Zefania 2:1 - DIEM PROTESTANTA

¹ Mandiniha ka mieritrereta, ry vahoaka lany henatra,

Baiboly Protestanta Malagasy 2011

¹ Miangòna; eny, mivoria ianareo ry firenena tsy manan-kenatra,

Dikateny Iombonana Eto Madagasikara

¹ Mandiniha ka mieritrereta, ry vahoaka lany henatra,

Baiboly Katolika

¹ Mitombena saina, mieritrereta ao anatinareo, ry karazan’olona lany henatra,

Baiboly Protestanta Malagasy

¹ MIANGÒNA, eny, mivoria hianareo Ry firenena tsy manan-kenatra,

Malagasy Bible

¹ Miangona, eny, mivoria ianareo Ry firenena tsy manan-kenatra,

La Bible en Malgache

¹ Miangòna; eny, mivoria ianareo ry firenena tsy manan-kenatra,

Zefania 2:1 Rohy Ifampitohizana

2Tantara 20:4

Dia niangona ny Jodeanina rehetra hangata-bonjy amin’ny TOMPO; eny, avy tamin’ny tanànan’i Joda rehetra no niaingany hanao izany.

Nehemia 8:1

Dia nivory toy ny olona iray ihany; teo amin’ny kianja anoloan’ny Vavahadin’ny Rano no nivoriany tamin’ny andro voalohan’io volana io. Nasain’ny vahoaka nalain’i Hezrà mpahay Lalàna ny bokin’ny Lalàn’i Mosesy, izay nandidian’ny TOMPO an’ireo Israelita. Dia nentin’i Hezrà mpisorona izany ho eo anatrehan’ny Fiangonana izay nahitana ny lehilahy sy ny vehivavy ary ny zaza rehetra efa mahahaino.

Nehemia 9:1

Ny andro faha-24 tamin’izany volana izany ihany, dia nivory hifady hanina ny Israelita ka samy nitondra akanjo malailay sy nanosim-bovoka ny lohany.

Estera 4:16

«Ndeha vorio àry ny Jiosy rehetra eto Sosany; dia manaova fifadian-kanina noho ny amiko ianareo, ka aza mihinana na misotro mandritra ny telo andro sy telo alina. Hifady hanina toy izany koa ny tenako sy ireo mpanompovaviko; avy eo dia hankao amin’ny amperôra aho, na dia tsy ara-dalàna aza izany. Koa raha tsy maintsy ho faty aho, dia ho faty!»

Jeremia 3:3

Koa nosakanako tsy ho avy aminao ny oram-be sady tsy nisy koa ny oran-dohataona. Nefa nikiry hijangajanga ihany ianao fa tsy nety niaiky ny fahadisoanao.

Jeremia 6:15

Tokony hahamenatra azy ny zava-maharikoriko nataony; nefa tsy menatra akory izy sady tsy mahatsapa ny hadisoany. Noho izany, hoy ny TOMPO, dia anisan’ireo ho lavo izy; ka amin’ny andro hamaliako azy, no hitrosenany amin’ny tany.

Joela 1:14

Manokàna andro fifadian-kanina, miantsoa fivoriana masina; angony ny loholona sy ny mponina rehetra eto amin’ny tany ho ao an-tranon’ny TOMPO Andriamanitrareo, ka miantsoa vonjy amin’ny TOMPO.

Zefania 3:5

Kanefa ny TOMPO mpandala fahamarinana no eo afovoan’ny tanàna; ka tsy manao faharatsiana Izy, fa isa-maraina tsy diso no amoahany ny fitsarany. Na izany aza ny ratsy fanahy dia tsy mahalala menatra!

Zakaria 11:8

Tao anatin’ny iray volana monja dia telo ny mpiandry azy no noroahiko; avy eo dia lotika tamin’ny ondry ny foko, sady izy koa efa tofoka ahy.

Matio 18:20

Satria na aiza na aiza iangonan’olona roa na telo amin’ny anarako, dia eo afovoany Aho.