ထွက်​မြောက် 40:35

Judson Bible

ထို​သို့ မိုး​တိမ်​သည် ပ​ရိ​သတ်​စည်း​ဝေး​ရာ​တဲ​တော်​အ​ပေါ်၌ နေ​သော​ကြောင့်၊ မော​ရှေ​သည် အ​ထဲ​သို့​မ​ဝင်​ရ။ ထာ​ဝ​ရ​ဘု​ရား၏​ဘုန်း​တော်​သည် တဲ​တော်​ကို ဖြည့်​လျက်​နေ၏။

ပူးပေါင်းရင်းမြစ်များ

၃ ရာ 8:10

ယဇ်​ပု​ရော​ဟိတ်​တို့​သည် သန့်​ရှင်း​ရာ​ဌာ​န​ထဲ​က ထွက်​ကြ​သော​အ​ခါ၊ ထာ​ဝ​ရ​ဘု​ရား၏​အိမ်​တော်​သည် မိုး​တိမ်​နှင့်​ပြည့်၏။

၃ ရာ 8:11

ထို​သို့ ထာ​ဝ​ရ​ဘု​ရား၏ အိမ်​တော်​သည် ဘုန်း​တော်​နှင့်​ပြည့်​လျက်၊ မိုး​တိမ်​တော်​ကြောင့် ယဇ်​ပု​ရော​ဟိတ်​တို့​သည် အ​မှု​တော်​ကို​ဆောင်​ရွက်​လျက် ရပ်၍ မ​နေ​နိုင်​ကြ။

၂ ရာ​ချုပ် 7:2

ထာ​ဝ​ရ​ဘု​ရား၏​အိမ်​တော်​သည် ဘုန်း​တော်​နှင့်​ပြည့်​သော​ကြောင့်၊ ယဇ်​ပု​ရော​ဟိတ်​တို့​သည် ထာ​ဝ​ရ​ဘု​ရား၏ အိမ်​တော်​ထဲ​သို့ မ​ဝင်​နိုင်​ကြ။

ထွက်​မြောက် 16:10

အာ​ရုန်​သည် ဣ​သ​ရေ​လ​အ​မျိုး​သား ပ​ရိ​သတ်​အ​ပေါင်း​တို့​အား ဆင့်​ဆို​သော​အ​ခါ၊ သူ​တို့​သည် တော​သို့​မျှော်​ကြည့်၍၊ မိုး​တိမ်၌​ထင်​ရှား​သော ထာ​ဝ​ရ​ဘု​ရား၏​ဘုန်း​တော်​ကို မြင်​ရ​ကြ၏။

ထွက်​မြောက် 29:43

ထို​အ​ရပ်၌ ဣ​သ​ရေ​လ​အ​မျိုး​သား​တို့​နှင့် ငါ​တွေ့၍၊ ငါ့​ဘုန်း​တော်​အား​ဖြင့် သူ​တို့​ကို​သန့်​ရှင်း​စေ​မည်။

ဟေ​ရှာ​ယ 4:5

ထာ​ဝ​ရ​ဘု​ရား​သည်​လည်း ဇိ​အုန်​တောင်​မှာ ရှိ​သ​မျှ​သော​အိမ်​များ​နှင့် စည်း​ဝေး​ရာ ပ​ရိ​သတ်​များ​အ​ပေါ်​တွင်၊ နေ့​အ​ချိန်၌ မိုး​တိမ်​နှင့် မီး​ခိုး​ကို​လည်း​ကောင်း၊ ည​အ​ချိန်၌ မီး​လျှံ​အ​လင်း​ကို​လည်း​ကောင်း ဖန်​ဆင်း​တော်​မူ၍၊ မြတ်​သော​အ​ရာ အ​လုံး​စုံ​တို့​ကို လွှမ်း​မိုး​တော်​မူ​လိမ့်​မည်။

ဟေ​ရှာ​ယ 57:15

အ​ကြောင်း​မူ​ကား၊ သန့်​ရှင်း​ခြင်း​ဟု နာ​မ​ရှိ​တော်​မူ​ထ​သော၊ အ​န​န္တ​ကာ​လ​တည်း​ဟူ​သော ဘုံ​ဗိ​မာန်၌ စံ​တော်​မူ​ထ​သော၊ အထွတ်​အ​မြတ် ဖြစ်​တော်​မူ​သော​ဘု​ရား မိန့်​တော်​မူ​သည်​ကား၊ ငါ​သည် မြင့်​မြတ်​သန့်​ရှင်း​သော အ​ရပ်၌​နေ၏။ စိတ်​နှိမ့်​ချ​သော​သူ​နှင့်၊ နှ​လုံး​ကြေ​ကွဲ​သော သူ​တို့၏​စိတ်​ဝိ​ညာဉ်​အ​သက်​ရှင်​စေ​ခြင်း​ငှာ၊ ကြေ​ကွဲ​နှိမ့်​ချ​သော စိတ်​သ​ဘော​ရှိ​သော​သူ​တို့၌​လည်း ငါ​နေ၏။

ဟေ​ရှာ​ယ 6:4

ထို​သို့​သော ကြွေး​ကြော်​သံ​ကြောင့်၊ တံ​ခါး​တိုင်​တို့​သည် လှုပ်​ရှား၍၊ မီး​ခိုး​နှင့် တစ်​အိမ်​လုံး ပြည့်​လေ၏။

ယေ​ဇ​ကျေ​လ 10:4

ထာ​ဝ​ရ​ဘု​ရား၏ ဘုန်း​တော်​သည် ခေ​ရု​ဗိမ်​အ​ပေါ်​က အိမ်​တော်​တံ​ခါး​ခုံ​အ​ထက်​သို့ တက်​ရွှေ့၍၊ အိမ်​တော်​သည် မိုး​တိမ်​နှင့်​ပြည့်၏။ တံ​တိုင်း​သည်​လည်း၊ ထာ​ဝ​ရ​ဘု​ရား၏ ဘုန်း​တော်​အ​ရောင်​နှင့် ပြည့်၏။

ယေ​ဇ​ကျေ​လ 43:4

ထာ​ဝ​ရ​ဘု​ရား၏​ဘုန်း​တော်​သည် အ​ရှေ့​ဘက်​သို့ မျက်​နှာ​ပြု​သော တံ​ခါး​လမ်း​ဖြင့် အိမ်​တော်​ထဲ​သို့ ဝင်​တော်​မူ၏။

ဝတ်​ပြု 16:2

သင်၏​အစ်​ကို​အာ​ရုန်​သည် သေ​ဘေး​နှင့်​ကင်း​လွတ်​မည်​အ​ကြောင်း၊ သန့်​ရှင်း​ရာ​ဌာ​န​တော်​အ​ထဲ၊ သေ​တ္တာ​အ​ပေါ်​မှာ​တင်​သော​အ​ဖုံး​ကို ကွယ်​ကာ​သော ကု​လား​ကာ​အ​တွင်း​သို့ အ​ခါ​ခပ်​သိမ်း​မ​ဝင်​စေ​ခြင်း​ငှာ ဆင့်​ဆို​လော့။ ငါ​သည် သေ​တ္တာ​ဖုံး​အ​ပေါ်၊ မိုး​တိမ်၌​ထင်​ရှား​မည်။

တော​လည် 7:89

မော​ရှေ​သည် ဘု​ရား​သ​ခင်​ကို​လျှောက်​ခြင်း​ငှာ ပ​ရိ​သတ်​စည်း​ဝေး​ရာ တဲ​တော်​ထဲ​သို့​ဝင်​သော​အ​ခါ၊ ခေ​ရု​ဗိမ်​နှစ်​ပါး​ကြား​မှာ၊ သက်​သေ​ခံ​ချက်​သေ​တ္တာ​အ​ပေါ်၌ တင်​သော အ​ဖုံး​အ​ထက်​က၊ ဘု​ရား​သ​ခင်​ခေါ်​တော်​မူ​သံ​ကို မော​ရှေ​သည်​ကြား၍ ထူး​လေ၏။

တော​လည် 9:15

တဲ​တော်​ကို​ထူ​ထောင်​သော​နေ့၌၊ မိုး​တိမ်​သည် တဲ​တောင်​ပေါ်​မှာ​တည်၍၊ သက်​သေ​ခံ​ချက်​တဲ​တော်​ကို ဖုံး​အုပ်​လေ၏။ ညဉ့်​ဦး​မှ​စ၍ နံ​နက်​တိုင်​အောင် တဲ​တော်​ပေါ်​မှာ မီး​ကဲ့​သို့​ထင်​လေ၏။

ဗျာ​ဒိတ် 15:8

ဘု​ရား​သ​ခင်၏ ဘုန်း​တန်​ခိုး အာ​နု​ဘော်​တော်​ကြောင့်၊ ဗိ​မာန်​တော်​သည် မီး​ခိုး​နှင့်​ပြည့်၍ ကောင်း​ကင်​တ​မန် ခု​နစ်​ပါး၏ ဘေး​ဒဏ်​ခု​နစ်​ပါး မ​ကုန်​မီ​တိုင်​အောင် ဗိ​မာန်​တော်​ထဲ​သို့ အ​ဘယ်​သူ​မျှ မ​ဝင်​နိုင်။