Zefania 3:7 - DIEM PROTESTANTA

⁷ Dia hoy Aho anakampoko: Raha manaja Ahy i Jerosalema ary mandray ny fampitandremako, dia tsy horavako ny fonenany araka ny fandrahonana nataoko taminy! Kanefa vao mainka nilomay hanao ratsy ihany izy iray tanàna.

Baiboly Protestanta Malagasy 2011

⁷ Hoy Aho: Raha mba natahotra Ahy tokoa mantsy ianao ka nino anatra dia tsy ho rava ny fonenanao araka izay rehetra namelezana anao. Kanefa nifoha vao maraina izy ka nanao izay ratsy rehetra.

Dikateny Iombonana Eto Madagasikara

⁷ Dia hoy Aho anakampoko: Raha manaja Ahy i Jerosalema ary mandray ny fampitandremako, dia tsy horavako ny fonenany araka ny fandrahonana nataoko taminy! Kanefa vao mainka nilomay hanao ratsy ihany izy iray tanàna.

Baiboly Katolika

⁷ Hoy aho: Hatahotra Ahy ahay ianao, handray ny anatra; dia tsy ho rava ny fonenany, araka izay rehetra notapahiko ny aminy. Kanjo vao mainka nirotoroto izy ireo hanimba ny asa rehetra ataony.

Baiboly Protestanta Malagasy

⁷ Hoy Izaho: Hatahotra Ahy tokoa hianao ka hino anatra, Dia tsy ho rava ny fonenanao, Araka izay rehetra voatendriko hamelezana anao; Kanefa nifoha maraina koa izy ka nanao izay ratsy rehetra.

Malagasy Bible

⁷ Hoy Izaho: Hatahotra Ahy tokoa ianao ka hino anatra, Dia tsy ho rava ny fonenanao, Araka izay rehetra voatendriko hamelezana anao; Kanefa nifoha maraina koa izy ka nanao Izay ratsy rehetra.

La Bible en Malgache

⁷ Hoy Aho: Raha mba natahotra Ahy tokoa mantsy ianao ka nino anatra dia tsy ho rava ny fonenanao araka izay rehetra namelezana anao. Kanefa nifoha vao maraina izy ka nanao izay ratsy rehetra.

Zefania 3:7 Rohy Ifampitohizana

Genesisy 6:12

Nijery Izy ka indro feno fahalovana ny tany, satria ny olombelona rehetra tambonin’ny tany no efa nanimba ny fitondrantenany avy.

2Tantara 33:11

Dia nasain’ny TOMPO ho tonga hamely azy ny mpitari-tafiky ny mpanjakan’i Asiria; ary nosamborin’ireo i Manase ka nasiany masombỳ sady nogadrany rojo halimo ary nentiny nankany Babilôna.

Joba 36:10

Dia manokatra sofina azy Andriamanitra mba hihaino ny fananarany ka mandidy azy hiala amin’ny ratsy.

Salamo 32:8

Hoy ny Tompo hoe: «Hampianariko ianao sady hotondroiko ny lalan-kalehanao, hotoroako hevitra sy harahiko maso:

Ohabolana 19:20

Henoy ny torohevitra ary raiso ny anatra mba hahatonga anao ho hendry any aoriana.

Isaia 5:4

Inona indray moa no mbola tokony hataoko amin’izany voaloboko izany ka tsy efa nataoko taminy? Nanantena azy hamoa voaloboka tsara aho ka nahoana no namoa voalobo-dratsy izy?

Isaia 63:8

Hoy ny TOMPO ny amin’ny Israelita hoe: «Tena vahoakako tokoa ianareo, zanaka tsy handiso fanantenana Ahy.» Ka dia tonga Mpamonjy azy ireo ny Tompo

Jeremia 17:23

Nefa tsy nihaino izy na nampandry sofina fa nanamafy hatoka; eny, tsy nihaino izy fa nandà ny fampitandremako.

Jeremia 25:5

Hoy Izy taminareo: «Samia miala amin’ny fitondrantena sy fanao ratsiny avy ianareo, dia haveriko honina ao amin’ny tany izay nomeko anareo sy ny razanareo hatrizay ka ho mandrakizay ianareo.

Jeremia 36:3

Angamba hahatakatra ny fikasàko handefa loza aminy ny olon’i Joda, ka samy hiala amin’ny fitondrantena ratsiny, dia havelako ny heloka amam-pahotany.»

Jeremia 38:17

Dia hoy i Jeremià tamin’i Tsedekià: –Izao no lazain’ny TOMPO Andriamanitr’izao rehetra izao sady Andriamanitr’i Israely: «Raha mivoaka hitolo-batana amin’ny manamboninahitry ny mpanjakan’i Babilôna ianao, dia ho velona ianao sy ny fianakavianao, ary tsy hodorana amin’ny afo ity tanàna ity.

Jeremia 6:8

Minoa anatra ianao, ry Jerosalema; raha tsy izany, dia hihatahako ianao, ka hataoko tanàna lao sy tany tsy honenana.

Jeremia 7:7

Fa hamponeniko eto ianareo, dia eto amin’ity tany ity izay efa nomeko ny razanareo hatry ny ela ka ho mandrakizay.

Jeremia 8:6

Nohenoiko tsara izay nolazainy fa tsy mitombina velively. Tsy misy mba manenina amin’ny haratsiany izy na mba manontany tena hoe: «Inona ity nataoko?» Fa samy mivily amin’izay maharevo azy avy izy tahaka ny soavaly miriotra amin’ny ady.

Hosea 9:9

Nihoa-pampana ny faharatsianareo toy ny fahiny tany Gibehà. Nefa hotsaroan’ny Tompo ny helokareo, ary hoteteziny tsirairay ny fahotanareo.

Zefania 3:2

Tsy nohenoiny ny tenin’ny TOMPO tsy noraisiny ny fampitandremany! tsy nametra-pitokiana taminy izy; ilay Andriamaniny tsy nohatoniny.

Deoteronomia 4:16

Mitandrema fandrao hihasimba toetra ianareo ka hanao sarin-javatra voasokitra ho sampinareo, dia izay sarin-javatra rehetra miendrika andriamanitra, na sarin-dehilahy, na sarim-behivavy,

1Timoty 1:5

Ny kendren’izany fandrarana izany dia ny mba hamohafoha ny fitiavana avy amin’ny fo mahitsy sy fieritreretana tsara ary finoana tsy mihatsaravelatsihy.

2Petera 3:9

Koa tsy ahemotry ny Tompo araka ny hevitry ny sasany akory ny fampanantenàny: saingy mahari-po aminareo Izy, satria tsy tiany hisy ho very fa mba hiroso hiala amin’ny toe-dratsy avokoa ny olona rehetra.