ဝတ်​ပြု 14:19 - မြန်​​​မာ့​​​စံ​​​မီ​​​သမ္မာ​​​ကျမ်း​​

တစ်ဖန် ယဇ်ပုရောဟိတ်​သည် မစင်ကြယ်​ခြင်း​မှ​စင်ကြယ်​စေ​ခြင်း​ခံ​သော​သူ​အတွက် အပြစ်ဖြေလွှတ်​ခြင်း​ကို​ပြု​ပေး​ရန် အပြစ်ဖြေရာယဇ်​ကို​ပူဇော်​ရ​မည်​။ ထို့နောက်မှ မီးရှို့ရာယဇ်ကောင်​ကို သတ်​ရ​မည်​။

Common Language Bible

ထို​နောက်​ယဇ်​ပု​ရော​ဟိတ်​သည် အ​ပြစ်​ဖြေ​ရာ ယဇ်​ကို​ပူ​ဇော်​၍ သန့်​စင်​ခြင်း​ဝတ်​ကို​ဆောင် ရွက်​ရ​မည်။ ထို​နောက်​သူ​သည်​မီး​ရှို့​ရာ​ယဇ် ကောင်​ကို​သတ်​၍၊-

Garrad Bible

ပ ရော ဟိတ် သည် အ ပြစ် ဖြေ ရာ သ က္ကာ ကို ဆက် ကပ် လျက်၊ သန့် စေ ခြင်း လို သော သူ၏ မ သန့် ခြင်း အ ဖို့ ဖြေ ခြင်း ကို ပြု ပြီး နောက် မီး ရှို့ ရာ သ က္ကာ ကို စီ ရင်၍၊

Judson Bible

ထို​မှ​တစ်​ပါး၊ စင်​ကြယ်​စေ​ရ​သော​သူ​အ​ဖို့ အ​ပြစ်​ဖြေ​ခြင်း​ငှာ၊ အ​ပြစ်​ဖြေ​ရာ​ယဇ်​ကို​ပူ​ဇော်၍၊ နောက်​တစ်​ဖန် မီး​ရှို့​ရာ​ယဇ်​ကောင်​ကို​သတ်​ရ​မည်။

ဝတ်​ပြု 14:19 ပူးပေါင်းရင်းမြစ်များ

ဝတ်​ပြု 14:12

ယဇ်ပုရောဟိတ်​သည် သိုးသငယ်​အထီး​တစ်​ကောင်​ကို​ယူ​၍ အပြစ်ဒဏ်ဖြေရာယဇ်​အဖြစ် ဆီ​တစ်​လောဃ​နှင့်အတူ ပူဇော်​ပြီး ထာဝရဘုရား​ရှေ့​တော်​၌ ချီလွှဲရာပူဇော်သက္ကာ​အဖြစ် ချီလွှဲ​ရ​မည်​။

ဝတ်​ပြု 14:14

ယဇ်ပုရောဟိတ်​သည် အပြစ်ဒဏ်ဖြေရာယဇ်ကောင်​၏​သွေး​အချို့​ကို​ယူ​၍ စင်ကြယ်​စေ​ခြင်း​ခံ​သော​သူ​၏​ယာဘက်​နားပျဉ်း​ပေါ်၌​လည်းကောင်း​၊ ယာဘက်​လက်မ​နှင့် ယာဘက်​ခြေမ​ပေါ်၌​လည်းကောင်း သုတ်လိမ်း​ရ​မည်​။

ဝတ်​ပြု 15:15

ယဇ်ပုရောဟိတ်​သည် တစ်​ကောင်​ကို အပြစ်ဖြေရာယဇ်​အတွက်​၊ ကျန်​တစ်​ကောင်​ကို မီးရှို့ရာယဇ်​အတွက် ပူဇော်​ရ​မည်​။ ဤသို့ဖြင့် ယဇ်ပုရောဟိတ်​သည် အရိအရွဲ​ထွက်​သူ​အတွက် ထာဝရဘုရား​ရှေ့​တော်​၌ အပြစ်ဖြေလွှတ်​ခြင်း​ကို​ပြု​ပေး​ရ​မည်​။

ဝတ်​ပြု 5:1

တစ်စုံတစ်ယောက်​သည် ကျိန်ဆို​သံ​ကို​ကြား​သော်လည်း မိမိ​မြင်​သော​အရာ​၊ သိ​သော​အရာ​ကို သက်သေ​အဖြစ် ထုတ်ဖော်​ပြောဆို​ခြင်း​မ​ပြု​လျှင် အပြစ်​ပြု​ရာ​ရောက်​၍ သူ​သည် အပြစ်ဒဏ်​ခံရ​မည်​။

ဝတ်​ပြု 5:6

သူ​ကျူးလွန်​မိ​ခဲ့​သော​အပြစ်​အတွက် အပြစ်ဒဏ်ဖြေရာယဇ်​ပူဇော်​ရန် သိုးဆိတ်​တို့​ထဲမှ သိုးသငယ်အမ​ကို​ဖြစ်စေ​၊ ဆိတ်သငယ်​အမ​ကို​ဖြစ်စေ အပြစ်ဖြေရာယဇ်​အဖြစ် ထာဝရဘုရား​ထံသို့​ယူဆောင်​လာ​ရ​မည်​။ ယဇ်ပုရောဟိတ်​သည် သူ့​အတွက် အပြစ်​ဖြေလွှတ်​ခြင်း​ကို​ပြု​ပေး​ရ​မည်​။

ရော​မ 8:3

ဘုရားသခင်​သည် မိမိ​၏​သား​တော်​ကို အပြစ်​နှင့်​ပြည့်ဝ​သည့် သွေးသား​ဇာတိ​နှင့်​တူညီ​သော​သဏ္ဌာန်​၌ အပြစ်​အတွက်​စေလွှတ်​တော်မူ​၍ သွေးသား​ဇာတိ​၌​ရှိ​သော​အပြစ်​ကို ဒဏ်ခတ်​တော်မူ​ပြီး သွေးသား​ဇာတိ​ကြောင့် အားနည်း​၍ ပညတ်​တရား​မ​ဆောင်ရွက်​နိုင်​သော​အမှု​ကို ဆောင်ရွက်​ပေး​တော်မူ​၏။

၂ ကော 5:21

ဘုရားသခင်​သည် အပြစ်​ကင်းစင်​သော​အရှင်​ကို ငါ​တို့​အတွက် အပြစ်​ဖြစ်​သွား​စေ​တော်မူ​၏။ ဤသည်ကား ငါ​တို့​သည် ထို​အရှင်​အားဖြင့် ဘုရားသခင်​၏​ဖြောင့်မတ်​ခြင်း​ဖြစ်လာ​မည့်​အကြောင်း​တည်း။