အွန်လိုင်း သမ္မာကျမ်းစာ

ကြော်ငြာတွေ


သမ္မာကျမ်းစာတစ်အုပ်လုံး ဓမ္မဟောင်း ဓမ္မသစ်




၂ ရာ​ချုပ် 20:7 - မြန်​​​မာ့​​​စံ​​​မီ​​​သမ္မာ​​​ကျမ်း​​

အကျွန်ုပ်​တို့​၏​ဘုရားသခင်​၊ ဤ​ပြည်​၌​နေထိုင်​သော​လူမျိုး​တို့​ကို ကိုယ်တော်​၏​လူမျိုး​တော်​အစ္စရေး​တို့​ရှေ့​မှ​နှင်ထုတ်​တော်မူ​၍ ကိုယ်တော်​၏​မိတ်ဆွေ​ဖြစ်​တော်မူ​သော​အာဗြဟံ​၏​သားစဉ်မြေးဆက်​ကို ထာဝရ​နေထိုင်​စေ​တော်မူ​သည်​မ​ဟုတ်​လော​။

အခန်းကိုကြည့်ပါ။

Common Language Bible

ကိုယ်​တော်​သည်​အ​ကျွန်ုပ်​တို့​၏​ဘု​ရား​ဖြစ် တော်​မူ​ပါ​၏။ ကိုယ်​တော်​၏​လူ​မျိုး​တော်​ဣ​သ ရေ​လ​အ​မျိုး​သား​တို့​သည် ဤ​ပြည်​တော်​သို့ ဝင်​ရောက်​လာ​ချိန်​၌​ကိုယ်​တော်​သည်​မူ​လ​နေ ထိုင်​သော​ပြည်​သား​တို့​ကို​နှင်​ထုတ်​၍ ပြည် တော်​ကို​ကိုယ်​တော်​၏​အ​ဆွေ​တော်​အာ​ဗြ​ဟံ ၏​သား​မြေး​တို့​အား​ထာ​ဝ​စဉ်​အ​ပိုင်​ပေး သ​နား​တော်​မူ​ပါ​၏။-

အခန်းကိုကြည့်ပါ။

Garrad Bible

အ ကျွန်ုပ် တို့ ဘု ရား သ ခင်၊ ကိုယ် တော် သည် တိုင်း ရင်း သား တို့ ကို၊ လူ မျိုး တော် ဣ သ ရေ လ ရှေ့ နှင် ထုတ် လျက်၊ အ ဆွေ တော် အာ ဗြံ ဟံ ၏ သား စဉ် မြေး ဆက် တို့ အား၊ တိုင်း ပြည် ကို ပေး သနား တော် မူ ခဲ့ သည် မ ဟုတ် ပါ လော။

အခန်းကိုကြည့်ပါ။

Judson Bible

ဤ​ပြည်၌​နေ​ဖူး​သော သူ​တို့​ကို ကိုယ်​တော်၏​လူ ဣ​သ​ရေ​လ​အ​မျိုး​ရှေ့​မှ နှင်​ထုတ်၍၊ ကိုယ်​တော်​အ​ဆွေ အာ​ဗြ​ဟံ၏​သား​မြေး​တို့​အား၊ ဤ​ပြည်​ကို အ​စဉ်​ပေး​တော်​မူ​သော အ​ကျွန်ုပ်​တို့၏​ဘု​ရား​သ​ခင် ဖြစ်​တော်​မူ​သည် မ​ဟုတ်​လော။

အခန်းကိုကြည့်ပါ။



၂ ရာ​ချုပ် 20:7
23 ပူးပေါင်းရင်းမြစ်များ  

ထာဝရဘုရား​သည် အာဗြံ​အား ကိုယ်ထင်ရှားပြ​၍ “​ဤ​ပြည်​ကို သင်​၏​အမျိုးအနွယ်​အား ငါ​ပေး​မည်​”​ဟု မိန့်​တော်မူ​၏​။ အာဗြံ​သည်​လည်း မိမိ​အား ကိုယ်ထင်ရှားပြ​တော်မူ​သော​ထာဝရဘုရား​အဖို့ ထို​အရပ်​၌ ယဇ်ပလ္လင်​ကို တည်​လေ​၏​။


အကြောင်းမူကား သင်​မြင်​ရ​သော​မြေ​အားလုံး​ကို ငါ​သည် သင်​နှင့်​သင်​၏​သားစဉ်မြေးဆက်​အား ကာလ​အစဉ်အဆက် ပိုင်ဆိုင်​စေ​မည်​။


ငါ​သည် သင်​မှစ၍ နောင်လာမည့် သင့်​သားစဉ်မြေးဆက်​၏​ဘုရားသခင်​ဖြစ်​မည့်​အကြောင်း ငါ​၏​ပဋိညာဉ်​ကို ငါ​နှင့်​သင်​ကြား​၌​လည်းကောင်း​၊ နောင်လာမည့် သင့်​သားစဉ်မြေးဆက်​ကြား​၌​လည်းကောင်း တည်​စေ​၍ သူ​တို့​၏​မျိုးဆက်​အစဉ်အဆက်​တို့​၌ ထာဝရ​ပဋိညာဉ်​ဖြစ်​စေ​မည်​။


ထို့နောက် အာသ​မင်းကြီး​သည် ဘုရားသခင်​ထာဝရဘုရား​ထံ အော်ဟစ်​လျက် “​အို ထာဝရဘုရား​၊ အားကြီး​သူ​ကို​တွန်းလှန်​နိုင်​ရန် အားနည်းသူ​ကို ကူညီ​နိုင်​သော​အရှင်​သည် ကိုယ်တော်​မှလွဲ၍ မ​ရှိ​ပါ​။ အကျွန်ုပ်​တို့​၏​ဘုရားသခင်​ထာဝရဘုရား​၊ အကျွန်ုပ်​တို့​ကို ကယ်မ​တော်မူ​ပါ​။ ကိုယ်တော်​ကို အကျွန်ုပ်​တို့ ကိုးစား​ပါ​၏​။ အကျွန်ုပ်​တို့​သည် ဤ​လူအလုံးအရင်း​ကြီး​ကို​တိုက်ခိုက်​ရန် ကိုယ်တော်​၏​နာမ​တော်​ကို​စွဲကိုင်​လျက် လာ​ပါ​၏​။ အို ထာဝရဘုရား​၊ ကိုယ်တော်​သည် အကျွန်ုပ်​တို့​၏​ဘုရားသခင် ဖြစ်​တော်မူ​ပါ​၏​။ ဤ​လူ​တို့​သည် ကိုယ်တော်​ကို အနိုင်​မ​ရ​ပါစေ​နှင့်​”​ဟု ဆုတောင်း​လေ​၏​။


သူ​တို့​သည် ထို​ပြည်​တွင်​နေထိုင်​၍ ကိုယ်တော်​၏​နာမ​တော်​အဖို့ သန့်ရှင်းရာဌာန​တော်​ကို တည်​ကြ​ပါ​၏​။


သူ​သည် ရှေ့​တော်​တွင် စိတ်သဘော​ဖြောင့်မှန်​သော​သူ​ဖြစ်ကြောင်း ကိုယ်တော်​တွေ့မြင်​သဖြင့် ခါနာန်​ပြည်​၊ ဟိတ္တိ​ပြည်​၊ အာမောရိ​ပြည်၊ ဖေရဇိ​ပြည်​၊ ယေဗုသိ​ပြည်​၊ ဂိရဂါရှိ​ပြည်​တို့​ကို သူ​၏​သားစဉ်မြေးဆက်​တို့​အား​ပေး​ရန် သူ​နှင့်​ပဋိညာဉ်​ပြု​တော်မူ​၏​။ ကိုယ်တော်​သည်​လည်း ဖြောင့်မတ်​တော်မူ​သည်​ဖြစ်၍ ကတိ​တော်​ကို​တည်​စေ​တော်မူ​၏​။


ကိုယ်တော်​သည် လူမျိုးခြား​တို့​ကို ကိုယ်တော်​၏​လက်​တော်​ဖြင့်​နှင်ထုတ်​ပြီး ဘိုးဘေး​တို့​ကို အခြေချ​စေ​တော်မူ​၏​။ တိုင်းသူပြည်သား​တို့​ကို​နှိမ်နင်း​၍ ဘိုးဘေး​တို့​ကို​ပြန့်ပွား​စေ​တော်မူ​၏​။


အမှန်စင်စစ် ဘိုးဘေး​တို့​သည် ထို​ပြည်​ကို မိမိ​တို့​ဓားလက်နက်​ဖြင့် သိမ်းယူ​ခဲ့​ကြ​သည်​မ​ဟုတ်​ပါ​။ သူ​တို့​အောင်ပွဲ​ရ​သည်​မှာ သူ​တို့​၏​လက်ရုံး​ကြောင့်​လည်း မ​ဟုတ်​ပါ​။ ကိုယ်တော်​၏​လက်ယာ​လက်​တော်​၊ ကိုယ်တော်​၏​လက်ရုံး​တော်​နှင့် ကိုယ်တော်​၏ မျက်နှာ​တော်​အလင်း​ကြောင့်သာ​ဖြစ်​ပါ​၏​။ အကြောင်းမူကား ကိုယ်တော်​သည် သူ​တို့​ကို​နှစ်သက်​တော်မူ​၏​။


ကိုယ်တော်​သည် စပျစ်ပင်​တစ်​ပင်​ကို အီဂျစ်​ပြည်​မှ​ဆောင်ယူ​ခဲ့​၍ လူမျိုးခြား​တို့​ကို​နှင်ထုတ်​ပြီးလျှင် ၎င်း​ကို စိုက်ပျိုး​တော်မူ​၏​။


“​ငါ​သည် သင့်​ကို ကျွန်ခံရာ​အိမ်​အီဂျစ်​ပြည်​မှ​ထုတ်ဆောင်​ခဲ့​သော သင်​၏​ဘုရားသခင်​ထာဝရဘုရား​ဖြစ်​၏​။


ကောင်းကင်တမန်​ကို သင့်​ရှေ့​မှ ငါ​စေလွှတ်​မည်​။ ခါနာန်​လူမျိုး​၊ အာမောရိ​လူမျိုး​၊ ဟိတ္တိ​လူမျိုး​၊ ဖေရဇိ​လူမျိုး​၊ ဟိဝိ​လူမျိုး​၊ ယေဗုသိ​လူမျိုး​တို့​ကို ငါ​နှင်ထုတ်​မည်​။


ငါ​သည် သင်​တို့​ကို ငါ​၏​လူမျိုး​တော်​အဖြစ်​သိမ်းယူ​မည်​။ ငါ​သည် သင်​တို့​၏​ဘုရား​ဖြစ်​မည်​။ ငါ​သည် အီဂျစ်​လူမျိုး​တို့​၏​ထမ်းပိုး​အောက်​မှ သင်​တို့​ကို​ဆွဲထုတ်​တော်မူ​သော သင်​တို့​၏​ဘုရားသခင်​ထာဝရဘုရား​ဖြစ်ကြောင်း သင်​တို့​သိမြင်​ကြ​လိမ့်မည်​။


သို့သော် ငါ့​အစေအပါး အစ္စရေး​၊ ငါ​ရွေးချယ်​သော​သူ ယာကုပ်​၊ ငါ့​မိတ်ဆွေ အာဗြဟံ​၏​သားစဉ်မြေးဆက်​၊


ထိုသို့​မိန့်​တော်မူ​ပြီးနောက်“ငါ​တို့​၏​မိတ်ဆွေ​လာဇရု​သည် အိပ်ပျော်​လေ​ပြီ။ သို့ရာတွင် သူ့​ကို​နှိုး​ရန် ငါ​သွား​မည်”​ဟု မိန့်​တော်မူ​၏။


ငါ​သည် သင်​တို့​ကို ကျွန်​ဟူ၍​ခေါ်​တော့မည်​မ​ဟုတ်။ အကြောင်းမူကား ကျွန်​သည် မိမိ​သခင်​ပြု​နေ​သော​အရာ​ကို​မ​သိ။ ငါ့​ခမည်းတော်​ထံမှ ကြားနာ​ခဲ့​သော​အရာ​အားလုံး​ကို သင်​တို့​အား ငါ​သိ​စေ​ခဲ့​ပြီ​ဖြစ်​သောကြောင့် သင်​တို့​ကို မိတ်ဆွေ​ဟူ၍ ငါ​ခေါ်​၏။


ကိုယ်တော်​သည် သင်​တို့​ထက်​ကြီးမြတ်​သော​လူမျိုး​၊ အင်အားကြီးမား​သော​လူမျိုး​တို့​ကို သင်​တို့​ရှေ့​မှ​နှင်ထုတ်​ပြီး သင်​တို့​ကို သူ​တို့​၏​ပြည်​သို့ ပို့ဆောင်​တော်မူ​၍ ယနေ့​မြင်​ရ​သည့်​အတိုင်း သူ​တို့​၏​ပြည်​ကို သင်​တို့​အား အမွေ​အဖြစ် ပေး​တော်မူ​၏​။


ထိုအခါ “အာဗြဟံ​သည် ဘုရားသခင်​ကို​ယုံကြည်​သဖြင့် ထို​ယုံကြည်​ခြင်း​ကို သူ​၏​ဖြောင့်မတ်​ခြင်း​အဖြစ် သတ်မှတ်​တော်မူ​၏”​ဟူသော​ကျမ်းချက်​သည် ပြည့်စုံ​ခြင်း​သို့​ရောက်​၏။ အာဗြဟံ​သည်​လည်း ဘုရားသခင်​၏​မိတ်ဆွေ​ဟု ခေါ်ဝေါ်​ခြင်း​ကို​ခံရ​၏။


အားယူ​၍​ရဲရင့်​ခြင်း​ရှိ​လော့​။ ဤ​ပြည်​ကို ဤ​လူမျိုး​တို့​အား​ပေး​မည်​ဟု သူ​တို့​၏​ဘိုးဘေး​တို့​အား ငါ​ကျိန်ဆို​ခဲ့​သည့်​အတိုင်း ဤ​ပြည်​ကို သူ​တို့​အား အမွေခွဲဝေ​ပေး​ရ​မည်​။


ကြီးမြတ်​သော​လူမျိုး​၊ အင်အားကြီး​သော​လူမျိုး​တို့​ကို ထာဝရဘုရား​သည် သင်​တို့​ရှေ့​မှ​နှင်ထုတ်​တော်မူ​သည်​ဖြစ်၍ ယနေ့​တိုင်အောင် သင်​တို့​ရှေ့​၌ မည်သူမျှ​မ​ရပ်တည်​နိုင်​။


ငါ​သည် သင်​တို့​မ​ထွန်ယက်​သော​မြေ​၊ သင်​တို့​မ​တည်ဆောက်​သော​မြို့​များ​ကို သင်​တို့​အား​ပေး​သဖြင့် သင်​တို့​သည် ထို​မြို့​တို့​တွင် နေထိုင်​ရ​ကြ​၏​။ သင်​တို့​မ​စိုက်ပျိုး​သော​စပျစ်ခြံ​များ​၊ သံလွင်ခြံ​များ​မှ အသီး​ကို​လည်း​စား​ရ​ကြ​၏​’​ဟု မိန့်​တော်မူ​၏​။


ငါ​သည် သင်​တို့​အဖ​အာဗြဟံ​ကို ယူဖရေးတီး​မြစ်​တစ်ဖက်​မှ ခေါ်ထုတ်​၍ ခါနာန်​ပြည်​အရပ်ရပ်​သို့​ပို့ဆောင်​ခဲ့​၏​။ သူ​၏​သားစဉ်မြေးဆက်​ကို များပြား​စေ​၏​။ သူ့​အား သား​ဣဇက်​ကို ငါ​ပေး​၏​။