1Tantara 7 - Baiboly Katolika

7. IREO FOKO TANY AVARATRA I Isakara

¹ Zanaka lahin’i Isakara: i Tolà, i Foà, i Josoba ary i Simerôna: efatra izy.

² Zanaka lahin’i Tolà: i Ozia, i Rafaia, i Jeriela, i Jemaia, i Jebsema, ary i Samoela, samy lohan’ny fokom-pianakaviany izay avy amin’i Tolà, lehilahy mahery, voasoratra araka ny taranany tamin’i andron’i Davida, 22.600 no isany.

³ Zanaka lahin’i Ozia: i Izrahia. Zanaka lahin’i Izrahia: i Mikaela, i Obadià, i Joela, ary i Jesià, filohany dimy izy rehetra.

⁴ Nana-miaramila momba azy, efa hary fitaovana hiantafika izy ireo, araka ny fianakaviana fiaviany, araka ny fokom-pianakaviany avy, nisy 36.000 ireny, fa maro vady aman-janaka izy.

⁵ Ny rahalahin’izy ireo araka ny fianakaviana ao amin’i Isakara rehetra, lehilahy mahery, dia nisy 87.000 ny tontaliny, voasoratra amin’ny tetiaram-pirazanana.

I Benjamina

⁶ Zanaka lahin’i Benjamina: i Bela, i Bekora, ary i Jadihela, telo izy.

⁷ Zanaka lahin’i Bela: i Esbôna, i Ozia, i Oziela, i Jerimota ary i Oraia; dimy izy lohan’ny fokom-pianakaviana, lehilahy mahery, 22.034 no isany, voasoratra amin’ny tetiarana.

⁸ Zanakalahin’i Bekora: i Zamirà, i Jôasa, i Eliezera, i Eliônaia, i Amri, i Jerimota, i Abià, i Anatôta, ary i Almata. Zanaka lahin’i Bekora avokoa izy rehetra ireo,

⁹ voasoratra amin’ny tetiaram-pirazanana araka ny taranany avy, ho lohan’ny fokom-pianakaviany, lehilahy mahery, 20.200 no isany.

¹⁰ Zanaka lahin’i Jadihela: i Balàna. Zanaka lahin’i Balàna: i Jehosy, i Benjamina, i Aôda, i Kananà, i Zetàna, i Tarsisa, ary i Abisahera:

¹¹ Zanaka lahin’i Jadihela avokoa izy rehetra ireo, samy lohan’ny fokom-pianakaviany, lehilahy mahery, 17.200 ny isany, mahazo mitondra fiadiana hiantafika.

¹² Zanaka lahin’i Hira: i Sefama sy i Hafamà. Zanaka lahin’i Ahera: i Hasima.

I Neftalì

¹³ Zanaka lahin’i Neftalì: i Jasiela, i Gonì, i Jesera ary i Seloma, zanaka lahin’i Balà.

I Manase

¹⁴ Zanaka lahin’i Manase: i Esriela. Ilay Sirianina vaditsindranony, niteraka an’i Makira, rain’i Galaada.

¹⁵ I Makira naka vady tamin’ny avy amin’i Hapfima sy i Safàna: Maakà no anaran’ny anabaviny. I Salfaada no zanany lahy aivo, ary nanan-janaka vavy i Salfaada.

¹⁶ Nitera-dahy i Maakà, vadin’i Makira, ka nataony hoe Faresa no anarany ary i Saresa no anaran’ny rahalahiny: i Olama sy i Resena no zanany lahy;

¹⁷ zanaka lahin’i Olama: i Badàna. Ireo no zanaka lahin’i Galaada, zanak’i Makira, zanak’i Manase.

¹⁸ Ary i Amoleketa anabaviny, niteraka an’i Iskôda, i Abiezera, ary i Moholà.

¹⁹ Ny zanaka lahin’i Semidà dia i Ahina, i Sekema, i Lesia ary i Aniama.

I Efraima

²⁰ Zanaka lahin’i Efraima: i Sotalà, i Bareda zanany, i Tahata zanany, i Eladà zanany, i Tahata zanany,

²¹ i Zobada zanany, i Sotalà zanany, ary i Ezera sy i Elada izay novonoin’ny lehilahy tao Geta, izay tera-tany, fa nidina hangalatra ny biby fiompiny.

²² Nisaonan’i Efraima rainy ela izy ireo, ka tonga ny rahalahiny hampionona azy.

²³ Nandeha tamin’ny vadiny izy, dia nanana anaka ravehivavy, ka nitera-dahy; dia nomeny anarana hoe Berià, satria tra-pahoriana izy ireo tao an-tranony.

²⁴ Ny zanany vavy kosa dia i Sarà, izay nanorina an’i Betôrôna ambany sy i Betôrôna ambony ary i Ozena-Sarà.

²⁵ I Rafà zanany sy i Resefa, i Tale zanany, i Taàna zanany,

²⁶ i Laadàna zanany, i Amioda zanany, i Elisamà zanany,

²⁷ i Nona zanany, i Jôsoe zanany.

²⁸ Ary ny taniny amam-ponenany, dia i Betela mbamin’ny tanàna momba azy, any atsinanana, i Noràna, any andrefana i Gezera mbamin’ny tanàna momba azy, hatrany Azà mbamin’ny tanàna momba azy.

²⁹ Eo an-tanan’ny taranak’i Manase koa i Betsàda sy ny tanàna momba azy i Tanàka sy ny tanàna momba azy, i Magedao sy ny tanàna momba, azy, i Dôra sy ny tanàna momba azy. Tamin’ireo tanàna ireo no nonenan’ny taranak’i Josefa, zanak’i Israely.

I Asera

³⁰ Zanaka lahin’i Asera: i Jemnà, i Jesoà, i Jesoì, i Barià ary i Sarà anabavin’ireo.

³¹ Zanaka lahin’i Barià: i Hebera sy i Melkiela; izy no Barsaita.

³² I Hebera niteraka an’i Jeflata, i Somera, i Hôtama, ary i Soà anabavin’ireo.

³³ Zanaka lahin’i Jeflata: i Foseka, i Kamaala ary i Asota: ireo no zanaka lahin’i Jeflata.

³⁴ Zanaka lahin’i Somera: i Ahia, i Rôagà, i Habà ary i Arama.

³⁵ Zanaka lahin’i Helema rahalahiny: i Sofa, i Jemnà, i Salesa ary i Amala.

³⁶ Zanaka lahin’i Sofa: i Soà, i Harnafera, i Soala, i Berì,

³⁷ i Jamrà, i Bosora, i Hôda, i Samnà, i Salosà, i Jetrama ary i Berà.

³⁸ Zanaka lahin’i Jetera: i Jefone, i Fasfà ary i Arà.

³⁹ Zanaka lahin’i Olà: i Aerà, i Haniela, ary i Resià.

⁴⁰ Zanak’i Asera avokoa ireo, lohan’ny fokom-pianakaviana, olom-boafantina sy mahery, lehiben’ny loham-pireneny, 26.000 no isany voasoratra, samy mahazo mitondra fiadiana hiantafika.