တောလည် 3:30 - မြန်မာ့စံမီသမ္မာကျမ်း ကောဟတ်မျိုးနွယ်စုများ၏ဘိုးဘေးအိမ်ထောင်စုခေါင်းဆောင်သည် ဩဇေလ၏သား ဧလိဇာဖန် ဖြစ်၏။ Common Language Bible သူတို့၏ခေါင်းဆောင်မှာသြဇေလ၏သား ဧလိဇာဖန်ဖြစ်သည်။- Garrad Bible သြ ဇေ လ သား ဧ လိ ဇ ဖန် သည် ကော ဟတ် အိမ် ထောင် ဗိုလ် လုပ် ရ မည်။ Judson Bible ကောဟတ်အဆွေအမျိုးသူကြီးကား၊ ဩဇေလသား ဧလိဇာဖန်တည်း။ |
မောရှေသည် အာရုန်၏ဘထွေးဖြစ်သော ဩဇေလ၏သား မိရှေလနှင့်ဧလဇာဖန်တို့ကို ခေါ်၍ သူတို့အား “လာကြ။ သင်တို့ညီအစ်ကိုတို့၏အလောင်းကို သန့်ရှင်းရာဌာနတော်၏ရှေ့မှ တပ်စခန်းအပြင်ဘက်သို့ သယ်ဆောင်သွားကြလော့”ဟု ဆို၏။
ကောဟတ်မှ အာမရံမျိုးနွယ်စု၊ ဣဇဟာမျိုးနွယ်စု၊ ဟေဗြုန်မျိုးနွယ်စု၊ ဩဇေလမျိုးနွယ်စုတို့ ဆင်းသက်လာ၏။ ဤသည်ကား ကောဟတ်မျိုးနွယ်စုများ ဖြစ်၏။
ကောဟတ်သားမြေးတို့၏မျိုးနွယ်စုများသည် ကိန်းဝပ်တော်မူရာတဲတော်အနား တောင်ဘက်အရပ်၌ စခန်းချရမည်။
သူတို့သည် သေတ္တာ၊ စားပွဲ၊ ဆီမီးခုံ၊ ယဇ်ပလ္လင်မှစ၍ အမှုတော်ဆောင်ရွက်ရာတွင်အသုံးပြုသည့် သန့်ရှင်းရာဌာန၏တန်ဆာပလာရှိသမျှတို့ကိုလည်းကောင်း၊ လိုက်ကာကိုလည်းကောင်း၊ ထိုအရာတို့နှင့်ဆိုင်သောအလုပ်ဟူသမျှတို့ကိုလည်းကောင်း တာဝန်ယူထိန်းသိမ်းရ၏။
တပ်စခန်းရွှေ့ပြောင်းချိန်ရောက်၍ အာရုန်နှင့် သူ၏သားတို့သည် သန့်ရှင်းရာဌာနနှင့် သန့်ရှင်းရာဌာန၏တန်ဆာပလာရှိသမျှတို့ကို ဖုံးအုပ်ပြီးနောက်တွင် ကောဟတ်သားမြေးတို့သည် ၎င်းတို့ကို လာ၍သယ်ဆောင်ရမည်။ သူတို့သည် သန့်ရှင်းသောအရာကို မထိရ။ ထိမိလျှင် သေကြရလိမ့်မည်။ ဤသည်ကား တွေ့ဆုံစည်းဝေးရာတဲတော်၌ ကောဟတ်သားမြေးတို့ ဆောင်ရွက်ရသောအမှုဖြစ်၏။
တွေ့ဆုံစည်းဝေးရာတဲတော်၌ ကောဟတ်သားမြေးတို့လုပ်ရမည့်အလုပ်ကား အထူးသန့်ရှင်းသောအရာများနှင့်ဆိုင်သောအလုပ် ဖြစ်၏။