တောလည် 31:19 - မြန်မာ့စံမီသမ္မာကျမ်း သင်တို့မူကား ခုနစ်ရက်ပတ်လုံး တပ်စခန်းအပြင်ဘက်၌ နေရမည်။ လူကိုသတ်ခဲ့သောသူ၊ လူအသေကောင်ကိုထိသောသူ မည်သူမဆို တတိယနေ့၊ သတ္တမနေ့၌ သုံ့ပန်းများနှင့်အတူ မိမိကိုယ်မိမိ သန့်စင်စေရမည်။ Common Language Bible သင်တို့တွင်လူအသက်ကိုသတ်ခဲ့သူနှင့် လူသေကောင်ကို ကိုင်တွယ်မိခဲ့သူအပေါင်း တို့သည်စခန်းအပြင်ဘက်တွင်ခုနစ်ရက် နေထိုင်ရကြမည်။ တတိယနေ့နှင့်သတ္တမ နေ့ရက်များ၌ သင်တို့နှင့်သင်တို့ဖမ်းဆီး ခဲ့သောအမျိုးသမီးများအတွက် သန့်စင်ခြင်းဝတ်ကိုပြုရမည်။- Garrad Bible သင် တို့ မှာ မူ တပ် စ ခန်း ပြင် ခု နစ် ရက် ပတ် လုံး စွဲ ရပ် လျက် လူ ကို လုပ် ကြံ ခဲ့ သူ၊ လူ သေ အ လောင်း ကို ထိ မိ သူ တိုင်း ပင် တ တိ ယ နေ့၊ သ တ္တ မ နေ့၊ နှစ် ရက် တွင် သုံ့ ဘမ်း သူ တို့ နှင့် တ ကွ အာ ပတ် ကင်း ခြင်း ကို ပြု ကြ လော့။ Judson Bible သင်တို့သည် ခုနစ်ရက်ပတ်လုံး တပ်ပြင်မှာနေရကြမည်။ လူကိုသတ်သောသူ၊ အသေကောင်ကိုထိသောသူ အပေါင်းတို့ကိုယ်ကိုလည်းကောင်း၊ သိမ်းယူသောသူတို့ကိုလည်းကောင်း တတိယနေ့၊ သတ္တမနေ့၌ စင်ကြယ်စေကြလော့။ |
သို့သော် ထာဝရဘုရား၏နှုတ်ကပတ်တော်သည် ငါ့ထံသို့ရောက်လာ၍ ‘သင်သည် တိုက်ပွဲများစွာတိုက်ပြီး လူအသက်များစွာကို သတ်လေပြီ။ ငါ့မျက်မှောက်၌ လူအသက်များစွာကို မြေကြီးပေါ်မှာ သင်သတ်ခဲ့လေပြီဖြစ်၍ ငါ့နာမတည်ရာအိမ်တော်ကို သင်မတည်ဆောက်ရ။
သို့သော် ယောက်ျားနှင့်မဆက်ဆံဖူးသော မိန်းကလေးရှိသမျှတို့ကို သင်တို့အဖို့ အသက်ချမ်းသာခွင့်ပေးလော့။
သင်တို့၏အဝတ်နှင့် သားရေအသုံးအဆောင်ရှိသမျှ၊ ဆိတ်မွေးဖြင့်ပြုလုပ်ထားသောအရာနှင့် သစ်သားအသုံးအဆောင် ရှိသမျှတို့ကိုလည်း သန့်စင်စေရမည်”ဟု ဆိုလေ၏။
“ အစ္စရေးအမျိုးသားတို့အား ဆင့်ဆိုလော့။ အနာကြီးရောဂါစွဲသောသူရှိသမျှ၊ အရိအရွဲထွက်သောသူရှိသမျှ၊ အသေကောင်ကြောင့်မစင်ကြယ်သောသူရှိသမျှတို့ကို တပ်စခန်းထဲမှ ထွက်သွားစေရမည်။