ယောဘဝတ္တု။ 22:13

Judson Bible

သို့​ဖြစ်၍​သင်​က၊ ဘု​ရား​သ​ခင်​သည် အ​ဘယ်​သို့​သိ​တော်​မူ​မည်​နည်း။ ထူ​သော​တိမ်​တိုက်​ကွယ်​လျက်​နှင့် စီ​ရင်​တော်​မူ​နိုင်​မည်​လော။

ပူးပေါင်းရင်းမြစ်များ

ယောဘဝတ္တု။ 34:22

မ​တ​ရား​သ​ဖြင့် ကျင့်​သော​သူ၏​ပုန်း​ရှောင်​ရာ မှောင်​မိုက်၊ သေ​မင်း​အ​ရိပ်​တစ်​စုံ​တစ်​ခု​မျှ​မ​ရှိ။

ဆာ​လံ 10:11

ထို​သူ​က၊ ဘု​ရား​သ​ခင်​သည် မေ့​လျော့​တော်​မူ၏။ မျက်​နှာ​ကို လွှဲ​တော်​မူ၏။ မြင်​တော်​မ​မူ​ဟု အောက်​မေ့​တတ်​ပါ၏။

ဆာ​လံ 139:11

အ​ကယ်၍ မှောင်​မိုက်​သည် ငါ့​ကို​ဖုံး​လွှမ်း​မည်​ဟု တစ်​ဖန်​ဆို​လျှင်၊ ည​သည်​လည်း အ​ကျွန်ုပ်​ပတ်​ဝန်း​ကျင်၌ အ​လင်း​ဖြစ်​ပါ​လိမ့်​မည်။

ဆာ​လံ 139:7

ဝိ​ညာဉ်​တော်​နှင့် လွတ်​ခြင်း​အ​လို​ငှာ အ​ဘယ်​အ​ရပ်​သို့ သွား​နိုင်​ပါ​မည်​နည်း။ မျက်​နှာ​တော်​နှင့် လွတ်​ခြင်း​အ​လို​ငှာ အ​ဘယ်​အ​ရပ်​သို့ ပြေး​နိုင်​ပါ​မည်​နည်း။

ဆာ​လံ 59:7

ထို​သူ​တို့​သည် စော်​ကား​သော​စ​ကား​ကို​ပြော၍၊ သူ​တို့​နှုတ်​ခမ်း​တွင် ဓား​ပါ​လျက် အ​ဘယ်​သူ​ကြား​လိမ့်​မည်​နည်း​ဟု ဆို​တတ်​ကြ​ပါ၏။

ဆာ​လံ 64:5

မ​ကောင်း​သော​အ​မှု​မှာ တစ်​ယောက်​ကို​တစ်​ယောက် နှိုး​ဆော်​တတ်​ကြ၏။ ကျော့​ကွင်း​တို့​ကို ထောင်​ထား​ခြင်း​ငှာ တိုင်​ပင်၍၊ အ​ဘယ်​သူ မြင်​လိမ့်​မည်​နည်း​ဟု ဆို​တတ်​ကြ၏။

ဆာ​လံ 73:11

ဘု​ရား​သ​ခင်​သည် အ​ဘယ်​သို့​သိ​တော်​မူ​မည်​နည်း။ အ​မြင့်​ဆုံး​သော​ဘု​ရား၌ ဉာဏ်​ရှိ​ပါ​လိမ့်​မည်​လော​ဟု ဆို​တတ်​ကြ၏။

ဟေ​ရှာ​ယ 29:15

ထာ​ဝ​ရ​ဘု​ရား မ​သိ​စေ​ခြင်း​ငှာ၊ နက်​နဲ​သော​အ​ကြံ​ကို ကြံ၍၊ မှောင်​မိုက်​ထဲ​မှာ အ​မှု​ကို​ပြု​လျက်၊ ငါ​တို့​ကို အ​ဘယ်​သူ​မြင်​သ​နည်း။ ငါ​တို့​ကို အ​ဘယ်​သူ​သိ​သ​နည်း​ဟု ပြော​ဆို​တတ်​သော​သူ​တို့​သည် အ​မင်္ဂ​လာ​ရှိ​ကြ၏။

ယေ​ရ​မိ 23:24

ငါ​မ​မြင်​စေ​ခြင်း​ငှာ အ​ဘယ်​သူ​သည် မ​ထင်​ရှား​သော​အ​ရပ်၌ ပုန်း​ရှောင်၍ နေ​နိုင်​သ​နည်း​ဟု ထာ​ဝ​ရ​ဘု​ရား​မေး​တော်​မူ၏။ ငါ​သည် ကောင်း​ကင်​မြေ​ကြီး​ကို နှံ့​ပြား​သည် မ​ဟုတ်​လော​ဟု ထာ​ဝ​ရ​ဘု​ရား မေး​တော်​မူ၏။

ယေ​ဇ​ကျေ​လ 8:12

တစ်​ဖန်​တုံ၊ အ​ချင်း​လူ​သား၊ ဣ​သ​ရေ​လ​အ​မျိုး အ​သက်​ကြီး​သူ အ​သီး​အ​သီး​တို့​သည် မှောင်​မိုက်​ထဲ​မှာ ပုံ​ရေး​သော​အ​ခန်း​တို့၌ ပြု​သော​အ​မှု​ကို မြင်​ပြီ​လော။ သူ​တို့​က၊ ထာ​ဝ​ရ​ဘု​ရား​မ​မြင်။ ထာ​ဝ​ရ​ဘု​ရား​သည် မြေ​ကြီး​ကို စွန့်​ပစ်​လေ​ပြီ​ဟု ဆို​ကြ၏။

ယေ​ဇ​ကျေ​လ 9:9

ထာ​ဝ​ရ​ဘု​ရား​က​လည်း၊ ဣ​သ​ရေ​လ​အ​မျိုး​နှင့် ယု​ဒ​အ​မျိုး၏​အ​ပြစ်​သည် အ​လွန်​တ​ရာ​ကြီး၏၊ တစ်​ပြည်​လုံး​သည် လူ​အ​သက်​ကို သတ်​ခြင်း​အ​ပြစ်​နှင့် ပြည့်၏။ မြို့​သည်​လည်း ဖောက်​ပြန်​ခြင်း​အ​ပြစ်​နှင့် ပြည့်၏။ သူ​တို့​က၊ ထာ​ဝ​ရ​ဘု​ရား​သည် မြေ​ကြီး​ကို စွန့်​ပစ်​လေ​ပြီ။ ထာ​ဝ​ရ​ဘု​ရား​မ​မြင်​ဟု ဆို​ကြ၏။

အာ​မုတ် 9:2

မ​ရ​ဏ​နိုင်​ငံ​တိုင်​အောင် တွင်း​တူး​သော်​လည်း ငါ​နုတ်​ယူ​မည်။ မိုး​ကောင်း​ကင်​သို့ တက်​သော်​လည်း ငါ​ချ​မည်။

အာ​မုတ် 9:3

က​ရ​မေ​လ​တောင်​ထိပ်၌ ပုန်း​ရှောင်​သော်​လည်း၊ ငါ​ရှာ၍ ထုတ်​မည်။ ငါ​နှင့်​လွတ်​အံ့​သော​ငှာ သ​မု​ဒ္ဒ​ရာ​အောက်၌ ပုန်း​ရှောင်​သော်​လည်း၊ ငါ​သည် န​ဂါး​ကို​မှာ​လိုက်၍ ကိုက်​စေ​မည်။

ဇေဖနိ 1:12

ထို​ကာ​လ၌ ငါ​သည် မီး​ခွက်​ကို​ကိုင်၍ ယေ​ရု​ရှ​လင်​မြို့​ကို စစ်​ကြော​မည်။ ထာ​ဝ​ရ​ဘု​ရား​သည် ကျေး​ဇူး​ကို​လည်း​မ​ပြု၊ အ​ပြစ်​ကို​လည်း မ​ပေး​ဟု အောက်​မေ့​လျက်၊ မိ​မိ​တို့ အ​နည်​အ​ဖတ်​ပေါ်၌ နေ​ရာ​ကျ​သော သူ​တို့​ကို ငါ​စစ်​ကြော​မည်။