​ရ​ကြ၏။

၄ ရာ 21:16

မ​နာ​ရှေ​သည် ထာ​ဝ​ရ​ဘု​ရား​ရှေ့​တော်၌ ဒု​စ​ရိုက်​ကို​ပြု၍ ယု​ဒ​အ​မျိုး​ကို​ပြစ်​မှား​စေ​သော အ​ပြစ်​မှ​တစ်​ပါး အ​ပြစ်​မ​ရှိ​သော သူ​အ​များ​တို့​ကို​သတ်၍ ယေ​ရု​ရှ​လင်​မြို့​တစ်​ဖက်​မှ တစ်​ဖက်​တိုင်​အောင် သူ​တို့​အ​သွေး​နှင့် ပြည့်​စေ​ခြင်း​ငှာ​ပြု၏။

၄ ရာ 24:3

မ​နာ​ရှေ​မင်း​ပြု​မိ​သ​မျှ​သော အ​ပြစ်၊ အ​သေ​မ​ခံ​ထိုက်​သော​သူ​တို့​ကို​သတ်၍ သူ​တို့​အ​သွေး​နှင့် ယေ​ရု​ရှ​လင်​မြို့​ကို ပြည့်​စေ​သော အ​ပြစ်​များ​ကို ထာ​ဝ​ရ​ဘု​ရား​သည် လွှတ်​တော်​မ​မူ။ ယု​ဒ​အ​မျိုး​ကို မျက်​မှောက်​တော်​မှ ပယ်​ရှား​လို​သော​ငှာ စီ​ရင်​တော်​မူ​သည် အ​တိုင်း​သာ ထို​အ​မှု​ရောက်​သ​တည်း။

ယေ​ရ​မိ 2:22

သင်​သည် ပေါက်​ဆပ်​ပြာ​နှင့် ရေ​ချိုး၍၊ ချက်​သော ဆပ်​ပြာ​အ​များ​ကို သုံး​သော်​လည်း၊ သင်၏​အ​ပြစ်​သည် ငါ့​ရှေ့​မှာ​ထင်​ရှား​သည်​ဟု အ​ရှင်​ထာ​ဝ​ရ​ဘု​ရား မိန့်​တော်​မူ၏။

ယေ​ရ​မိ 6:29

ဖို​ကို မီး​လောင်​ပြီ။ ခဲ​လည်း​ကုန်​ပြီ။ စစ်​သော​သူ​သည်​မှုတ်၍ အ​ကျိုး​ကို​မ​ရ။ ညံ့​သော​အ​ရာ​ကို မ​ထုတ်​မ​ပယ်​နိုင်။

ယေ​ဇ​ကျေ​လ 11:11

ဤ​မြို့​သည် သင်​တို့၏ အိုး​ကင်း​မ​ဖြစ်​ရ၊ သင်​တို့​သည်​လည်း၊ အိုး​ကင်း၌ အ​မဲ​သား​မ​ဖြစ်​ရ​ကြ။ ဣ​သ​ရေ​လ​ပြည်​စွန်း​မှာ ငါ​စစ်​ကြော​စီ​ရင်​သ​ဖြင့်၊ ငါ​သည် ထာ​ဝ​ရ​ဘု​ရား​ဖြစ်​ကြောင်း​ကို သင်​တို့​သိ​ရ​ကြ​လိမ့်​မည်။

ယေ​ဇ​ကျေ​လ 11:3

သူ​တို့​က၊ အ​မှု​မ​ရောက်​သေး။ အိမ်​ဆောက်​ကြ​ကုန်​အံ့။ ဤ​မြို့​သည် အိုး​ကင်း၊ ငါ​တို့​သည် အ​မဲ​သား​ဖြစ်​သည်​ဟု ဆို​တတ်​ကြ၏။

ယေ​ဇ​ကျေ​လ 22:12

သင့်​အ​လယ်၌​လည်း လူ​အ​သက်​သတ်​ခ​ကို​ခံ​ကြ၏။ အ​တိုး​စား၍ ငွေ​ကို​ချေး​ကြ၏။ အိမ်​နီး​ချင်း၏​ဥ​စ္စာ​ကို လု​ယူ​ကြ၏။ ငါ့​ကို​လည်း မေ့​လျော့​ကြ၏။

ယေ​ဇ​ကျေ​လ 22:2

အ​ချင်း​လူ​သား၊ လူ​အ​သက်​ကို သတ်​တတ်​သော​မြို့​ကို သင်​သည် စစ်​ကြော​လော့။ စစ်​ကြော​လော့။ သူ၌ ပြု​သ​မျှ​သော စက်​ဆုပ်​ရွံ​ရှာ​ဖွယ်​အ​မှု​တို့​ကို​ပြ​လော့။

ယေ​ဇ​ကျေ​လ 22:27

မင်း​တို့​သည်​လည်း အ​ကောင်​ကို ကိုက်​ဖြတ်​သော​တော​ခွေး​ကဲ့​သို့ ပြည်​အ​လယ်၌​ဖြစ်၍၊ မ​တ​ရား​သော စီး​ပွား​ကို ရှာ​လို​သော​ငှာ လူ​အ​သက်​ကို​သတ်၍၊ သူ​တစ်​ပါး​တို့​ကို သုတ်​သင်​ပယ်​ရှင်း​တတ်​ကြ၏။

ယေ​ဇ​ကျေ​လ 22:3

အ​ရှင်​ထာ​ဝ​ရ​ဘု​ရား၏ အ​မိန့်​တော်​ကို ဆင့်​ဆို​ရ​မည်​မှာ၊ မိ​မိ​အ​ချိန်​ရောက်​စေ​ခြင်း​ငှာ၊ မိ​မိ​အ​လယ်၌ လူ​အ​သက်​ကို​သတ်၍၊ မိ​မိ​ကို​ညစ်​ညူး​စေ​ဖို့ မိ​မိ​တစ်​ဖက်၌ ရုပ်​တု​တို့​ကို​လုပ်​တတ်​သော​မြို့၊

ယေ​ဇ​ကျေ​လ 24:3

ပုန်​ကန်​တတ်​သော အ​မျိုး​အား​လည်း ပုံ​စ​ကား​တည်း​ဟူ​သော၊ အ​ရှင်​ထာ​ဝ​ရ​ဘု​ရား မိန့်​တော်​မူ​သော​စ​ကား​ကို ဆင့်​ဆို​ရ​မည်​မှာ၊ အိုး​ကင်း​ကို မီး​ဖို၌​တင်​ထား၍ ရေ​ကို​လောင်း​လော့။

ယေ​ဇ​ကျေ​လ 24:9

ဤ​အ​မှု၌ အ​ရှင်​ထာ​ဝ​ရ​ဘု​ရား မိန့်​တော်​မူ​သည်​ကား၊ လူ​အ​သက်​ကို သတ်​တတ်​သော​မြို့​သည် အ​မင်္ဂ​လာ​ရှိ၏။ ကြီး​စွာ​သော​မီး​ပုံ​ကို ငါ​စီ​ရင်​မည်။

ယော​လ 3:3

သူ​တို့​သည် ငါ၏​လူ​တို့​အ​ဖို့ စာ​ရေး​တံ​ချ​ကြ​ပြီ။ လူ​က​လေး​ကို ပြည်​တန်​ဆာ​နှင့်​လည်း​ကောင်း၊ မိန်း​မ​က​လေး​ကို မိ​မိ​သောက်​စ​ရာ စ​ပျစ်​ရည်​နှင့်​လည်း​ကောင်း ဖ​လှယ်​ကြ​ပြီ​တ​ကား။

သြ​ဗ​ဒိ 1:11

သင်​သည် တစ်​ဖက်၌​နေ​သော​နေ့၊ တစ်​ကျွန်း​တစ်​နိုင်​ငံ​သား​တို့​သည် သူ၏​အ​မှု​ထမ်း​များ​ကို သိမ်း​သွား​သော​နေ့၊ တစ်​ပါး​အ​မျိုး​သား​တို့​သည် သူ၏​မြို့​တံ​ခါး​ထဲ​သို့​ဝင်၍ ယေ​ရု​ရှ​လင်​မြို့​ကို စာ​ရေး​တံ​ချ​သော​နေ့၌ သင်​သည် လက်​ခံ​သော​သူ​ဖြစ်၏။

ယော​န 1:7

နောက်​တစ်​ဖန် သူ​တို့​က၊ လာ​ကြ။ အ​ဘယ်​သူ၏​အ​ပြစ်​ကြောင့် ဤ​အ​မှု​ရောက်​သည်​ကို ငါ​တို့​သိ​ရ​မည်​အ​ကြောင်း စာ​ရေး​တံ​ချ​ကြ​ကုန်​အံ့​ဟု တိုင်​ပင်၍၊ စာ​ရေး​တံ​ချ​လျှင် ယော​န၌ စာ​ရေး​တံ​ကျ၏။

မိက္ခာ 7:2

ကောင်း​သော​ပြည်​သား​အ​ပေါင်း​တို့​သည် ကွယ်​ပျောက်​ကြ​ပြီ။ ဖြောင့်​မတ်​သော​သူ တစ်​ယောက်​မျှ​မ​ရှိ။ ခပ်​သိမ်း​သော​သူ​တို့​သည် လူ​အ​သက်​ကို သတ်​ခြင်း​ငှာ ချောင်း၍ ကြည့်​တတ်​ကြ၏။ အ​ချင်း​ချင်း တစ်​ယောက်​ကို တစ်​ယောက် ကျော့​ကွင်း​နှင့် ဖမ်း​တတ်​ကြ၏။

နာ​ဟုံ 3:1

လူ​အ​သက်​ကို သတ်​တတ်​သော မြို့၌ အ​မင်္ဂ​လာ​ဖြစ်​စေ​သော၊ လှည့်​စား​ခြင်း၊ အ​နိုင်​အ​ထက်​ပြု​ခြင်း​နှင့် ပြည့်​ဝ၏။ ဖမ်း​မိ​သော​အ​ရာ​ကို မ​လွှတ်​တတ်။

နာ​ဟုံ 3:10

သို့​သော်​လည်း၊ ထို​မြို့​ကို ရန်​သူ​တို့​သည် တိုက်၍ သိမ်း​သွား​ကြ​ပြီ။ မြို့​သား​ငယ်​တို့​ကို လမ်း​ဦး​ရှိ​သ​မျှ​တို့၌ ချိုး​ဖဲ့​လျက်၊ ဂုဏ်​အ​သ​ရေ​ရှိ​သော မြို့​သား​တို့​ကို စာ​ရေး​တံ​ချ​လျက်၊ အား​ကြီး​သော မြို့​သား​အ​ပေါင်း​တို့​ကို သံ​ကြိုး​ဖြင့် ချည်​နှောင်​လျက် ပြု​ကြ​ပြီ။

မဿဲ 23:35

ထို​ကြောင့် ဖြောင့်​မတ်​သော အာ​ဗေ​လ၏​အ​သွေး​မှ​စ၍၊ အ​တွင်း​ဗိ​မာန်​တော်​နှင့် ယဇ်​ပ​လ္လင်၏​အ​ကြား၌ သင်​တို့​သတ်​ကြ​သော ဗာ​ရ​ခိ​သား ဇာ​ခ​ရိ၏​အ​သွေး​တိုင်​အောင် မြေ​ကြီး​အ​ပေါ်၌ သွန်း​ပြီး​သ​မျှ​သော သူ​တော်​ကောင်း​တို့၏ အ​သွေး​သည် သင်​တို့ ခေါင်း​ပေါ်​သို့​ရောက်​လိမ့်​မည်။-

တ​ရား​ဟော 23:13

တပ်​ပြင်​သို့​ထွက်၍ စွန့်​သော​အ​ခါ၊ ကိုယ်၌​ပါ​သော သစ်​သား​တူး​ရွင်း​နှင့် မြေ၌​တူး​ရ​မည်။ နောက်​တစ်​ဖန်​လှည့်၍ မ​စင်​ကို ဖုံး​အုပ်​ရ​မည်။

ယော​ရှု 10:22

ယော​ရှု​က​လည်း၊ လိုဏ်​ခေါင်း​ကို​ဖွင့်​ပြီး​လျှင်၊ ထို​မင်း​ကြီး​ငါး​ပါး​တို့​ကို လိုဏ်​ခေါင်း​ထဲ​က​ထုတ်၍ ငါ့​ထံ​သို့ ဆောင်​ခဲ့​ကြ​ဟု မှာ​လိုက်​သည်​အ​တိုင်း၊

ဗျာ​ဒိတ် 17:6

ထို​မိန်း​မ​သည် သန့်​ရှင်း​သူ​တို့၏ အ​သွေး၊ ယေ​ရှု၏ သက်​သေ​ခံ​တို့၏ အ​သွေး​နှင့် ယစ်​မူး​သည်​ကို ငါ​မြင်၏။ ထို​သို့​မြင်​သော​အ​ခါ အ​လွန်​အံ့​ဩ​မိန်း​မော၍ နေ၏။

ဗျာ​ဒိတ် 18:24

ပ​ရော​ဖက်​တို့၏ အ​သွေး၊ သန့်​ရှင်း​သူ​တို့၏ အ​သွေး၊ မြေ​ကြီး​ပေါ်​မှာ ကွပ်​မျက်​သော​သူ အ​ပေါင်း​တို့၏ အ​သွေး​ကို ထို​မြို့၌​တွေ့၏။