အွန်လိုင်း သမ္မာကျမ်းစာ

ကြော်ငြာတွေ


သမ္မာကျမ်းစာတစ်အုပ်လုံး ဓမ္မဟောင်း ဓမ္မသစ်




၂ ရာ 7:10 - မြန်​​​မာ့​​​စံ​​​မီ​​​သမ္မာ​​​ကျမ်း​​

ငါ့​လူမျိုး​တော်​အစ္စရေး​တို့​အဖို့ နေထိုင်စရာ​ကို ငါ​ပြင်ဆင်​ပေး​မည်​။ သူ​တို့​နေရာ​၌ သူ​တို့​ကို အတည်တကျ​နေထိုင်​စေ​မည်​။ နောက်တစ်ဖန် အနှောင့်အယှက်​ခံရ​တော့​မည်​မ​ဟုတ်​။ ရှေးယခင်​က​ကဲ့သို့ မတရား​သော​သူ​တို့​၏​နှိပ်စက်​ခြင်း​ကို ခံရ​တော့​မည်​မ​ဟုတ်​။

အခန်းကိုကြည့်ပါ။

Common Language Bible

ငါ​၏​လူ​မျိုး​တော်​ဣ​သ​ရေ​လ​အ​မျိုး​သား တို့​အ​တွက်​နေ​ရာ​အ​ရပ်​ကို​ရွေး​ချယ်​၍ နောက် တစ်​ဖန်​ညှင်း​ဆဲ​ခြင်း​ကို​မ​ခံ​ရ​တော့​ဘဲ အ​တည်​တ​ကျ​နေ​ထိုင်​စေ​ပြီ။ ဤ​ပြည် သို့​ဝင်​ရောက်​လာ​ချိန်​မှ​အ​စ​ပြု​၍ သူ​တို့ သည်​အ​ကြမ်း​ဖက်​သူ​လူ​စု​တို့​၏​တိုက်​ခိုက် မှု​ကို​ခံ​ခဲ့​ရ​ကြ​သော်​လည်း​နောက်​တစ်​ဖန် ခံ​ရ​ကြ​တော့​မည်​မ​ဟုတ်။ သင့်​အား​ရန်​သူ အ​ပေါင်း​တို့​၏​ဘေး​မှ​လုံ​ခြုံ​စေ​၍ သား မြေး​များ​ဖြစ်​ထွန်း​စေ​မည်​ဖြစ်​ကြောင်း ငါ​ထာ​ဝ​ရ​ဘု​ရား​မြွက်​ဆို​၏။-

အခန်းကိုကြည့်ပါ။

Garrad Bible

ဣ သ ရေ လ လူ မျိုး တော် အား လည်း နေ ရာ ကို စီ မံ ချ ထား လျက် နောင် မ ရွှေ့ မ ပြောင်း ရ ဘဲ ထို နေ ရာ တွင် တည် မြဲ စေ လိမ့် မည်။ ဣ သ ရေ လ လူ မျိုး တော့် အ ပေါ် မှာ တ ရား မင်း တို့ ကို ငါ ခန့် ထား ရာ နေ့၊ ယ မန် ကာ လ ကဲ့ သို့ မ တ ရား သူ တို့ ညှဉ်း ပန်း ရ ကြ တော့ မည် မ ဟုတ်။ သင့် ရန် သူ ဟူ သ မျှ ကင်း ငြိမ်း စေ၍ သင့် အိမ် ထောင် ကို အ စဉ် အ ဆက် တည် ဆောက် လ တံ့ ဟု ငါ ထာ ဝ ရ ဘု ရား ဖော် ပြ ၏။

အခန်းကိုကြည့်ပါ။

Judson Bible

ထို​မှ​တစ်​ပါး ငါ၏​လူ​ဣ​သ​ရေ​လ​အ​မျိုး​နေ​ရာ​အ​ရပ်​ကို ငါ​ပြင်​ဆင်​ပြီ။ သူ​တို့​သည် နောက်​တစ်​ဖန် မ​ပြောင်း​မ​လဲ မိ​မိ​တို့​နေ​ရာ၌ နေ​စေ​ခြင်း​ငှာ ငါ​မြဲ​မြံ​စေ​မည်။ မ​တ​ရား​သော​သူ​တို့​သည် ရှေး​ကာ​လ၌​လည်း​ကောင်း၊

အခန်းကိုကြည့်ပါ။



၂ ရာ 7:10
25 ပူးပေါင်းရင်းမြစ်များ  

သူ​တို့​အား ငါ​မိန့်မှာ​သမျှ​အတိုင်း​၊ ငါ့​အစေအပါး​မောရှေ​မှာထား​သမျှ​သော ပညတ်တရား​အတိုင်း လိုက်နာ​ပြုကျင့်​မည်​ဆိုလျှင် အစ္စရေး​လူမျိုး​တို့​သည် သူ​တို့​၏​ဘိုးဘေး​တို့​အား ငါ​ပေး​ထား​သော​ပြည်​မှ​ထွက်သွား​၍ လှည့်လည်သွားလာ​ရ​တော့​မည်​မ​ဟုတ်​”​ဟု မိန့်မှာ​တော်မူ​ခဲ့​၏​။


ငါ့​လူမျိုး​တော်​အစ္စရေး​တို့​အဖို့ နေထိုင်စရာ​ကို ငါ​ပြင်ဆင်​ပေး​မည်​။ သူ​တို့​နေရာ​၌ သူ​တို့​ကို အတည်တကျ​နေထိုင်​စေ​မည်​။ နောက်တစ်ဖန် အနှောင့်အယှက်​ခံရ​တော့​မည်​မ​ဟုတ်​။ ရှေးယခင်​က​ကဲ့သို့ မတရား​သော​သူ​တို့​၏​နှိပ်စက်​ခြင်း​ကို ခံရ​တော့​မည်​မ​ဟုတ်​။


မောရှေ​အားဖြင့် သူ​တို့​အား ငါ​မိန့်မှာ​ထား​သမျှ​သော ပညတ်ချက်​၊ ပြဋ္ဌာန်းချက်​၊ စီရင်ထုံးဖွဲ့ချက်​အားလုံး​တို့​ကို လိုက်နာ​စောင့်ထိန်း​လျှင် သင်​တို့​၏​ဘိုးဘေး​တို့​အား ငါ​ပေး​ထား​သော​ပြည်​တော်​မှ အစ္စရေး​လူမျိုး​တို့​ကို နောက်တစ်ဖန်​ဖယ်ရှား​ပစ်​တော်မူ​မည်​မ​ဟုတ်​”​ဟု မိန့်မှာ​တော်မူ​ခဲ့​၏​။


ကိုယ်တော်​သည် လူမျိုးခြား​တို့​ကို ကိုယ်တော်​၏​လက်​တော်​ဖြင့်​နှင်ထုတ်​ပြီး ဘိုးဘေး​တို့​ကို အခြေချ​စေ​တော်မူ​၏​။ တိုင်းသူပြည်သား​တို့​ကို​နှိမ်နင်း​၍ ဘိုးဘေး​တို့​ကို​ပြန့်ပွား​စေ​တော်မူ​၏​။


အို ဘုရားသခင်​၊ ကိုယ်တော်​သည် အကျွန်ုပ်​၏​ရှင်ဘုရင်​ဖြစ်​တော်မူ​၏​။ ယာကုပ်​၏​အောင်ပွဲ​ကို​စီမံ​တော်မူ​ပါ​။


ကိုယ်တော်​သည် စပျစ်ပင်​တစ်​ပင်​ကို အီဂျစ်​ပြည်​မှ​ဆောင်ယူ​ခဲ့​၍ လူမျိုးခြား​တို့​ကို​နှင်ထုတ်​ပြီးလျှင် ၎င်း​ကို စိုက်ပျိုး​တော်မူ​၏​။


ထို​အပင်​အတွက် နေရာ​ကို​ရှင်းလင်း​ပေး​တော်မူ​သဖြင့် ၎င်း​သည် အမြစ်စွဲ​၍ ပြည်​တော်​၌​ပြန့်ပွား​ခဲ့​ပါ​၏​။


ဖာရော​မင်းကြီး​က​လည်း မိမိ​လူ​အပေါင်း​တို့​အား “​မွေးလာ​သော​ယောက်ျားလေး​ရှိသမျှ​ကို နိုင်း​မြစ်​ထဲသို့​ပစ်ချ​စေ​။ မိန်းကလေး​ရှိသမျှ​ကို​ကား အသက်ရှင်​စေ​”​ဟု အမိန့်ပေး​လေ​၏​။


အို ထာဝရဘုရား​၊ ကိုယ်တော်​ကိန်းဝပ်​တော်မူ​ရန် ဖန်ဆင်း​တော်မူ​သည့်​အရပ်​၊ အို အကျွန်ုပ်​၏​ဘုရားရှင်​၊ ကိုယ်တော်​၏​လက်​တော်​ဖြင့်​တည်​တော်မူ​သည့် သန့်ရှင်းရာဌာန​တည်းဟူသော ကိုယ်တော်​၏​အမွေ​တော်​တောင်​သို့ ကိုယ်တော်​၏​လူမျိုး​တော်​ကို ယူဆောင်​လာ​၍ နေရာချ​တော်မူ​လိမ့်မည်​။


သူ​သည် မြေ​ကို​တူးဆွ​၍ ကျောက်ခဲ​တို့​ကို​ရှင်းလင်း​ပြီးမှ အကောင်းဆုံး​စပျစ်ပင်​ကို​စိုက်​၏​။ ထို​ခြံ​အလယ်​တွင် လင့်စင်​တစ်​ခု​ကို​ဆောက်​ပြီး စပျစ်သီးနယ်ရာကျင်း​ကို​လည်း တူး​၏​။ သူ​သည် ကောင်း​သော​စပျစ်သီး သီး​လာ​ရန် စောင့်မျှော်​ခဲ့​သော်လည်း စပျစ်သီး​အရိုင်း​များ​သာ သီး​ပါ​သည်​တကား​။


ကောင်းကင်​ဗိုလ်ခြေ​အရှင်​ထာဝရဘုရား​၏​စပျစ်ခြံ​ကား အစ္စရေး​အမျိုးအနွယ်​ပေတည်း​။ ကိုယ်တော်​နှစ်သက်​တော်မူ​သော​အပင်​ကား ယုဒ​အမျိုးသား​ပေတည်း​။ ကိုယ်တော်​သည် တရားမျှတမှု​ကို စောင့်မျှော်​တော်မူ​သော်လည်း ကြည့်ရှု​လော့​။ သတ်ဖြတ်မှု​သာ​ဖြစ်​ပါ​သည်​တကား​။ ဖြောင့်မတ်​ခြင်း​အစား အော်ဟစ်ငိုကြွေး​ခြင်း​သာ​ရှိ​ပါ​သည်​တကား​။


သင်​၏​ပြည်​၌ ရက်စက်ကြမ်းကြုတ်မှု​အကြောင်း​၊ သင်​၏​နယ်နိမိတ်​အတွင်း​၌ ပျက်စီး​ပြိုပျက်​ခြင်း​အကြောင်း ကြား​ရ​တော့​မည်​မ​ဟုတ်​။ သင်​၏​မြို့ရိုး​တို့​ကို “​ကယ်တင်​ခြင်း​”​၊ သင်​၏​မြို့​တံခါး​တို့​ကို “​ချီးမွမ်း​ခြင်း​”​ဟူ၍ သင်​ခေါ်ဆို​လိမ့်မည်​။


သင်​၏​လူ​အပေါင်း​တို့​သည် ဖြောင့်မတ်​ကြ​လိမ့်မည်​။ ပြည်​တော်​ကို အစဉ်အမြဲ​ပိုင်ဆိုင်​ကြ​ရ​လိမ့်မည်​။ ငါ​စိုက်​သော​အကိုင်း​၊ ငါ့​လက်​ဖြင့်​ပြု​သော​အရာ​ဖြစ်၍ ငါ​၏​ဘုန်း​ကို​ထင်ရှား​စေ​ကြ​လိမ့်မည်​။


ငါ​သည် လူမျိုး​တစ်​မျိုး​၊ တိုင်းနိုင်ငံ​တစ်​နိုင်ငံ​ကို တစ်ခဏအတွင်း တည်ထောင်​ပြုစု​နိုင်​သည်​ဟု ငါ​မိန့်ဆို​ခဲ့​ပြီ​။


သူ​တို့​ကောင်းကျိုး​အတွက် သူ​တို့​ကို ငါ​ကြည့်ရှု​မည်​။ သူ​တို့​ကို ဤ​ပြည်​သို့​ပြန်ခေါ်​လာ​မည်​။ မ​ဖြိုဖျက်​ဘဲ တည်ဆောက်​မည်​။ မ​နုတ်ပစ်​ဘဲ စိုက်ပျိုး​မည်​။


အစ္စရေး​လူမျိုး​တို့​ကို စူး​သော​ဆူး​၊ နာကျင်​စေ​သော​ဆူး​နှင့်​တူ​သော​ဝန်းကျင်​မှ မကောင်းပြော​သူ​များ ရှိ​တော့​မည်​မ​ဟုတ်​။ နောက်မှ ငါ​သည် ဘုရားရှင်​ထာဝရဘုရား​ဖြစ်ကြောင်း သူ​တို့​သိ​ကြ​လိမ့်မည်’​ဟု မိန့်​တော်မူ​၏​။


ထို​နေ့ရက်​တွင် သူ​တို့​ကို တောရိုင်းတိရစ္ဆာန်​များ​၊ မိုးကောင်းကင်​ငှက်​များ​၊ မြေ​ပေါ်ရှိ​တွားသွားသောသတ္တဝါ​များ​နှင့် ပဋိညာဉ်​ဖွဲ့​စေ​မည်​။ လေး​၊ ဓား​၊ စစ်ပွဲ​တို့​ကို မြေ​ပေါ်မှ​ဖယ်ရှား​မည်​။ သူ​တို့​သည် ဘေးကင်းလုံခြုံ​စွာ​အိပ်စက်​ခွင့်​ရ​လိမ့်မည်​။


သူ​တို့​ကို နေရင်းပြည်​၌ စိုက်ထား​မည်​။ ငါ​ပေး​သော​ပြည်​မှ သူ​တို့ ဆွဲနုတ်​ခြင်း​ခံရ​တော့​မည်​မ​ဟုတ်”​ဟု သင်​၏​ဘုရားသခင်​ထာဝရဘုရား မိန့်​တော်မူ​၏​။


ကိုယ်တော်​သည် သူ​တို့​၏​မျက်စိ​မှ​မျက်ရည်​ရှိသမျှ​တို့​ကို သုတ်​ပေး​တော်မူ​လိမ့်မည်။ သေ​ခြင်း​သည် ရှိ​တော့မည်​မ​ဟုတ်။ ဝမ်းနည်း​ကြေကွဲ​ခြင်း၊ အော်ဟစ်​ငိုကြွေး​ခြင်း​နှင့် နာကျင်​ခြင်း​ဝေဒနာ​တို့​သည်​လည်း ရှိ​တော့မည်​မ​ဟုတ်။ အကြောင်းမူကား ယခင်​ဖြစ်​ခဲ့​သော​အရာ​တို့​သည် ပျောက်ကွယ်​သွား​ကြ​ပြီ”​ဟု ဆို​သည်​ကို ငါ​ကြား​ရ​၏။


ထို​ဘုရင်​၌ သံ​စစ်ရထား​အစီး ကိုး​ရာ​ရှိ​၏​။ သူ​သည် အစ္စရေး​အမျိုးသား​တို့​ကို အနှစ်​နှစ်ဆယ်​ပတ်လုံး ရက်ရက်စက်စက်​ညှဉ်းဆဲ​သောကြောင့် အစ္စရေး​အမျိုးသား​တို့​က ထာဝရဘုရား​ထံ အော်ဟစ်​ကြ​လေ​၏​။


ဖိလိတ္တိ​တပ်စခန်း​မှ အသေခံ​စစ်ကြောင်း သုံး​ကြောင်း​ထွက်​လာ​ပြီး တစ်​ကြောင်း​မှာ ရွာလ​ပြည်​၊ ဩဖရ​မြို့​လမ်း​အတိုင်း သွား​၏​။