၂ ရာချုပ် 30:23 - မြန်မာ့စံမီသမ္မာကျမ်း လူထုအပေါင်းတို့သည် ပွဲတော်ကို နောက်ထပ်ခုနစ်ရက်ကျင်းပရန် တိုင်ပင်ကြပြီး ပွဲတော်ကို နောက်ထပ်ခုနစ်ရက် ဝမ်းမြောက်စွာကျင်းပကြ၏။ Common Language Bible နောက်ထပ်ခုနစ်ရက်ကျင်းပရန်ဆုံးဖြတ်ကြ လျက် ထိုပွဲတော်ကိုဝမ်းမြောက်ရွှင်လန်းစွာ ဆက်လက်ကျင်းပကြကုန်၏။- Garrad Bible လူ ပ ရိ သတ် အ ပေါင်း တို့ သည်၊ နောက် ခု နစ် ရက် ဆက် လက် ကျင်း ပ ရန် ညီ ညွတ် ကြ သည့် အ တိုင်း၊ ယု ဒ ဘု ရင် ဟေ ဇ ကိ မင်း က၊ နွား တစ် ထောင် နှင့် သိုး ဆိတ် ခု နစ် ထောင် ကို လည်း ကောင်း၊ မှူး မတ် တို့ က၊ နွား တစ် ထောင် နှင့် သိုး ဆိတ် တစ် သောင်း ကို လည်း ကောင်း၊ ပေး အပ် သည် ဖြစ်၍၊ လူ ပ ရိ သတ် တို့ သည် အား ရ ဝမ်း မြောက် စွာ ဆက် လက် ကျင်း ပ ကြ ကုန်၏။ ပ ရော ဟိတ် အ မြောက် အ မြား တို့ လည်း၊ ကိုယ် ကို သန့် ရှင်း စေ ကြ၏။ Judson Bible စည်းဝေးသောသူ အပေါင်းတို့သည် ခုနစ်ရက်ထပ်၍ ပွဲခံခြင်းငှာ တိုင်ပင်ပြီးမှ၊ ရွှင်လန်းသောစိတ်နှင့် ခုနစ်ရက်ထပ်၍ ပွဲခံကြ၏။ |
ထိုအချိန်တွင်ပင် ရှောလမုန်မင်းကြီးသည် လီဘိုဟာမတ်အရပ်မှ အီဂျစ်မြစ်တိုင်အောင် အရပ်ရပ်မှရောက်လာသော အစ္စရေးလူအုပ်ကြီးနှင့်အတူ အကျွန်ုပ်တို့၏ဘုရားသခင်ထာဝရဘုရားရှေ့တော်၌ ခုနစ်ရက်ပြီး နောက်ထပ်ခုနစ်ရက် စုစုပေါင်းတစ်ဆယ့်လေးရက်တိုင် ပွဲတော်ကျင်းပလေ၏။
ထို့နောက် ဟေဇကိမင်းကြီးနှင့်မှူးမတ်တို့က လေဝိအမျိုးတို့အား ဒါဝိဒ်မင်းကြီးနှင့် ဗျာဒိတ်ရသူအာသပ်တို့ရေးဖွဲ့ခဲ့သောသီချင်းဖြင့် ထာဝရဘုရားကိုချီးမွမ်းသီဆိုရန်ပြောသောအခါ သူတို့သည် ဝမ်းမြောက်စွာချီးမွမ်းလျက် ဦးညွှတ်ပျပ်ဝပ်ကြလေ၏။
အကြောင်းမူကား ယုဒဘုရင်ဟေဇကိမင်းကြီးသည် လူထုတစ်ရပ်လုံးအတွက် နွားအကောင်ရေတစ်ထောင်၊ သိုးအကောင်ရေခုနစ်ထောင်ကို ပေးလှူပူဇော်၏။ မှူးမတ်တို့သည်လည်း လူထုအတွက် နွားအကောင်ရေတစ်ထောင်၊ သိုးအကောင်ရေတစ်သောင်းကို ပေးလှူပူဇော်ကြ၏။ များစွာသောယဇ်ပုရောဟိတ်တို့သည်လည်း မိမိကိုယ်ကိုသန့်ရှင်းခြင်းဝတ်ပြုကြ၏။
ယဇ်ပလ္လင်ဆက်ကပ်ပွဲကို ခုနစ်ရက်ကျင်းပပြီး ပွဲတော်ကို နောက်ထပ်ခုနစ်ရက် ကျင်းပ၏။ ရှစ်ရက်မြောက်သောနေ့တွင် ဓမ္မစည်းဝေးပွဲကြီးကို ကျင်းပ၏။
သုံ့ပန်းဘဝမှလွတ်မြောက်၍ပြန်လာသောလူအုပ်ကြီးကလည်း ယာယီတဲများကိုဆောက်လုပ်၍ ထိုတဲများတွင် နေထိုင်ကြ၏။ နုန်၏သားယောရှုလက်ထက်မှစ၍ ဤနေ့ရက်အထိ အစ္စရေးအမျိုးသားတို့သည် ထိုသို့ မကျင်းပဖူးသောကြောင့် လွန်စွာအားရဝမ်းမြောက်ကြ၏။