တော​လည် 5:2 - မြန်​​​မာ့​​​စံ​​​မီ​​​သမ္မာ​​​ကျမ်း​​

² “ အစ္စရေး​အမျိုးသား​တို့​အား ဆင့်ဆို​လော့​။ အနာကြီးရောဂါစွဲ​သော​သူ​ရှိသမျှ​၊ အရိအရွဲထွက်​သော​သူ​ရှိသမျှ​၊ အသေကောင်​ကြောင့်​မစင်ကြယ်​သော​သူ​ရှိသမျှ​တို့​ကို တပ်စခန်း​ထဲမှ ထွက်သွား​စေ​ရ​မည်​။

Common Language Bible

² ``ဣ​သ​ရေ​လ​အ​မျိုး​သား​တို့​တွင် ကိုယ်​ရေ ပြား​ရော​ဂါ​စွဲ​သော​သူ​သို့​မ​ဟုတ်​ရိ​နာ​စွဲ သော​သူ၊ လူ​သေ​ကောင်​နှင့်​ထိ​မိ​သ​ဖြင့်​မ​သန့် စင်​သော​သူ​တို့​ကို စ​ခန်း​အ​ပြင်​သို့​နှင်​ထုတ် ရန်​ဆင့်​ဆို​လော့။-

Judson Bible

^2-3 ငါ​နေ​သော​တပ်​ကို မ​ညစ်​ညူး​စေ​ခြင်း​ငှာ၊ ဣ​သ​ရေ​လ​အ​မျိုး​သား​တို့​သည် နူ​သော​သူ၊ ရိ​နာ​စွဲ​သော​သူ၊ အ​သေ​ကောင်​ထိ၍ မ​စင်​ကြယ်​သော​သူ ယောက်ျား​မိန်း​မ​အ​ပေါင်း​တို့​ကို၊ တပ်​ပြင်​မှာ​နေ​ရာ​ချ​ထား ရ​မည်​အ​ကြောင်း ဆင့်​ဆို​လော့​ဟု

တော​လည် 5:2 ပူးပေါင်းရင်းမြစ်များ

၄ ရာ 7:3

ထို​အချိန်​တွင် မြို့​တံခါးဝ​၌ အနာကြီးရောဂါစွဲ​နေ​သူ​လူ​လေး​ယောက်​ရှိ​၏​။ သူ​တို့​က “​ငါ​တို့​သည် အဘယ်ကြောင့် သေ​သည်​အထိ ဤ​နေရာ​မှာ​ထိုင်​နေ​ရ​မည်နည်း​။

ဝတ်​ပြု 13:45

အနာကြီးရောဂါစွဲ​နေ​သော​သူ​သည် အဝတ်​စုတ်​ကို​သာ ဝတ်​ရ​မည်​။ ဆံပင်​ကို ဖားလျားချ​ထား​ရ​မည်​။ နှုတ်ခမ်း​ကို ဖုံး​၍ ‘မစင်ကြယ် မစင်ကြယ်’​ဟု အော်​ရ​မည်​။

ဝတ်​ပြု 13:46

သူ​၌ အနာစွဲ​နေ​သည့်​ကာလ​ပတ်လုံး သူ​သည် မစင်ကြယ်​။ မစင်ကြယ်​သဖြင့် သူ​တစ်ယောက်တည်း​နေ​ရ​မည်​။ သူ​၏​နေရာ​သည် တပ်စခန်း​အပြင်ဘက် ဖြစ်​ရ​မည်​။

ဝတ်​ပြု 13:8

ယဇ်ပုရောဟိတ်​သည်​လည်း ကြည့်ရှု​စစ်ဆေး​၍ ထို​သူ​၏​ပွေးဝဲယားနာ​သည် အရေပြား​ပေါ်၌ ပျံ့​နေ​လျှင် ယဇ်ပုရောဟိတ်​သည် ထို​သူ​အား မစင်ကြယ်​သော​သူ​ဖြစ်​သည်​ဟု ကြေညာ​ရ​မည်​။ ထို​အနာ​သည် အနာကြီးရောဂါ​ဖြစ်​၏​။

ဝတ်​ပြု 14:8

စင်ကြယ်​စေ​ခြင်း​ခံ​သော​သူ​သည် မိမိ​အဝတ်​ကို​လျှော်​ရ​မည်​။ မိမိ​အမွေး​ရှိသမျှ​ကို​ရိတ်​ပြီး ရေချိုး​ရ​မည်​။ ထို့နောက်မှ သူ​သည် စင်ကြယ်​၍ တပ်စခန်း​ထဲသို့​ဝင်​ခွင့်​ရှိ​မည်​။ သို့သော် သူ​သည် မိမိ​တဲ​၏​အပြင်ဘက်​၌ ခုနစ်​ရက်​နေ​ရ​မည်​။

ဝတ်​ပြု 21:1

တစ်ဖန် ထာဝရဘုရား​က မောရှေ​အား “​အာရုန်​၏​သား​ယဇ်ပုရောဟိတ်​တို့​ကို ဆင့်ဆို​လော့​။ ယဇ်ပုရောဟိတ်​သည် ကိုယ့်​လူမျိုး​ထဲမှ​သေလွန်​သွား​သူ​အတွက် ကိုယ့်ကိုယ်ကိုယ်​မ​ညစ်ညူး​စေ​ရ​။

ဝတ်​ပြု 23:29

ထို​နေ့​၌ မိမိ​၏​စိတ်ဆန္ဒ​ကို​မ​ငြင်းပယ်​သော​သူ​မည်သူမဆို မိမိ​လူမျိုး​မှ ပယ်ဖျက်​ခြင်း​ခံရ​မည်​။

တော​လည် 12:10

မိုးတိမ်​သည် တဲ​တော်​အပေါ်​မှ ကွာ​သွား​သည်​နှင့် မိရိအံ​သည် အနာကြီးရောဂါစွဲ​၍ နှင်းပွင့်​ကဲ့သို့​ဖြူ​လေ​၏​။ အာရုန်​သည် မိရိအံ​ကို​လှည့်ကြည့်​သောအခါ အနာကြီးရောဂါစွဲ​နေ​သည်​ကို မြင်​လျှင်

တော​လည် 12:14

ထာဝရဘုရား​က မောရှေ​အား “​သူ့​ဖခင်​သည် သူ့​မျက်နှာ​ကို တံတွေးထွေး​လျှင် သူ​သည် ခုနစ်​ရက်​ပတ်လုံး အရှက်ရ​မည်​မ​ဟုတ်​လော​။ သူ့​ကို တပ်စခန်း​၏​အပြင်ဘက်​၌ ခုနစ်​ရက်​ပတ်လုံး နေ​စေ​ရ​မည်​။ ထို့နောက်မှ သူ့​ကို​ပြန်ခေါ်လာ​ရ​မည်​”​ဟု မိန့်​တော်မူ​၏​။

တော​လည် 31:19

သင်​တို့​မူကား ခုနစ်​ရက်​ပတ်လုံး တပ်စခန်း​အပြင်ဘက်​၌ နေ​ရ​မည်​။ လူ​ကို​သတ်​ခဲ့​သော​သူ​၊ လူအသေကောင်​ကို​ထိ​သော​သူ မည်သူမဆို တတိယ​နေ့​၊ သတ္တမ​နေ့​၌ သုံ့ပန်း​များ​နှင့်အတူ မိမိကိုယ်မိမိ သန့်စင်​စေ​ရ​မည်​။

တော​လည် 5:1

တစ်ဖန် ထာဝရဘုရား​က မောရှေ​အား