ဝတ်​ပြု 23:39 - မြန်​​​မာ့​​​စံ​​​မီ​​​သမ္မာ​​​ကျမ်း​​

ထို့ပြင် မြေ​အသီးအနှံ​ကို​စုသိမ်း​သောအခါ သတ္တမ​လ​၏​တစ်ဆယ့်​ငါး​ရက်​နေ့​မှစ၍ ခုနစ်​ရက်​ပတ်လုံး ထာဝရဘုရား​အဖို့ ပွဲတော်​ကျင်းပ​ရ​မည်​။ ပထမ​နေ့​နှင့် အဋ္ဌမ​နေ့​သည် ငြိမ်ဝပ်​စွာ​နေ​ရ​သော​နေ့​ဖြစ်​၏​။

Common Language Bible

သင်​တို့​ကောက်​သိမ်း​ပြီး​သော​အ​ခါ သစ်​ခက်​နေ ပွဲ​တော်​ကို​သတ္တ​မ​လ၊ တစ်​ဆယ့်​ငါး​ရက်​နေ့​မှ အ​စ​ပြု​၍ ခု​နစ်​ရက်​တိုင်​တိုင်​ကျင်း​ပ​ရ​မည်။ ပွဲ​တော်​ပ​ထ​မ​နေ့​ကို​အ​ထူး​နား​ရက်​အ​ဖြစ် သတ်​မှတ်​ရ​မည်။-

Garrad Bible

မြေ ထွက် အ သီး အ နှံ သို ထား ပြီး နောက် သ တ္တ မ လ၊ ဆယ့် ငါး ရက် နေ့ က စ၍ ခု နစ် ရက် ပတ် လုံး၊ ထာ ဝ ရ ဘု ရား ၏ ပူ ဇော် ပွဲ ကို ကျင်း ပ ကြ ရာ၊ ပ ဌ မ နေ့၌ လည်း ကောင်း၊ အ ဌ မ နေ့ ၌ လည်း ကောင်း ဥ ပုသ် စောင့် ကြ လော့။

Judson Bible

ထို​မှ​တစ်​ပါး၊ သင်​တို့​သည် မြေ​အ​သီး​အ​နှံ​ကို သိမ်း​ယူ​သော​နောက်၊ သ​တ္တ​မ​လ ဆယ်​ငါး​ရက်​နေ့​မှ​စ၍ ခု​နစ်​ရက်​ပတ်​လုံး ထာ​ဝ​ရ​ဘု​ရား​အား​ပွဲ​ခံ​ရ​ကြ​မည်။ ပ​ထ​မ​နေ့​နှင့် အ​ဋ္ဌ​မ​နေ့၌ ဥ​ပုသ်​စောင့်​ရ​ကြ​မည်။

ဝတ်​ပြု 23:39 ပူးပေါင်းရင်းမြစ်များ

ထွက်​မြောက် 23:16

လယ်ယာ​၌ သင်​မျိုးကြဲ​၍ ထွက်ရှိ​သော​အဦးဆုံးသီးနှံ​ရိတ်သိမ်း​ရာ​ပွဲ​ကို​လည်းကောင်း​၊ နှစ်​ကုန်​ချိန်​၌ လယ်ယာ​မှ​သီးနှံ​စုသိမ်း​သောအခါ စုသိမ်း​ရာ​ပွဲ​ကို​လည်းကောင်း ကျင်းပ​ရ​မည်​။

ဝတ်​ပြု 23:24

“​အစ္စရေး​အမျိုးသား​တို့​အား ဆင့်ဆို​လော့​။ သတ္တမ​လ​၊ ပထမ​နေ့​သည် သင်​တို့ ငြိမ်ဝပ်​စွာ​နေ​ရ​သော​နေ့​၊ အောက်မေ့ဖွယ်​ရာ​တံပိုးမှုတ်​သည့် သန့်ရှင်း​သော​ဓမ္မစည်းဝေး​ခြင်း​ပြု​သော​နေ့ ဖြစ်​ရ​မည်​။

ဝတ်​ပြု 23:34

“​အစ္စရေး​အမျိုးသား​တို့​အား ဆင့်ဆို​လော့​။ သတ္တမ​လ​၊ တစ်ဆယ့်​ငါး​ရက်​နေ့​မှစ၍ ခုနစ်​ရက်​ပတ်လုံး ထာဝရဘုရား​အဖို့ ယာယီတဲစု​ပွဲ ကျင်းပ​ရ​မည်​။

ဝတ်​ပြု 23:36

ခုနစ်​ရက်​ပတ်လုံး ထာဝရဘုရား​ထံ မီး​ဖြင့်​ပူဇော်​သော​ယဇ်​ကို ပူဇော်​ရ​မည်​။ ရှစ်​ရက်​မြောက်​သော​နေ့​၌ သန့်ရှင်း​သော​ဓမ္မစည်းဝေး​ခြင်း​ကို​ပြု​၍ ထာဝရဘုရား​ထံ မီး​ဖြင့်​ပူဇော်​သော​ယဇ်​ကို ပူဇော်​ရ​မည်​။ ဤ​နေ့​ကား ဓမ္မစည်းဝေးပွဲနေ့ကြီး​ဖြစ်၍ မည်သည့်​အလုပ်​ကို​မျှ မ​လုပ်​ရ​။

ဝတ်​ပြု 23:38

ထာဝရဘုရား​၏​ဥပုသ်နေ့​ကို​စောင့်ထိန်း​သည်​သာမက​၊ သင်​တို့​၏​ပူဇော်သက္ကာ​များ​၊ သင်​တို့​၏​ကတိသစ္စာ​အလျောက်​ပူဇော်​သော​အရာ​အားလုံး​၊ သင်​တို့​၏​စေတနာ​အလျောက်​ပူဇော်​သော​အရာ​အားလုံး​တို့​ကို ထာဝရဘုရား​အား ပူဇော်​ရ​မည်​။

ဝတ်​ပြု 23:40

သင်​တို့​သည် ပထမ​နေ့​၌ ကောင်း​သော​အပင်​၏​အသီး​၊ စွန်ပလွံခက်​များ​၊ အရွက်ဝေဆာ​သော​အပင်​၏​အကိုင်း​၊ ချောင်း​ဘေး​ရှိ​မိုးမခပင်​များ​ကို ယူ​၍ ခုနစ်​ရက်​ပတ်လုံး သင်​တို့​၏​ဘုရားသခင် ထာဝရဘုရား​ရှေ့​တော်​၌ ဝမ်းမြောက်​ကြ​ရ​မည်​။

တ​ရား​ဟော 16:13

သင်​သည် သင်​၏​ကောက်နယ်တလင်း​မှ ကောက်ပဲသီးနှံ​၊ စပျစ်သီးနယ်ရာကျင်း​မှ​စပျစ်ဝိုင်​တို့​ကို​သိမ်း​ပြီး​သောအခါ ခုနစ်​ရက်​ပတ်လုံး ယာယီတဲစု​ပွဲတော်​ကို ကျင်းပ​ရ​မည်​။