၁ ရာ 19:7 - မြန်မာ့စံမီသမ္မာကျမ်း ယောနသန်သည် ဒါဝိဒ်ကိုခေါ်၍ ထိုအကြောင်းအရာအလုံးစုံကိုပြောပြပြီးလျှင် ဒါဝိဒ်ကို ရှောလုမင်းကြီးထံပြန်ခေါ်ဆောင်လာ၍ ယခင်ကကဲ့သို့ပင် အခစားဝင်စေ၏။ Common Language Bible ထို့ကြောင့်ယောနသန်သည်ဒါဝိဒ်ကိုခေါ်၍ အလုံးစုံကိုပြောကြားပြီးလျှင် ရှောလုထံ သို့ခေါ်ဆောင်သွား၏။ ဒါဝိဒ်သည်လည်းယခင် ကကဲ့သို့ဘုရင်၏ထံတွင်ခစားလေ၏။ Garrad Bible ယော န သန် သည် ဒါ ဝိဒ် ကို ခေါ်၍ အ လုံး စုံ ပြန် ပြော ပြီး မှ ရှော လု မင်း ထံ သွင်း သည့် အ တိုင်း ခ စား မြဲ ခ စား ရ လေ၏။ Judson Bible ယောနသန်သည် ဒါဝိဒ်ကိုခေါ်၍ အကြောင်းအရာ၊ အလုံးစုံတို့ကိုပြောပြီးမှ၊ ရှောလုထံသို့သွင်းပြန်၍ အထံတော်၌ အရင်နေသကဲ့သို့ နေရ၏။ |
ယခင် ရှောလုမင်းကြီးအုပ်စိုးစဉ်ကာလကပင် အရှင်သည် အစ္စရေးလူမျိုးကို ဦးဆောင်ဦးရွက်ပြုပေးခဲ့သူ ဖြစ်ပါ၏။ ထာဝရဘုရားကလည်း အရှင့်အား ‘သင်သည် ငါ့လူမျိုးတော်အစ္စရေးတို့ကို ကြည့်ရှုစောင်မရမည်၊ အစ္စရေးလူမျိုးတို့ကို အုပ်ချုပ်ရမည်’ဟူ၍ မိန့်ဆိုတော်မူခဲ့ပါပြီ”ဟု လျှောက်တင်ကြ၏။
မောရှေက ထာဝရဘုရားအား “အို အကျွန်ုပ်၏ဘုရားရှင်၊ အကျွန်ုပ်သည် ယခင်ကဖြစ်စေ၊ မနေ့ကဖြစ်စေ၊ ကိုယ်တော်၏အစေအပါးအား ကိုယ်တော်မိန့်ဆိုတော်မူသောအချိန်၌ပင်ဖြစ်စေ စကားပြောကောင်းသူမဟုတ်ပါ။ အကျွန်ုပ်သည် နှုတ်လေးလျှာလေးသောသူလည်း ဖြစ်ပါ၏”ဟု ပြန်လျှောက်လေ၏။
အကယ်စင်စစ် တောဖက်အရပ်ကို ရှေးယခင်ကပင် ပြင်ဆင်ထားလေပြီ။ ထိုအရပ်ကို ရှင်ဘုရင်အတွက် အဆင်သင့်ဖြစ်စေပြီ။ ထိုအရပ်သည် နက်၍ကျယ်ဝန်းပြီး မီးရှို့ရန်ထင်းအမြောက်အမြားပုံထား၏။ ထာဝရဘုရား၏ထွက်သက်လေသည် ကန့်ရည်စီးကြောင်းကဲ့သို့ထွက်လာ၍ ထိုအရပ်ကို မီးစွဲလောင်စေမည်။
ဒါဝိဒ်သည် ရှောလုမင်းကြီးထံသို့ရောက်၍ ရှေ့တော်၌အခစားဝင်သောအခါ ရှောလုမင်းကြီးသည် သူ့ကို အလွန်သဘောကျသဖြင့် မိမိ၏လက်နက်ကိုင်အဖြစ် ခန့်အပ်လေ၏။
နောက်တစ်နေ့တွင် ဘုရားသခင်ထံတော်မှ ဝိညာဉ်ဆိုးသည် ရှောလုမင်းကြီးကို ဝင်ပူးသဖြင့် သူသည် နန်းတော်အလယ်တွင် အော်ဟစ်ရေရွတ်နေ၍ ဒါဝိဒ်သည် ယခင်နေ့များကဲ့သို့ပင် စောင်းတီးပေး၏။ ရှောလုမင်းကြီးသည် လှံကိုလည်း ကိုင်ထား၏။
ထို့ကြောင့် ရှောလုမင်းကြီးသည် ဒါဝိဒ်ကို လူတစ်ထောင်အုပ်အဖြစ်ခန့်အပ်ပြီး အထံတော်မှရွှေ့ပြောင်းပစ်၏။ ဒါဝိဒ်သည်လည်း စစ်သည်တို့ကို ဦးဆောင်ရ၏။
ထိုနေ့မှစ၍ ရှောလုမင်းကြီးသည် ဒါဝိဒ်အား ဖခင်အိမ်သို့ ပြန်သွားခွင့်မပေးတော့ဘဲ ခေါ်ထားလေ၏။
ထိုအခါ ရှောလုမင်းကြီးသည် ယောနသန်၏စကားကို နားထောင်၍ “ထာဝရဘုရား အသက်ရှင်တော်မူသည်နှင့်အညီ သူအသတ်ခံရမည်မဟုတ်”ဟု ကျိန်ဆို၏။
စစ်ပွဲတစ်ဖန်ဖြစ်လာပြန်သောအခါ ဒါဝိဒ်သည် ဖိလိတ္တိလူမျိုးတို့ကို သွားရောက်တိုက်ခိုက်၏။ ပြင်းထန်စွာတိုက်ခိုက်သတ်ဖြတ်သဖြင့် ဖိလိတ္တိလူမျိုးတို့ ထွက်ပြေးကြရလေ၏။