မြည်​တမ်း​စ​ကား 4:2

Judson Bible

အ​မြတ်​ဆုံး​သော ရွှေ​နှင့်​အ​မျှ အ​လွန်​အ​ဖိုး​ထိုက်​သော ဇိ​အုန်​မြို့​သား​တို့​ကို၊ အိုး​ထိန်း​သ​မား​လုပ်​သော​မြေ​အိုး​ကဲ့​သို့ မှတ်​တတ်​သည်​တ​ကား။

ပူးပေါင်းရင်းမြစ်များ

ဟေ​ရှာ​ယ 30:14

မြေ​အိုး​ကွဲ​သ​ကဲ့​သို့ ကွဲ​ရ​လိမ့်​မည်။ ကွဲ​ရာ​တွင်​လည်း မီး​ဖို​ထဲ​က မီး​ခဲ​ခံ​စ​ရာ​ဖို့၊ ရေ​ကန်​ထဲ​က ရေ​ခပ်​စ​ရာ​ဖို့ အိုး​ခြမ်း​တစ်​ခု​မျှ မ​ရှိ​စေ​ခြင်း​ငှာ၊ နှ​မြော​ခြင်း​မ​ရှိ​ဘဲ ခွဲ​ခြင်း​ကို ခံ​ရ​လိမ့်​မည်။

ဟေ​ရှာ​ယ 51:18

ကိုယ်​တိုင်​ဖွား​မြင်​သော သား​တို့​တွင်၊ သင့်​ကို လမ်း​ပြ​သော​သူ တစ်​ယောက်​မျှ​မ​ရှိ။ ကိုယ်​တိုင်​မွေး​စား​သော သား​တို့​တွင်၊ သင့်​ကို လက်​ဆွဲ​သော​သူ တစ်​ယောက်​မျှ​မ​ရှိ။

ယေ​ရ​မိ 19:1

ထာ​ဝ​ရ​ဘု​ရား မိန့်​တော်​မူ​သည်​ကား၊ သင်​သည် အိုး​ထိန်း​သ​မား​ထံ​သို့ သွား၍ ရေ​ဘူး​ကို​ယူ​ပြီး​လျှင်၊ အ​သက်​ကြီး​သော​လူ၊ အ​သက်​ကြီး​သော ယဇ်​ပု​ရော​ဟိတ် အ​ချို့​တို့​နှင့်​တ​ကွ၊

ယေ​ရ​မိ 19:11

ကောင်း​ကင်​ဗိုလ်​ခြေ​အ​ရှင် ထာ​ဝ​ရ​ဘု​ရား​က၊ နောက်​တစ်​ဖန် မ​ပြင်​နိုင်​အောင် ရေ​ဘူး​ကို ခွဲ​သ​ကဲ့​သို့၊ ဤ​လူ​များ​နေ​သော ဤ​မြို့​ကို ငါ​ခွဲ​မည်။ တောဖက်​အ​ရပ်၌ သင်္ဂြိုဟ်​ရာ​မြေ​မ​လောက်​အောင် သင်္ဂြိုဟ်​ကြ​လိမ့်​မည်။

ယေ​ရ​မိ 22:28

ဤ​မင်း​သား​ခေါ​နိ​သည် ရို​သေ​ဖွယ်​မ​ဟုတ်၊ ကျိုး​ပဲ့​သော​ရုပ်​တု​ဖြစ်​သ​လော။ အ​ဘယ်​သူ​မျှ မ​နှစ်​သက်​သော​တန်​ဆာ ဖြစ်​သ​လော။ သူ​နှင့်​တ​ကွ သူ၏​သား​မြေး​တို့​ကို နှင်​ထုတ်၍၊ သူ​တို့​မ​သိ​ဖူး​သော​ပြည်၌ အ​ဘယ်​ကြောင့် ချ​ပစ်​ရ​သ​နည်း။

မြည်​တမ်း​စ​ကား 2:21

လူ​အ​ကြီး​အ​ငယ်​တို့​သည် လမ်း၌ မြေ​ပေါ်​မှာ တုံး​လုံး​နေ​ရ​ကြ​ပါ၏။ အ​ကျွန်ုပ်၏ လူ​ပျို​နှင့် အ​ပျို​တို့​သည် ဓား​ဖြင့် သေ​ရ​ကြ​ပါ​ပြီ။ ကိုယ်​တော်​သည် အ​မျက်​တော်​ထွက်​သော​နေ့၌၊ သူ​တို့​ကို​မ​သ​နား​ဘဲ ကွပ်​မျက်​တော်​မူ​ပြီ။

မြည်​တမ်း​စ​ကား 5:12

မှူး​မတ်​တို့​ကို လက်​ဖြင့် ဆွဲ​ထား​ကြ​ပါ၏။ အ​သက်​ကြီး​သူ​တို့​ကို​လည်း မ​ရို​သေ​ကြ​ပါ။

ဟော​ရှေ 8:8

ဣ​သ​ရေ​လ​အ​မျိုး​သည် တိမ်​မြုပ်​လေ​ပြီ။ အ​ဘယ်​သူ​မျှ မ​နှစ်​သက်​သော တန်​ဆာ​ကဲ့​သို့ တစ်​ပါး​အ​မျိုး​သား​တို့​တွင် ရှိ​ရ​လိမ့်​မည်။

ဇာ​ခ​ရိ 9:13

ယု​ဒ​လေး​ကို ငါ​တင်၍၊ ဧ​ဖ​ရိမ်​လေး​ကို ဆွဲ​ငင်​လျက်၊ ဇိ​အုန်​သား​တို့​ကို ဟေ​လ​သ​သား​တို့​တစ်​ဖက်၌ နှိုး​ဆော်၍၊ သင့်​ကို သူ​ရဲ၏​ဓား​ကဲ့​သို့ ဖြစ်​စေ​မည်။

၂ ကော 4:7

သို့​သော်​လည်း တန်​ခိုး​တော်၏ ဂုဏ်​အ​သ​ရေ​သည် ငါ​တို့​နှင့်​မ​ဆိုင်၊ ဘု​ရား​သ​ခင်​နှင့် ဆိုင်​မည်​အ​ကြောင်း၊ ထို​ဘ​ဏ္ဍာ​သည်​မြေ​အိုး​ထဲ​မှာ ထည့်​ထား​လျက် ငါ​တို့၌​ရှိ၏။-

၂ တိ 2:20

ကြီး​စွာ​သော​အိမ်၌ ရွှေ​တန်​ဆာ၊ ငွေ​တန်​ဆာ​သာ ရှိ​သည်​မ​ဟုတ်၊ သစ်​သား​တန်​ဆာ၊ မြေ​တန်​ဆာ​ရှိ၏။ အ​သ​ရေ​ရှိ​သော​တန်​ဆာ၊ အ​သ​ရေ​မ​ရှိ​သော တန်​ဆာ​ရှိ၏။-