တ​ရား​ဟော 4:38 - မြန်​​​မာ့​​​စံ​​​မီ​​​သမ္မာ​​​ကျမ်း​​

³⁸ ကိုယ်တော်​သည် သင်​တို့​ထက်​ကြီးမြတ်​သော​လူမျိုး​၊ အင်အားကြီးမား​သော​လူမျိုး​တို့​ကို သင်​တို့​ရှေ့​မှ​နှင်ထုတ်​ပြီး သင်​တို့​ကို သူ​တို့​၏​ပြည်​သို့ ပို့ဆောင်​တော်မူ​၍ ယနေ့​မြင်​ရ​သည့်​အတိုင်း သူ​တို့​၏​ပြည်​ကို သင်​တို့​အား အမွေ​အဖြစ် ပေး​တော်မူ​၏​။

Common Language Bible

³⁸ သင်​တို့​ယ​ခု​ပိုင်​ဆိုင်​သော​ပြည်​သို့​ဝင်​ရောက် သိမ်း​ပိုက်​နိုင်​စေ​ရန် သင်​တို့​ချီ​တက်​ရန်​လမ်း ကြောင်း​တွင်​ရှိ​သော​သင်​တို့​ထက်​အင်​အား ကြီး​မား​သည့်​လူ​မျိုး​များ​ကို​နှင်​ထုတ်​တော် မူ​သည်။-

Judson Bible

³⁸ သင်​တို့​ထက်​အား​ကြီး၍ များ​ပြား​သော​လူ​မျိုး​တို့​ကို သင်​တို့​ရှေ့​မှ နှင်​ထုတ်​တော်​မူ၍၊ ယ​နေ့​ပင်​ဖြစ်​သ​ကဲ့​သို့ သူ​တို့​မြေ​ထဲ​သို့ သင်​တို့​ကို​သွင်း၍ အ​မွေ​ခံ​စေ​ခြင်း​ငှာ၊ မ​ဟာ​တန်​ခိုး​တော်​အား​ဖြင့် အဲ​ဂု​တ္တု​ပြည်​မှ ရှေ့​တော်၌​နုတ်​ဆောင်​တော်​မူ​ပြီ။

တ​ရား​ဟော 4:38 ပူးပေါင်းရင်းမြစ်များ

တ​ရား​ဟော 7:1

သင်​တို့​၏​ဘုရားသခင်​ထာဝရဘုရား​သည် သင်​တို့​ဝင်ရောက်​သိမ်းပိုက်​မည့်​ပြည်​သို့ သင်​တို့​ကို ပို့ဆောင်​သောအခါ လူမျိုးခြား​များ​ဖြစ်​သော​ဟိတ္တိ​လူမျိုး​၊ ဂိရဂါရှိ​လူမျိုး​၊ အာမောရိ​လူမျိုး​၊ ခါနာန်​လူမျိုး​၊ ဖေရဇိ​လူမျိုး​၊ ဟိဝိ​လူမျိုး​၊ ယေဗုသိ​လူမျိုး စသည့် သင့်​ထက်​ကြီးမြတ်​သော​လူမျိုး​၊ အင်အားကြီး​သော​လူမျိုး​ခုနစ်​မျိုး​ကို သင်​တို့​ရှေ့​မှ နှင်ထုတ်​တော်မူ​မည်​။

တ​ရား​ဟော 11:23

သို့ပြုလျှင် ထာဝရဘုရား​သည် ဤ​လူမျိုး​ရှိသမျှ​တို့​ကို သင်​တို့​၏​ရှေ့​မှ နှင်ထုတ်​တော်မူ​လိမ့်မည်​။ သင်​တို့​သည် သင်​တို့​ထက် များပြား​၍ အားကြီး​သော​လူမျိုး​တို့​ကို နှင်ထုတ်​ကြ​လိမ့်မည်​။

တ​ရား​ဟော 2:31

တစ်ဖန် ထာဝရဘုရား​က ငါ့​အား ‘​ယခု​မှစ၍ ရှိဟုန်​မင်းကြီး​နှင့်​သူ​၏​ပြည်​ကို သင်​တို့​အား​ငါ​ပေး​ပြီ​။ ထို​ပြည်​ကို​ပိုင်ဆိုင်​ဖို့ စတင်​သိမ်းပိုက်​ကြ​လော့​’​ဟု မိန့်​တော်မူ​၏​။

ယော​ရှု 3:10

တစ်ဖန် ယောရှု​က “​အသက်ရှင်​တော်မူ​သော​ဘုရားသခင်​သည် သင်​တို့​နှင့်အတူ​ရှိ​၍ ခါနာန်​လူမျိုး​၊ ဟိတ္တိ​လူမျိုး​၊ ဟိဝိ​လူမျိုး​၊ ဖေရဇိ​လူမျိုး​၊ ဂိရဂါရှိ​လူမျိုး​၊ အာမောရိ​လူမျိုး​၊ ယေဗုသိ​လူမျိုး​တို့​ကို သင်​တို့​ရှေ့​မှ မုချ​နှင်ထုတ်​တော်မူ​မည်​ဖြစ်ကြောင်း​ကို ဤသို့​အားဖြင့် သင်​တို့​သိ​ရ​မည်​။

တ​ရား​ဟော 8:18

ထို့ကြောင့် သင်​၏​ဘုရားသခင်​ထာဝရဘုရား​ကို​သာ သင်​အောက်မေ့​ရ​မည်​။ အကြောင်းမူကား ကိုယ်တော်​သည် သင့်​ဘိုးဘေး​တို့​အား​ကျိန်ဆို​တော်မူ​ခဲ့​သည့် မိမိ​ပဋိညာဉ်​ကို တည်​စေရန် ယနေ့​မြင်​ရ​သည့်​အတိုင်း ဥစ္စာပစ္စည်း​ရ​နိုင်​သည့်​အစွမ်း​ကို သင့်​အား ပေး​တော်မူ​သော​အရှင်​ဖြစ်​တော်မူ​၏​။

တော​လည် 32:4

အစ္စရေး​လူထု​တို့​၏​ရှေ့မှောက်​၌ ထာဝရဘုရား​တိုက်ခိုက်​သိမ်းပိုက်​တော်မူ​ခဲ့​သော​နယ်မြေ​တို့​သည် တိရစ္ဆာန်​အတွက် သင့်တော်​သော​မြေ​ဖြစ်​၏​။ သခင်​၏​အစေအပါး​တို့​၌​လည်း တိရစ္ဆာန်​ရှိ​ပါ​၏​။

တော​လည် 34:14

ရုဗင်​သားမြေး​တို့​၏​အမျိုးအနွယ်​သည် ဘိုးဘေး​တို့​၏​အိမ်ထောင်စု​အလိုက်​၊ ဂဒ်​သားမြေး​တို့​၏​အမျိုးအနွယ်​သည်​လည်း ဘိုးဘေး​တို့​၏​အိမ်ထောင်စု​အလိုက် သူ​တို့​၏​အမွေ​ကို ရ​ပြီး​ဖြစ်​၏​။ မနာရှေ​အမျိုးအနွယ်​တစ်ဝက်​သည်​လည်း သူ​တို့​၏​အမွေ​ကို ရ​ပြီး​ဖြစ်​၏​။

တော​လည် 34:15

ဤ​အမျိုးအနွယ်​နှစ်​နွယ်​နှင့် တစ်ဝက်​သည် ဂျေရိခေါ​မြို့​တစ်ဖက်​၊ ဂျော်ဒန်​မြစ်​အနီး​၊ အရှေ့ဘက်​နေထွက်​ရာ​အရပ်​တွင် အမွေ​ရ​ပြီး​ဖြစ်​၏​”​ဟု မိန့်မှာ​လေ​၏​။

၂ ရာ​ချုပ် 20:7

အကျွန်ုပ်​တို့​၏​ဘုရားသခင်​၊ ဤ​ပြည်​၌​နေထိုင်​သော​လူမျိုး​တို့​ကို ကိုယ်တော်​၏​လူမျိုး​တော်​အစ္စရေး​တို့​ရှေ့​မှ​နှင်ထုတ်​တော်မူ​၍ ကိုယ်တော်​၏​မိတ်ဆွေ​ဖြစ်​တော်မူ​သော​အာဗြဟံ​၏​သားစဉ်မြေးဆက်​ကို ထာဝရ​နေထိုင်​စေ​တော်မူ​သည်​မ​ဟုတ်​လော​။

၂ ရာ​ချုပ် 20:11

သို့သော် ယခုမှာ ကြည့်ရှု​တော်မူ​ပါ​။ သူ​တို့​သည် အကျွန်ုပ်​တို့​အား ကျေးဇူးဆပ်​သော​အားဖြင့် ကိုယ်တော်​အမွေပေး​တော်မူ​သော​ပြည်​မှ အကျွန်ုပ်​တို့​ကို နှင်ထုတ်​ရန် လာ​နေ​ပါ​ပြီ​။