သူသည် မရဏနိုင်ငံတွင် ပြင်းစွာသောဝေဒနာကို ခံစားရသဖြင့် အပေါ်သို့ မျှော်ကြည့်ရာ လာဇရုသည် အာဗြဟံရင်ခွင်၌ ရှိသည်ကို အဝေးမှ မြင်လေ၏။
ဗျာဒိတ် 11:12 - ခေတ်သစ်မြန်မာ သမ္မာကျမ်း ထိုအခါ ကောင်းကင်ဘုံမှ “ဤအရပ်သို့ တက်လာလော့” ဟု ကျယ်လောင်သောခေါ်သံကို ထိုပရောဖက်နှစ်ပါးတို့ကြားရ၏။ ရန်သူတို့သည် သူတို့ကိုကြည့်ရှုစဉ်တွင် သူတို့သည် မိုးတိမ်ခြုံလွှမ်းလျက် ကောင်းကင်သို့ တက်သွားကြ၏။ Common Language Bible ထိုနောက်ပရောဖက်နှစ်ပါးတို့သည်``ဤအရပ် သို့တက်ခဲ့လော့'' ဟုကောင်းကင်မှမိမိတို့ အားကျယ်စွာပြောသောအသံကိုကြားကြ ရ၏။ သူတို့သည်ရန်သူများစောင့်ကြည့်နေ စဉ် မိုးတိမ်တိုက်ကိုစီး၍ကောင်းကင်သို့တက် သွားကြ၏။- Garrad Bible ကောင်း ကင် ဘုံ မှ ဤ သို့ တက် ခဲ့ ကြ လော့ ဟု ကျယ် သော အ မိန့် သံ ကို ကြား ကြ ရာ တိမ် တိုက် စီး လျက် တက် သွား သည် ကို ရန် သူ တို့ မြင် ကြ လိမ့် မည်။ Judson Bible ကောင်းကင်ကထွက်သော အသံကြီးကား၊ ဤအရပ်သို့ တက်ကြလော့ဟု မိမိတို့အား ပြောဆိုသည်ကို သူတို့သည်ကြားလျှင်၊ မိုးတိမ်ဖြင့် ကောင်းကင်သို့ တက်၍ ရန်သူတို့သည် မြင်ကြ၏။- မြန်မာ့စံမီသမ္မာကျမ်း ထိုအခါ ကောင်းကင်မှကြီးသောအသံက “ဤအရပ်သို့တက်လာခဲ့ကြလော့”ဟု ထိုသူနှစ်ဦးတို့အားဆိုသည်ကို ကြားလျှင် သူတို့သည် မိုးတိမ်ဖြင့် ကောင်းကင်သို့တက်သွားကြ၏။ သူတို့၏ရန်သူများသည်လည်း သူတို့ကိုကြည့်နေကြ၏။ |
သူသည် မရဏနိုင်ငံတွင် ပြင်းစွာသောဝေဒနာကို ခံစားရသဖြင့် အပေါ်သို့ မျှော်ကြည့်ရာ လာဇရုသည် အာဗြဟံရင်ခွင်၌ ရှိသည်ကို အဝေးမှ မြင်လေ၏။
ထိုသို့ မိန့်တော်မူပြီးနောက် တမန်တော်တို့သည် ကြည့်ရှုနေကြစဉ် သခင်ဘုရားသည် ကောင်းကင်ဘုံသို့ ဆောင်ယူခြင်းကိုခံတော်မူ၍ မိုးတိမ်သည် ကိုယ်တော်ကို သူတို့၏မြင်ကွင်းမှ ဖုံးကွယ်လေ၏။
ထို့နောက် သူတို့နှင့်အတူ အသက်ရှင်ကျန်ရစ်သည့် ကျွန်ုပ်တို့သည် အာကာသကောင်းကင်တွင် သခင်ဘုရားနှင့် တွေ့ဆုံရန် မိုးတိမ်ပေါ်သို့ ယူဆောင်ခြင်းခံရမည်။ ဤသို့ဖြင့် ကျွန်ုပ်တို့သည် သခင်ဘုရားနှင့် ထာဝရအတူ နေကြရလိမ့်မည်။
ထိုအမျိုးသမီးသည် လူမျိုးအပေါင်းတို့ကို သံလှံတံဖြင့် အုပ်စိုးမည့် သားယောက်ျားကို မွေးဖွား၏။ ထိုသားငယ်သည် ဘုရားသခင်ထံသို့လည်းကောင်း၊ ကိုယ်တော်၏ ရာဇပလ္လင်တော်ပေါ်သို့လည်းကောင်း ချီယူသွားခြင်းခံရ၏။
ငါသည် အောင်မြင်၍ ငါ့ခမည်းတော်၏ရာဇပလ္လင်ပေါ်တွင် ငါ့ခမည်းတော်နှင့်အတူ ထိုင်နေသကဲ့သို့ အောင်မြင်သောသူတို့ကိုလည်း ငါ၏ရာဇပလ္လင်ပေါ်တွင် ငါနှင့်အတူ ထိုင်ခွင့်ပေးမည်။
ထို့နောက် ကျွန်ုပ်ကြည့်လျှင် ကောင်းကင်ဘုံ၌ တံခါးပွင့်သည်ကို မြင်ရ၏။ ပထမအကြိမ်က ကျွန်ုပ်ကြားခဲ့ရသည့် တံပိုးခရာသံနှင့် တူသောအသံမှာ “ဤအရပ်သို့ တက်လာလော့။ အနာဂတ်တွင် ဖြစ်ပျက်မည့်အကြောင်းအရာများကို သင့်အား ငါပြမည်” ဟူ၍ ဖြစ်၏။