ဧဖက် 5:29 - ခေတ်သစ်မြန်မာ သမ္မာကျမ်း မိမိကိုယ်ခန္ဓာကို မုန်းသောသူ ဟူ၍ တစ်ယောက်မျှ မရှိပေ။ လူသည် မိမိကိုယ်ခန္ဓာကို ပြုစုစောင့်ရှောက်တတ်၏။ ခရစ်တော်သည်လည်း အသင်းတော်ကို ပြုစုစောင့်ရှောက်၏။ Common Language Bible (အဘယ်သူမျှမိမိကိုယ်ခန္ဓာကိုမုန်းသည်ဟူ၍ မရှိ။ မုန်းမည့်အစားသူသည်မိမိကိုယ်ကိုကျွေး မွေးပြုစု၏။ အသင်းတော်အားခရစ်တော် ကျွေးမွေးပြုစုတော်မူသကဲ့သို့တည်း။- Garrad Bible ကိုယ် ခ န္ဓာ တွင် အင်္ဂါ များ ဖြစ် သော အ သင်း တော် ကို ခ ရစ် တော် မွေး မြူ ပြု စု တော် မူ သ ကဲ့ သို့ လူ တိုင်း ကိုယ့် အ သား ကို မ မုန်း ဘဲ မွေး မြူ ပြု စု တတ် ၏။ Judson Bible ကိုယ်အသားကို မုန်းသောသူ တစ်ယောက်မျှမရှိ။ ခရစ်တော်သည် အသင်းတော်ကို ကျွေးမွေးပြုစုတော်မူ သကဲ့သို့၊ ခပ်သိမ်းသောသူတို့သည် မိမိတို့အသားကို ကျွေးမွေးပြုစုတတ်ကြ၏။- မြန်မာ့စံမီသမ္မာကျမ်း အကြောင်းမူကား မိမိကိုယ်ခန္ဓာကိုမုန်းသောသူဟူ၍ တစ်ယောက်မျှမရှိဖူးချေ။ ခရစ်တော်သည် အသင်းတော်အားပြုတော်မူသကဲ့သို့ လူတိုင်း မိမိကိုယ်ခန္ဓာကိုပြုစုပျိုးထောင်၍ ယုယမြတ်နိုးတတ်၏။ |
အို ဂျေရုဆလင်မြို့… ဂျေရုဆလင်မြို့… သင်သည် ပရောဖက်များကို သတ်ဖြတ်၍ သင့်ထံသို့ ဘုရားသခင်စေလွှတ်တော်မူသော တမန်တော်များကို ကျောက်ခဲနှင့် ပေါက်သတ်၏။ ကြက်မသည် ကြက်ကလေးများကို သူ၏ တောင်ပံအောက်၌ အုပ်၍ ကာကွယ်သကဲ့သို့ သင်၏ သားသမီးတို့ကို စုစည်းစေရန် အကြိမ်ကြိမ် ငါအလိုရှိ၏။ သို့သော်လည်း သင်သည် ထိုသို့ အလိုမရှိ။
မိုးကောင်းကင်တွင် ပျံသန်းသောငှက်များကို ကြည့်လော့။ ထိုငှက်တို့သည် မျိုးမကြဲ။ အစာကိုကျီ၌ မသိုလှောင်။ သို့ရာတွင် ကောင်းကင်ဘုံရှင် သင်တို့၏အဖသည် ထိုငှက်တို့ကို ကျွေးမွေးတော်မူ၏။ သင်တို့သည် ထိုငှက်များထက် ပို၍ အဖိုးထိုက်တန်ကြသည် မဟုတ်လော။
သူတို့သည် အသိတရားမရှိကြ၊ ကတိမတည်ကြ၊ သနားကြင်နာစိတ် မရှိကြ၊ ကရုဏာစိတ်လည်းမရှိကြ။
ထိုနည်းတူ ခင်ပွန်းသည်တို့သည် မိမိ၏ကိုယ်ခန္ဓာကို ချစ်သကဲ့သို့ မိမိဇနီးကို ချစ်ရမည်။ မိမိဇနီးကို ချစ်သောသူသည် မိမိကိုယ်မိမိ ချစ်သောသူ ဖြစ်၏။
အဘယ်ကြောင့်ဆိုသော် ကျွန်ုပ်တို့သည် ခရစ်တော်၏ ကိုယ်ခန္ဓာအစိတ်အပိုင်းများ ဖြစ်ကြသောကြောင့် ဖြစ်၏။
ကျမ်းစာတွင် “ထို့ကြောင့် ယောက်ျားသည် မိခင်နှင့် ဖခင်ကို ခွဲခွာ၍ မိမိဇနီးနှင့် ပေါင်းဖက်သဖြင့် သူတို့နှစ်ဦးသည် တစ်သားတည်း ဖြစ်ကြလိမ့်မည်” ဟု ဖော်ပြထား၏။