ကိုယ်တော်ကိုမပြစ်မှားမိစေရန် ကိုယ်တော်၏မိန့်တော်မူချက်ကို အကျွန်ုပ်၏စိတ်နှလုံးထဲ၌ သိုမှီးထားပါပြီ။
သုတ္တံကျမ်း။ 6:22 - မြန်မာ့စံမီသမ္မာကျမ်း ၎င်းတို့သည် သင်သွားလာသောအခါ သင့်ကိုပို့ဆောင်လိမ့်မည်။ သင်အိပ်သောအခါ သင့်ကိုစောင့်ရှောက်လိမ့်မည်။ သင်နိုးသောအခါ သင့်ကိုစကားပြောလိမ့်မည်။ Common Language Bible သင်သည် အခြားသို့ သွားသောအခါ၊ ထိုပညတ် တရားသည် လမ်းပြလိမ့်မည်။ အိပ်သောအခါ သင့်ကို စောင့်လိမ့်မည်။ နိုးသောအခါ သင်နှင့် နှုတ်ဆက် လိမ့်မည်။ Garrad Bible ထို ပ ညတ် တ ရား သည်၊ သင် သွား လာ သော အ ခါ လမ်း ပြ လျက်၊ အိပ် သော အ ခါ စောင့် ရှောက် ပြီး လျှင်၊ နိုး သော အ ခါ လည်း နှုတ် ဆက် လိမ့် မည်။ Judson Bible သင်သည် အခြားသို့သွားသောအခါ၊ ထိုပညတ်တရားသည် လမ်းပြလိမ့်မည်။ အိပ်သောအခါ သင့်ကိုစောင့်လိမ့်မည်။ နိုးသောအခါ သင်နှင့် နှုတ်ဆက်လိမ့်မည်။ |
ကိုယ်တော်ကိုမပြစ်မှားမိစေရန် ကိုယ်တော်၏မိန့်တော်မူချက်ကို အကျွန်ုပ်၏စိတ်နှလုံးထဲ၌ သိုမှီးထားပါပြီ။
အကျွန်ုပ်သည် ကိုယ်တော်၏ကတိတော်ကို ဆင်ခြင်အောက်မေ့ရန် ညဥ့်ယံတို့၌ နိုးလျက်နေပါ၏။
ကိုယ်တော်၏သက်သေခံချက်တို့သည် အကျွန်ုပ်မွေ့လျော်ရာ၊ အကျွန်ုပ်တိုင်ပင်ဖက်ဖြစ်ကြပါ၏။
ကိုယ်တော်၏ပြဋ္ဌာန်းချက်တို့သည် အကျွန်ုပ်တည်းခိုနေထိုင်ရာအိမ်၌ အကျွန်ုပ်အတွက်တေးသီချင်းများဖြစ်ကြပါ၏။
လူငယ်သည် မိမိ၏ဘဝလမ်းကို မည်ကဲ့သို့ သန့်ရှင်းစင်ကြယ်စေနိုင်ပါမည်နည်းဟူမူကား ကိုယ်တော်၏နှုတ်ကပတ်တော်အတိုင်း စောင့်ထိန်းရမည်ဖြစ်၏။
အကျွန်ုပ်သည် ကိုယ်တော်၏တရားတော်ကို အလွန်မြတ်နိုးပါ၏။ ထိုတရားတော်သည် တစ်နေ့လုံး အကျွန်ုပ်ဆင်ခြင်အောက်မေ့စရာဖြစ်ပါ၏။
လူတို့၏လုပ်ဆောင်မှုများနှင့်ပတ်သက်၍မူကား ကြမ်းကြုတ်သောလမ်းများကို ကိုယ်တော်၏နှုတ်တော်ထွက်စကားအားဖြင့် အကျွန်ုပ်ရှောင်ကြဉ်ခဲ့ပါ၏။
ငါ့ကိုဆန့်ကျင်လျက် ပတ်လည်မှသောင်းချီဝိုင်းရံထားသောလူတို့ကို ငါကြောက်မည်မဟုတ်။
ကိုယ်တော်၏အလင်းနှင့် ကိုယ်တော်၏သမ္မာတရားကို စေလွှတ်တော်မူပါ။ ၎င်းတို့သည် အကျွန်ုပ်ကို ကိုယ်တော်၏ သန့်ရှင်းသောတောင်တော်သို့လည်းကောင်း၊ ကိုယ်တော်၏ကိန်းဝပ်တော်မူရာ တဲတော်သို့လည်းကောင်း ဦးဆောင်လမ်းပြလျက် ခေါ်ဆောင်သွားကြပါစေသော။