Biblia Todo Logo
Baiboly an-tserasera
- dokam-barotra -

Isaia 12 - DIEM PROTESTANTA


Fiderana an’Andriamanitra mpamonjy

1 Amin’izany andro izany, ry olona voaavotra, dia hiteny ianao ka hanao hoe: «Midera Anao aho, TOMPO ô; fa na tezitra tamiko aza Ianao, dia afaka ny fahatezeranao ka nampionona ahy Ianao.

2 Indro Andriamanitra namonjy ahy, matoky Azy aho ka tsy mangovitra intsony. Ny TOMPO no heriko sy fidèrako, fa Izy no mpamonjy ahy.»

3 Amim-pifaliana no hantsakanareo eo amin’ny loharanom-pamonjena.

4 Amin’izany andro izany dia hiteny ianareo ka hanao hoe: «Miderà ny TOMPO, antsoy ny anarany, ambarao amin’ny vahoaka rehetra ny asany, ampahatsiarovy azy fa tsy hay takarina ny anarany.

5 Ankalazao an-kira ny TOMPO fa asa lehibe no nataony; ary aoka hampahafantarina eran-tany izany!»

6 Mifalia sy miravoravoa, ry mponina ao Tsiôna, fa lehibe Ilay eo anivonareo, dia Ilay Masin’i Israely.

Dikanteny Iombonana Eto Madagasikara © Malagasy Bible Society, 2004.

Malagasy Bible Society
Araho izahay:



dokam-barotra