၄ ရာ 9:21 - မြန်မာ့စံမီသမ္မာကျမ်း ထိုအခါ ယဟောရံမင်းကြီးက “အသင့်ပြင်ကြလော့”ဟု အမိန့်ပေးသဖြင့် သူ၏စစ်ရထားကို အသင့်ပြင်ပေးကြ၏။ ထိုအခါ အစ္စရေးဘုရင်ယဟောရံမင်းကြီးနှင့် ယုဒဘုရင်အာခဇိမင်းကြီးတို့သည် အသီးသီးစစ်ရထားစီး၍ ယေဟုနှင့် တွေ့ဆုံရန် ထွက်သွားရာ ယေဇရေလမြို့သားနာဗုတ်၏မြေကွက်တွင် ဆုံကြ၏။ Common Language Bible ယောရံက``ငါ၏စစ်ရထားကိုအသင့်ပြင် လော့'' ဟုအမိန့်ပေး၏။ အသင့်ရှိသောအခါ သူနှင့်အာခဇိမင်းသည် စစ်ရထားကိုယ်စီစီး ၍ယေဟုနှင့်တွေ့ဆုံရန်ထွက်သွားကြ၏။ သူ တို့သည်နာဗုတ်၏မြေသို့ရောက်သောအခါ ယေဟုနှင့်ဆုံမိကြ၏။- Garrad Bible ယော ရံ မင်း က၊ ရ ထား တော် က လော့ ဟု မိန့် ဆို သည့် အ တိုင်း က ပြီး မှ ဣ သ ရေ လ ဘု ရင် ယော ရံ မင်း နှင့် ယု ဒ ဘု ရင် အာ ခ ဇိ မင်း တို့ သည် ကိုယ် စီ ရ ထား တော် စီး လျက် ယေ ဟု ကို တွေ့ ဆုံ ရန် ထွက် ကြ ရာ ယေ ဇ ရေ လ မြို့ သား နာ ဗုတ်၏ မြေ ကွက် တွင် တွေ့ ကြ လေ ၏။ Judson Bible ယောရံမင်းကလည်း၊ မြင်းရထားကို ပြင်ဆင်လော့ဟု ဆိုသည်အတိုင်း၊ မြင်းရထားကို ပြင်ဆင်ကြ၏။ ဣသရေလရှင်ဘုရင် ယောရံနှင့် ယုဒရှင်ဘုရင်အာခဇိတို့သည် ရထားတော်တစ်ခုစီစီးလျက် ယေဟုကို ဆီးကြိုမည်ဟု ထွက်သွား၍၊ ယေဇရေလမြို့သား နာဗုတ်၏မြေကွက်တွင် တွေ့ကြ၏။ |
ထိုအခါ အာဟပ်မင်းကြီးက “မည်သူ့အားဖြင့်နည်း”ဟု မေးလျှင် ပရောဖက်ကလည်း “ထာဝရဘုရားက ‘နယ်မြေခံစစ်သူကြီးတို့၏တပ်သားများအားဖြင့် ဖြစ်မည်’ဟူ၍ မိန့်တော်မူပါ၏”ဟု ဆင့်ဆို၏။ အာဟပ်မင်းကြီးကလည်း “မည်သူက စတင်တိုက်ပွဲဝင်ရမည်နည်း”ဟု မေးလျှင် ပရောဖက်က “အရှင်မင်းကြီး ဖြစ်၏”ဟု ပြန်ဖြေ၏။
ယောရံမင်းကြီးထံ အာခဇိမင်းကြီး သွားရောက်ကြည့်ရှုခြင်းသည် အာခဇိမင်းကြီးပျက်စီးမည့်အကြောင်း ဘုရားသခင် စီရင်ထားခြင်းဖြစ်၏။ သူရောက်သွားသောအခါ သူသည် ယဟောရံမင်းကြီးနှင့်အတူ စစ်ချီသွား၍ အာဟပ်မင်းမျိုးမင်းနွယ်ကို သုတ်သင်ပယ်ရှင်းရန် ထာဝရဘုရား ဘိသိက်ပေးထားသူ နိမ်ရှိ၏မြေးယေဟုကို တိုက်ခိုက်၏။
အို လာခိရှမြို့သူ၊ မြင်းကို စစ်ရထား၌ ကလော့။ သင်သည် ဇိအုန်သမီးပျို အပြစ်ပြုရာအရင်းအမြစ်ဖြစ်၏။ အကြောင်းမူကား အစ္စရေးလူမျိုး ကျူးလွန်သောအပြစ်များကို သင်၌တွေ့ရ၏။
မောရှေသည် ကာဒေရှအရပ်မှစေတမန်ကို ဧဒုံဘုရင်ထံ စေလွှတ်၍ “အရှင်၏ဆွေမျိုးသားချင်းအစ္စရေးလူမျိုးတို့ လျှောက်ဆိုပါ၏။ အကျွန်ုပ်တို့တွေ့ကြုံရသောအခက်အခဲအားလုံးကို အရှင်မင်းကြီးသိပါ၏။