Zefania 3:19 - DIEM PROTESTANTA

¹⁹ Indro tonga ny fotoana hamelezako izay rehetra nampahory anareo. Hotsaboiko ny maratranareo, hampodîko ny voasesitany; eny, havadiko ho voninahitra sy laza ny fanaovana tsinontsinona anareo tany amin’ny tany rehetra.

Baiboly Protestanta Malagasy 2011

¹⁹ Amin’izany andro izany dia hasiako izay rehetra nampahory anao; hovonjeko ny mandringa ary hovoriko ny noroahina. Hataoko ho fiderana sy ho voninahitra ireny, any amin’ny tany rehetra izay efa nitondrany henatra.

Dikateny Iombonana Eto Madagasikara

¹⁹ Indro tonga ny fotoana hamelezako izay rehetra nampahory anareo. Hotsaboiko ny maratranareo, hampodîko ny voasesitany; eny, havadiko ho voninahitra sy laza ny fanaovana tsinontsinona anareo tany amin’ny tany rehetra.

Baiboly Katolika

¹⁹ Amin’izany andro izany hofaranako ny amin’ny momba an’ireo rehetra mpampahory anao: Hovonjeko ikala mandringa, hangoniko ikala voaroaka, ka hataoko be voninahitra sy malaza izy ireo, any amin’ny tany rehetra nanakoràna azy.

Baiboly Protestanta Malagasy

¹⁹ Indro, hasiako amin’izany andro izany izay rehetra nampahory anao; Hovonjeko ny mandringa, ary hovoriko ny noroahina, Eny, hataoko ho fiderana sy ho anarana ireny izay efa nitondra henatra tany amin’ny tany rehetra.

Malagasy Bible

¹⁹ Indro, hasiako amin'Izany andro izany izay rehetra nampahory anao; Hovonjeko ny mandringa, ary hovoriko ny noroahina, Eny, hataoko ho fiderana sy ho anarana ireny izay efa nitondra henatra tany amin'ny tany rehetra.

La Bible en Malgache

¹⁹ Amin’izany andro izany dia hasiako izay rehetra nampahory anao; hovonjeko ny mandringa ary hovoriko ny noroahina. Hataoko ho fiderana sy ho voninahitra ireny, any amin’ny tany rehetra izay efa nitondrany henatra.

Zefania 3:19 Rohy Ifampitohizana

Isaia 26:11

TOMPO ô, manandra-tanana handrahona Ianao kanefa tsy ahoan’ireo olon-dratsy akory. Aoka ho menatra izy raha mahita ny zotomponao hiaro ny vahoakanao; eny, aoka handevona azy ny afo izay natokanao ho an’ny fahavalonao!

Isaia 33:1

Lozanao, ry ilay tsy norobaina nefa mandroba sy ry ilay tsy nofitahina nefa mamitaka. Rehefa mitsahatra mandrava ianao, dia mba horavana koa; ary rehefa mitsahatra mamitaka, dia mba hofitahina koa.

Isaia 60:14

Hanatona hiondrika eo anatrehanao ireo olona nampahory anao, ary handohalika eo am-paladianao ireo rehetra naneso anao ka hiantso anao hoe: «Tanànan’ny TOMPO» «I Tsiôna-n’ilay Masin’i Israely.»

Isaia 60:18

Tsy ho re ao amin’ny taninao intsony ny fampahoriana na ao amin’ny faritaninao ny faharavana sy fahasimbana. Fa ny mandanao hantsoinao hoe: «Famonjena»; ary ny vavahadinao hantsoinao hoe: «Fiderana an’Andriamanitra.»

Isaia 61:7

Efa nizaka henatra indroa heny ianareo sady afa-baràka sy nandroran’ny olona. Ka ho solon’izany, dia hoy Izaho Tompo hoe: Handova anjara indroa heny eo amin’ny taniny ianareo ary hanana fifaliana maharitra mandrakizay.

Isaia 62:7

Aza avela hitsahatra Izy mandra-panarenany azy indray ka hametrahany an’i Jerosalema ho voninahitra manerana ny tany.»

Jeremia 30:16

Nefa izay rehetra mandripaka anao dia mba haripaka ihany koa; izay rehetra mankahala anao dia mba hatao sesitany ihany koa; izay mamabo anao dia mba hobaboina ihany koa; ary izay rehetra mandroba ny fanananao dia mba hatolotro horobaina ihany koa.

Jeremia 30:19

Re avy ao ny hira fiderana sy ny horakora-pifaliana. Tsy hihavitsy intsony ianareo, ry taranak’i Jakôba, fa hohamaroiko; tsy hatao tsinontsinona intsony ianareo, fa horakofako voninahitra.

Jeremia 31:8

«Haveriko avy any an-tany avaratra izy ary hangoniko avy any am-bazan-tany. Ao avokoa mbamin’ny jamba sy ny mandringa, ary ny bevohòka sy ny tera-bao. Eny, vahoaka be no hiverina.

Jeremia 33:9

Ary hahafaly Ahy ny hanonona ny anaran’i Jerosalema, ka ho voninahitro sy haingoko eo imason’ny firenen-kafa rehetra ambonin’ny tany izy. Ary rehefa handre ny soa rehetra izay hataoko amin’i Jerosalema, ireo firenena ireo, dia hangovitry ny tahotra manoloana ny soa rehetra sy ny fiadanam-be izay hataoko aminy.»

Jeremia 46:28

Ry taranak’i Jakôba mpanompoko, aza matahotra ianareo, satria Izaho no miaraka aminareo; teny hentitra avy amiko TOMPO izany. Hofongorako ny firenen-kafa rehetra izay nanelezako anareo; ianareo kosa tsy mba hofongorako, na dia tsy maintsy faiziko araka ny hitsiny ihany aza fa tsy havelako ho afa-maina!

Ezekiela 16:27

Koa nanampatra ny heriko hamelezana anao Aho: notapahiko ny sakafonao sady natolotro hiaranan’ny fahavalonao ianao, dia ireo tanàna filistinina izay menatra noho ny fitondrantenanao tsy mendrika.

Ezekiela 16:57

Talohan’ny nisehoan’ny faharatsianao an-karihary izany. Anjaranao kosa izao no latsain’ireo tanàna edômita sy ny zana-bohitra rehetra manodidina ary vingavingain’ireo tanàna filistinina etsy sy eroa.

Ezekiela 34:16

Hotadiaviko ny ondry very, haveriko izay nisaraka tamin’ny andiany, hotsaboiko izay naratra, hohatanjahiko izay marary, ary hokolokoloiko hatrany izay matavy sy matanjaka. Izaho no hiandry ny ondriko araka ny rariny.»

Ezekiela 39:13

Ny mponina rehetra amin’izany faritra izany dia hifarimbona handevina azy ao avokoa; ary ho rehareha ho azy izany amin’ny andro hanehoako ny voninahitro; teny hentitra avy amiko Tompo ANDRIANANAHARY izany.

Ezekiela 39:26

Amin’izay dia hohadinoiny ny fahafaham-baràka nanjo azy noho ny hadisoana rehetra nataony tamiko. Hiaina indray am-pilaminana eo amin’ny taniny izy ka tsy hisy hanaitaitra azy.

Mika 7:10

Hahita izany ny fahavalonay ka ho rakotry ny henatra, dia ireo niteny taminay hoe: «Aiza ihany ny TOMPO Andriamanitrareo?» Ho finaritra izahay hahita azy ireo, fa amin’izay dia ho tonga fanosy toy ny fotaka eny an-dàlana izy.

Zefania 3:15

Ny TOMPO efa nanaisotra ny fanamelohana izay nitambesatra taminareo; Izy efa nampandositra ny fahavalonareo. Ny TOMPO, mpanjakan’i Israely, no momba anareo ka tsy hisy loza hatahoranareo intsony.

Zakaria 8:23

Amin’izay andro izay, hoy Izaho TOMPOn’izao rehetra izao, dia hisy vahiny folo izay samy hafa fiteny hihazona Jiosy iray amin’ny sisin’akanjony, ka hitambezo aminy hoe: ‹Mba te handeha hiaraka aminareo izahay, satria efa renay fa momba anareo Andriamanitra›.»

Deoteronomia 26:19

Eny, tiany hasandratra ho ambonin’ny firenena rehetra izay nataony ianareo na amin’ny voninahitra na amin’ny laza na amin’ny famirapiratana; dia ho vahoaka voatokana ho an’ny TOMPO Andriamanitrareo ianareo, araka izay nampanantenainy.

Hebreo 12:13

Mizora amin’ny lala-mahitsy hatrany mba tsy hipitsoka ny tongotra mandringa fa mba ho sitrana tsara.

Apokalipsy 20:9

Ary niakatra nanerana ny lafin-tany izy rehetra, ka nanodidina ny toby nisy ny vahoakan’Andriamanitra sady nanodidina ny tanàna lalain’Andriamanitra; kanjo nisy afo nidina avy tany an-danitra ka nandevona ireo firenena ireo.

Mpitsara 1:7

Ary hoy i Adônỳ-Bezèka hoe: –Mpanjaka fitopolo, tapaka ankiben-tanana sy ankiben-tongotra, no nitsimpona hanina teo ambany latabatro; koa izay nataoko ihany no navalin’Andriamanitra ahy! Dia nentina ho any Jerosalema i Adonỳ-Bezèka ary maty tany.