တောလည် 16:18 - မြန်မာ့စံမီသမ္မာကျမ်း ထို့ကြောင့် သူတို့သည် အသီးသီး မိမိတို့၏မီးကျီးခံဗန်းကိုယူ၍ မီးကိုထည့်ပြီးလျှင် မီးပေါ်၌ နံ့သာပေါင်းကိုတင်၏။ ထို့နောက် မောရှေ၊ အာရုန်တို့နှင့်အတူ တွေ့ဆုံစည်းဝေးရာတဲတော်အဝင်ဝ၌ ရပ်နေကြ၏။ Common Language Bible ထိုကြောင့်လူတိုင်းပင်မိမိ၏မီးကျီးခဲ နှင့်နံ့သာပေါင်းထည့်၍မောရှေ၊ အာရုန်တို့ နှင့်အတူတဲတော်တံခါးဝ၌ရပ်နေ ကြသည်။- Garrad Bible ဆိုင် ရာ မီး ကျီး ခံ ကို ကိုယ် စီ ယူ၍ မီး၊ နံ့ သာ ပေါင်း ထည့် ပြီး လျှင် မော ရှေ၊ အာ ရုန် တို့ နှင့် တ ကွ တွေ့ ဆုံ ရာ တဲ တော် မုတ် ဝ အ နီး ရပ် နေ ကြ ရာ၊ Judson Bible ထိုသူအသီးအသီးတို့သည် မိမိတို့လင်ပန်းများကိုယူ၍ မီးနှင့်လောဗန်ကိုတင်ပြီးမှ၊ မောရှေ၊ အာရုန်နှင့်အတူ၊ ပရိသတ်စည်းဝေးရာ တဲတော်တံခါးဝ၌ ရပ်နေကြ၏။ |
သူသည် ထိုသို့အင်အားကြီးလာသည်နှင့်အမျှ ပျက်စီးခြင်းသို့ရောက်သည်အထိဘဝင်မြင့်လာ၏။ သူသည် သူ၏ဘုရားသခင်ထာဝရဘုရားအပေါ် သစ္စာမဲ့လာ၏။ နံ့သာပေါင်းပူဇော်ရာယဇ်ပလ္လင်ပေါ်၌ နံ့သာပေါင်းကို မီးရှို့ပူဇော်ရန် ထာဝရဘုရား၏ဗိမာန်တော်သို့ဝင်၏။
ထာဝရဘုရားရှေ့တော်ရှိ ယဇ်ပလ္လင်ပေါ်မှ မီးခဲများကို မီးကျီးခံဗန်းနှင့်အပြည့်၊ အမွှေးနံ့သာပေါင်းအမှုန့်ကို လက်ခုပ်နှင့်အပြည့်ယူ၍ ကန့်လန့်ကာ၏အတွင်းဘက်သို့ ယူဆောင်လာရမည်။
သူမသေရမည့်အကြောင်း သက်သေခံချက်ပေါ်ရှိ ကရုဏာတော်ပလ္လင်ကို နံ့သာပေါင်း၏မီးခိုးငွေ့ဖြင့် ဖုံးလွှမ်းစေရန် နံ့သာပေါင်းကို ထာဝရဘုရားရှေ့တော်ရှိ မီးပေါ်၌ တင်ထားရမည်။
သင်တို့သည် မိမိတို့၏မီးကျီးခံဗန်းကို ယူ၍ နံ့သာပေါင်းကိုထည့်ရမည်။ သင်နှင့်အာရုန်မှစ၍ သင်၏အပေါင်းပါအယောက်နှစ်ရာ့ငါးဆယ်တို့သည် မိမိတို့၏မီးကျီးခံဗန်းကို ထာဝရဘုရားရှေ့တော်သို့ ယူဆောင်လာရမည်”ဟု ဆို၏။
ကောရသည် လူထုအပေါင်းတို့ကို တွေ့ဆုံစည်းဝေးရာတဲတော်အဝင်ဝ၌ စုရုံးစေ၏။ ထိုအခါ ထာဝရဘုရား၏ဘုန်းအသရေတော်သည် လူထုအပေါင်းတို့ရှေ့၌ထင်ရှား၍
“မီးကျီးခံဗန်းတို့သည် သန့်ရှင်းသည်ဖြစ်၍ အာရုန်၏သား ယဇ်ပုရောဟိတ်ဧလာဇာအား မီးလောင်နေသောနေရာထဲမှ ထိုမီးကျီးခံဗန်းတို့ကို ထုတ်ယူမည့်အကြောင်း ဆင့်ဆိုလော့။ မီးခဲကိုကား အဝေးသို့သွန်ပစ်စေလော့။