Zefania 1:18 - DIEM PROTESTANTA

¹⁸ Amin’ny androm-pahatezeran’ny TOMPO, dia samy tsy hahavonjy ny olona na ny volafotsiny na ny volamenany. Fa hiredareda ny fahasaro-piaron’ny TOMPO ka handevona ny tany tontolo. Eny, hahatsiravina tokoa izany, satria haringan’ny TOMPO ny mponina rehetra amin’ny tany.

Baiboly Protestanta Malagasy 2011

¹⁸ Na ny volafotsiny na ny volamenany dia samy tsy hahavonjy azy amin’ny andro fahatezeran’NY TOMPO; fa ny afon’ny fahasaro-piarony no handevonany ny tany rehetra; fa fahafonganana tena mahatsiravina no hataony amin’ny mponina amin’ny tany.

Dikateny Iombonana Eto Madagasikara

¹⁸ Amin’ny androm-pahatezeran’ny TOMPO, dia samy tsy hahavonjy ny olona na ny volafotsiny na ny volamenany. Fa hiredareda ny fahasaro-piaron’ny TOMPO ka handevona ny tany tontolo. Eny, hahatsiravina tokoa izany, satria haringan’ny TOMPO ny mponina rehetra amin’ny tany.

Baiboly Katolika

¹⁸ Tsy hisy hahavonjy azy na ny volafotsiny na ny volamenany, amin’ny andron’ny fisafoahan’i Iaveh; holevonin’ny fahasaro-piarony avokoa ny tany; fa hataony rava tsy misy miangana, ataony fongotra tampoka, ny mponina rehetra amin’ny tany.

Baiboly Protestanta Malagasy

¹⁸ Na ny volafotsiny na ny volamenany dia samy tsy hahavonjy azy amin’ny andro fahatezeran’i Jehovah, Fa holevonin’ny afon’ny fahasaro-piarony ny tany rehetra; Fa fahafonganana, eny, fahafonganana tampoka tokoa no hataony amin’ny mponina amin’ny tany.

Malagasy Bible

¹⁸ Na ny volafotsiny na ny volamenany dia samy tsy hahavonjy azy amin'ny andro fahatezeran'i Jehovah, Fa holevonin'ny afon'ny  fahasaro-piarony ny tany rehetra; Fa fahafonganana, eny, fahafonganana tampoka tokoa no hataony amin'ny mponina amin'ny tany.

La Bible en Malgache

¹⁸ Na ny volafotsiny na ny volamenany dia samy tsy hahavonjy azy amin’ny andro fahatezeran’NY TOMPO; fa ny afon’ny fahasaro-piarony no handevonany ny tany rehetra; fa fahafonganana tena mahatsiravina no hataony amin’ny mponina amin’ny tany.

Zefania 1:18 Rohy Ifampitohizana

Genesisy 6:7

Dia hoy IZY hoe: «Hofoanako tsy hisy ambonin’ny tany ny olombelona izay noarîko sy ny biby rehetra na lehibe na kely, hatramin’ny voro-manidina, satria manenina Aho tamin’ny nanaovako ireo.»

1Mpanjaka 14:22

Nanao izay ratsy eo imason’ny TOMPO ny mponin’i Joda ka ny fahotana vitany nampahasaro-piaro Azy mihoatra noho ny fahotana vitan’ny razany.

Joba 21:30

Raha avy ny loza, afaka ihany ny olon-dratsy, raha tonga ny fahatezerana, dia voaaro izy.

Joba 3:15

na niaraka tamin’ny andriandahy be volamena sady manana volafotsy mameno trano.

Salamo 78:58

Nampahatezitra ny Tompo izy tamin’ireo toeram-panasinany sady nankasiaka mafy Azy tamin’ny sarivongan’andriamani-tsiizy.

Salamo 79:5

TOMPO ô, mandra-pahoviana izahay no hitananao ny fahatezeranao sy ity fahasarotam-piaronao izay mandoro tahaka ny afo?

Ohabolana 11:4

Tsy misy ilana ny harena amin’ny andro fitsarana; fa ny fahamarinana no manafaka amin’ny fahafatesana.

Ohabolana 18:11

ho an’ny mpanankarena kosa dia ny fananany no toa tanàna mafy, ary heveriny ho manda avo miaro azy tokoa izany.

Isaia 1:24

Noho izany ny TOMPO Andriamanitr’izao rehetra izao, Ilay Maherin’i Israely, dia manao teny hentitra hoe: «Loza! hiala vonkina amin’ny mpanohitra Ahy Aho, ary hamaly faty amin’ireo fahavaloko!

Isaia 10:17

Ny TOMPO, fahazavan’i Israely, dia hanjary afo ary ilay Masiny dia hanjary lelafo handoro ny tsilo sy ny songosongo ka handevona azy anatin’ny indray andro monja.

Isaia 10:3

Amin’ny andro famalian’ny TOMPO, raha ho tonga avy any lavitra ny rambondanitra handrava, inona no azonareo atao, aiza no handosiranareo hitadiavam-bonjy ary aiza no hametrahanareo ny harenareo?

Jeremia 7:20

Noho izany dia izao no lazain’ny Tompo ANDRIANANAHARY: Indro ny fahatezerako amam-pahavinirako hatobako amin’ity tanàna ity amin’ny olona sy ny biby fiompy, ary amin’ny hazo eny an-tsaha sy amin’ny vokatry ny tany; ka ho toy ny afo tsy mety maty izany.

Jeremia 7:34

Ary eny an-tanàn-dehiben’i Joda sy eny an-dalamben’i Jerosalema dia hatsahatro ny kotabam-pifaliana amin’ny fety sy ny horakora-piravoana ary ny hiran’ireo mpanambady satria ho lao ny tany.

Jeremia 9:11

Mba misy olon-kendry anankiray ve mba afaka hahatakatra izao? Raha nitenenan’ny TOMPO izy, dia aoka mba hanambara izay antony nahasimba ny tany sy nahavoadoro azy ho tahaka ny taniefitra ka tsy andalovan’olona intsony.

Ezekiela 16:38

Hampihariko aminao ny sazy natokana ho an’ny vehivavy manitsakitsa-tokantrano sy mahafaty olona. Hataoko mihosin-dra ianao satria hampiharako ny fahatezerako sy ny hasarotam-piaroko.

Ezekiela 23:25

Noho ny fahatezerako aminao dia havelako hanao herisetra aminao ireo: hotapahiny ny oronao sy ny sofinao ary hovonoiny ho faty amin’ny sabatra ianao. Halainy ho babo ny zanakao lahy sy ny vavy fa holevonin’ny afo kosa ireo olona sisa tavela aminao.

Ezekiela 7:11

Ny herisetra dia toy ny tsorakazo arangaranga hanafaizana ny haratsiana; koa tsy hisy tavela intsony eo aminareo na ny hamaroanareo na ny harenareo na ny zava-kantonareo.

Ezekiela 7:19

Hariany eny an-dalambe ny volafotsiny ary hataony toy ny tain-drendrika ny volamenany satria na ny volafotsy na ny volamena dia samy tsy hahavonjy azy amin’ny androm-pahatezeran’ny TOMPO. Tsy hahafa-po azy na hahavoky azy izany satria ny volafotsy sy ny volamena no tonga fototry ny heloka ataony.

Ezekiela 7:5

Izao no lazain’ny Tompo ANDRIANANAHARY: «Indro fa avy ny loza, dia loza tsy misy toa azy!

Zefania 1:11

Midradradradrà ianareo, ry mponina an-tanàna ambany, fa ho faty avokoa ny mpivarotra, ho lany ringana avokoa ny mpandranto.

Zefania 1:15

Ho androm-pahatezeran’ny TOMPO izany, ho androm-pahoriana sy tebiteby, ho androm-paharavana sy fahapotehana, eny, ho andro maizina mikitroka, ho andro rako-drahona sy zavona.

Zefania 2:2

dieny ianareo tsy mbola tonga toy ny akofa izay miely indray andro monja, dieny tsy mbola mahazo anareo ny afom-pahatezeran’ny TOMPO, ary dieny tsy mbola tonga aminareo ny andro hirehetan’izany.

Zefania 3:8

Koa dia andrasonareo ny famaizako amin’ny andro hiaviako hiampanga anareo. Tapa-kevitra Aho hanangona ny firenena sy fanjakana mba hampidinako manontolo ny fahatezerako mirehidrehitra; ka handevona ny tany manontolo ny afon’ny fahasaro-piaroko.

Matio 16:26

Fa inona no soa azon’ny olona raha eo am-pelatanany avokoa izao tontolo izao, kanefa ny ainy mitondra faisana? Ary inona no azon’ny olona omena ho takalon’ny ainy?

1Korintiana 10:22

Sa te hampahasaro-piaro ny Tompo ve isika? Mihevitra ho mahery noho Izy Tompo ve isika?

Deoteronomia 31:17

Dia hirehetan’ny fahatezerako amin’izany andro izany ity vahoaka ity ka hilaozako ary hanafenako ny tavako; hataon’ny olona levona izy sady hianjadian’ny loza amam-pahoriana maro. Amin’izany andro izany no hitenenan’ny Israelita hoe: «Noho Andriamanitra tsy eto aminay no mahatonga anay hianjadian’izao fahoriana izao!»