တမန်တော်ဝတ္ထု 7:46

Judson Bible

ထို​ဒါ​ဝိဒ်​သည် ဘု​ရား​သ​ခင်၏ ကျေး​ဇူး​တော်​ကို ခံ​ရ၍၊ ယာ​ကုပ်၏ ဘု​ရား​သ​ခင် ကျိန်း​ဝပ်​တော်​မူ​ဖို့​ရာ​အ​ရပ်​ကို တွေ့​ခြင်း​ငှာ တောင့်​တ၏။-

ပူးပေါင်းရင်းမြစ်များ

၂ ရာ 6:21

ဒါ​ဝိဒ်​က​လည်း၊ သင့်​အ​ဘ​နှင့် သူ၏​အ​ဆွေ​အ​မျိုး​အ​ပေါင်း​တို့၏​ကိုယ်​စား၊ ငါ့​ကို​ရွေး​ကောက်၍ ထာ​ဝ​ရ​ဘု​ရား၏​လူ၊ ဣ​သ​ရေ​လ​အ​မျိုး​ကို အုပ်​စိုး​သော​မင်း​အ​ရာ၌ ခန့်​ထား​တော်​မူ​သော ထာ​ဝ​ရ​ဘု​ရား​ရှေ့​တော်​တွင် ပြု​သည်​မ​ဟုတ်​လော။ ထာ​ဝ​ရ​ဘု​ရား​ရှေ့​တော်​တွင် ငါ​က​ခုန်​မည်။

ဆာ​လံ 132:11

ထာ​ဝ​ရ​ဘု​ရား​သည် ဒါ​ဝိဒ်​အား ဓိ​ဋ္ဌာန်​ကျိန်​ဆို​ခြင်း​ကို​ပြု၍၊ သ​စ္စာ​ဖျက်​တော်​မ​မူ​သော စ​ကား​ဟူ​မူ​ကား၊ သင်၏​အ​မျိုး​အ​နွယ်​ကို သင်၏​ပ​လ္လင်​ပေါ်​မှာ ငါ​တင်​မည်။

တမန်တော်ဝတ္ထု 13:22

နောက်​မှ​ထို​သူ​ကို​ပယ်၍၊ ဣ​သ​ရေ​လ​ရှင်​ဘု​ရင်​အ​ရာ၌ ဒါ​ဝိဒ်​ကို ချီး​မြှောက်​တော်​မူ၏။ ထို​သူ​အား သက်​သေ​ခံ​တော်​မူ​လျက်၊ စိတ်​နှ​လုံး၌ ညီ​ညွတ်​သည်​ဖြစ်၍ ငါ့​အ​လို​ကို​ပြည့်​စုံ​စေ​မည့်​သူ၊ ယေ​ရှဲ၏​သား​ဒါ​ဝိဒ်​ကို ငါ​တွေ့​ရ​ပြီ​ဟု မိန့်​တော်​မူ၏။-

၁ ရာ 13:14

ယ​ခု​မူ​ကား သင်၏ အာ​ဏာ​မ​တည်​ရ။ ထာ​ဝ​ရ​ဘု​ရား​သည် စိတ်​နှ​လုံး​တော်​နှင့် ညီ​ညွတ်​သော​သူ​ကို ရှာ​တော်​မူ၏။ ထို​သူ​သည် လူ​မျိုး​တော်​အ​ပေါ်​မှာ​မင်း​ဖြစ်​စေ​ခြင်း​ငှာ ထာ​ဝ​ရ​ဘု​ရား​မိန့်​တော်​မူ​ပြီ။ အ​ကြောင်း​မူ​ကား၊ သင်​သည် ထာ​ဝ​ရ​ဘု​ရား မှာ​ထား​တော်​မူ​သည်​အ​တိုင်း​မ​ကျင့်​ဟု ရှော​လု​အား​ဆို​ပြီး​လျှင်၊

၁ ရာ 15:28

ရှ​မွေ​လ​က​လည်း၊ ယ​နေ့ ထာ​ဝ​ရ​ဘု​ရား​သည် ဣ​သ​ရေ​လ​နိုင်​ငံ​ကို သင်​မှ​ဆုတ်​ယူ၍၊ သင့်​ထက်​ကောင်း​သော သင်၏​အိမ်​နီး​ချင်း​အား​ပေး​တော်​မူ​ပြီ။

၁ ရာ 16:1

တစ်​ဖန် ထာ​ဝ​ရ​ဘု​ရား​က၊ ရှော​လု​ကို ဣ​သ​ရေ​လ​ရှင်​ဘု​ရင်​အ​ရာ​မှ ငါ​ပယ်​သော​ကြောင့်၊ သင်​သည် အ​ဘယ်​မျှ ကာ​လ​ပတ်​လုံး စိတ်​မ​သာ ညည်း​တွား​လျက် နေ​လိမ့်​မည်​နည်း။ သင်၏​ဘူး​ကို ဆီ​နှင့်​ပြည့်​စေ​လော့။ ဗက်​လင်​မြို့​သား ယေ​ရှဲ​ရှိ​ရာ​သို့ ငါ​စေ​လွှတ်​မည်။ သူ၏​သား​တို့​တွင် ငါ့​အ​ဖို့ ရှင်​ဘု​ရင်​တစ်​ပါး​ကို ငါ​ပြင်​ဆင်​ပြီ​ဟု ရှ​မွေ​လ​အား မိန့်​တော်​မူ၏။