Zakaria 6:12 - DIEM PROTESTANTA

¹² avy eo izy dia hitenenanao hoe: «Izao no lazain’ny TOMPOn’izao rehetra izao: Indro misy lehilahy atao hoe Itsimoka; fa hitsimoham-piainana izay lalovany, sady izy no hanorina indray ny tempoliko;

Baiboly Protestanta Malagasy 2011

¹² Dia lazao aminy hoe: Izao no lazain’Andriamanitra, Tompon’izao rehetra izao: Indro ny Lehilahy atao hoe Rantsana; amin’ny androny dia hitsimoka ny zava-drehetra sady hanao ny tempolin’NY TOMPO izy.

Dikateny Iombonana Eto Madagasikara

¹² avy eo izy dia hitenenanao hoe: «Izao no lazain’ny TOMPOn’izao rehetra izao: Indro misy lehilahy atao hoe Itsimoka; fa hitsimoham-piainana izay lalovany, sady izy no hanorina indray ny tempoliko;

Baiboly Katolika

¹² Lazao aminy hoe: Izao no lazain’i Iavehn’ny tafika: ‹Indro lehilahy anankiray atao hoe Solofo; hitsimoka eo amin’ny fitoerany izy, ka hanao ny tempolin’i Iaveh.

Baiboly Protestanta Malagasy

¹² dia lazao aminy hoe: Izao no lazain’i Jehovah, Tompon’ny maro: Indro Lehilahy atao hoe Rantsana; ary hitsimoka eo am-pitoerany ihany Izy sady hanao ny tempolin’i Jehovah.

Malagasy Bible

¹² dia lazao aminy hoe: Izao no lazain'i Jehovah, Tompon'ny maro: Indro Lehilahy atao hoe Rantsana; ary hitsimoka eo am-pitoerany ihany Izy sady hanao ny tempolin'i Jehovah.

Zakaria 6:12 Rohy Ifampitohizana

2Samoela 7:13

Izy no hanao trano ho an’ny anarako; ary haoriko mafy mandrakizay ny sezafiandrianam-panjakàny.

Ezra 3:10

Nony nandatsaka ny fototr’ilay tempolin’ny TOMPO ireo mpiasa, dia nasaina nanatrika teo ny mpisorona nanao fanamiana sy nitondra trômpetra ary koa ny levita terak’i Asafa nitondra kipantsona, mba hidera ny TOMPO araka ny nandidian’i Davida mpanjakan’i Israely.

Ezra 3:8

Ary tamin’ny volana faharoan’ny taona faharoa nahatongavany teo amin’ny tranon’Andriamanitra tao Jerosalema, dia nisantatra ilay asa i Zerobabela zanakalahin’i Sealtiela, sy i Jesoa zanakalahin’i Jôtsadàka mbamin’ireo mpisorona mpiombom-panompoana aminy sy ny levita ary izay rehetra tafaverina avy any an-tsesitany ka tonga tao Jerosalema. Nanendry ny Levita hatramin’ny roapolo taona no ho miakatra ny daholobe mba ho tonian’izao asa amin’ny tranon’ny TOMPO izao;

Isaia 11:1

Misy rantsana misandrahaka avy amin’ny fototr’i Jisay; misy solofo mipoitra avy amin’ny fakany.

Isaia 4:2

Amin’izany andro izany, izay ampanirin’ny TOMPO eo amin’ny tany dia ho tabiha sy ho voninahitra ho an’izay sisa velona teo amin’i Israely, ka izay vokatry ny tany no ho mariky ny fiandrianany sy reharehany.

Isaia 53:2

Naniry toy ny solofon-kazo madinika teo anatrehan’ny TOMPO ilay Mpanompony; naniry toy ny fakan-kazo mitrebona eo an-tany karakaina. Tsy nanana endrika na bika nanintona antsika izy, na koa hatsaran-tarehy haniriantsika azy.

Jeremia 23:5

«Indro avy ny andro izay hanapoirako taranaka marina ho an’i Davida. Teny hentitra avy amiko TOMPO izany. Mpanjaka hanjaka am-pahendrena izy, ka dia ny rariny sy ny hitsiny no hampihariny eo amin’ny tany.

Jeremia 33:15

Amin’izany andro sy fotoana izany, dia solofo mpandala ny hitsiny no hapoitrako ho an’i Davida. Izy no hampihatra ny rariny sy ny hitsiny eo amin’ny tany.

Ezekiela 37:25

Ary honenanareo ny tany izay nomeko an’i Jakôba mpanompoko sady efa nonenan’ireo razanareo. Ao no honenanareo hatrany, dia ny tenanareo sy ny zanakareo mbamin’ny taranakareo; ary i Davida mpanompoko no ho printsy filohanareo mandrakizay.

Ezekiela 41:1

Ary nentin-dralehilahy hankao amin’ny efitrano malalaka tao an-tempoly aho. Dia nandrefy teo izy, ka ny rindrin’ny lalantsara mankao dia nisy telo metatra ny sakany;

Amosa 9:11

Hoy ny teny hentitry ny TOMPO hoe: «Ilay tanànan’i Davida izao dia toy ny tranobongo efa nianjera. Fa ho avy ny andro izay hananganako indray izany tanàna izany, ka hofefeko ireo banga amin’ny màndany hatsangako ny rava tao aminy, ary haoriko indray ny tanàna ho tahaka ny taloha.

Mika 5:5

Ary handresy amin’ny sabatra sy lefom-pohy ireo mpitari-tafika ireo ka hifehy an’i Asiria, tanin’i Nimrôda. Izany mpanapaka izany mihitsy no hanafaka antsika amin’ny Asirianina izay hihoatra sisitany ka ho tonga hanafika ny tanintsika.

Zakaria 13:7

Dia hoy ny teny hentitry ny Tompon’izao rehetra izao hoe: «Ry sabatra, mifohaza hamely ity mpiandry sady lehilahy namako ity Asio ny mpiandry, dia hiparitaka ny ondry; ary hiverina hamely hatramin’ny madinika Aho.»

Zakaria 3:8

«Koa mihainoa, ry Josoa mpisorombe sy ianareo mpisorona namany rehetra izay mipetraka eo akaikiny, satria fambara ny famonjena ho avy ianareo. Indro fa hasehoko ilay mpanompoko, dia ilay antsoina hoe Itsimoka.

Zakaria 8:9

Izao no lazain’ny TOMPOn’izao rehetra izao: «Mahereza, fa efa renareo ankehitriny ny fampanantenana izay nambaran’ny mpaminany tamin’ny andro nametrahana ny fototry ny tranoko mba hanorenana indray ny tempoliko.

Matio 16:18

Izaho koa milaza aminao fa ianao no Vato, ary eo ambonin’izany vatolampy izany no hanorenako ny Fiangonako; ary ny herin’ny fahafatesana tsy hahatohitra ny Fiangonako.

Matio 26:61

ka nanao hoe: –Izao no voalazan’ilay io; azoko ravana ity tempolin’Andriamanitra ity ary haoriko indray ao anatin’ny telo andro.

Marka 14:58

–Renay ilay io nanao hoe: «Horavako ity tempoly nataon-tanan’olombelona ity, ary ao anatin’ny telo andro, dia hanorina hafa tsy nataon-tanan’olombelona Aho.»

Marka 15:29

Dia nanevateva an’i Jesoa ny mpandalo sady nanifikifi-doha ka nanao hoe: –Sakoizay, ry Ilay hoe mandrava ny tempolin’Andriamanitra ary manangana azy ao anatin’ny telo andro!

Marka 15:39

Fa ilay kapiteny nijoro tandrifin’i Jesoa, raha nahita Azy niala aina toy izany, dia loa-bolana hoe: –Tena Zanak’Andriamanitra tokoa io Lehilahy io!

Lioka 1:78

Mangoraka sy mamindra fo ilay Andriamanitsika, koa masoandro miposaka avy any ambony no hamangy antsika

Jaona 1:45

Tafahaona tamin’i Natanaela kosa i Filipo ka niteny taminy hoe: «Efa hitanay Ilay voalazan’i Mosesy tao amin’ny bokin’ny Lalàna sy voalazan’ireo mpaminany, dia i Jesoa zanak’i Jôsefa, Ilay avy any Nazareta.»

Jaona 19:5

Tamin’izay dia nivoaka nankeo alatrano i Jesoa, misatroka fehiloha tsilo sy mitafy lamba jaky. Dia hoy i Pilato tamin’ny vahoaka: –Indro ny Lehilahy!

Asan’ny Apostoly 13:38

Ry havako, izao àry no aoka ho fantatrareo: amin’ny alalan’i Jesoa no itoriana famelan-keloka aminareo. Tsy nanafaka ny helokareo velively ny lalànan’i Mosesy ary tsy nahatonga anareo ho olo-marina eo anatrehan’Andriamanitra; fa ao amin’i Jesoa, izay rehetra mino dia afaka amin’ny heloka rehetra ary tonga olo-marina eo anatrehan’Andriamanitra.

Asan’ny Apostoly 17:31

Nisy manko andro anankiray natao hitsaran’Andriamanitra izao tontolo izao araka ny rariny, amin’ny alalan’ny lehilahy anankiray efa voatendriny; ary ny nananganany Azy ho velona avy any amin’ny maty no nataony porofon’izany ho an’ny olona rehetra!

1Korintiana 3:9

Fa izahay dia mpiara-miasa amin’Andriamanitra ary ianareo no sahan’Andriamanitra. Trano aorin’Andriamanitra koa ianareo.

Hebreo 10:12

Fa i Kristy kosa dia nanolotra sorona fanalana ny ota indray mandeha monja ho sorona manan-kery mandrakizay, ary efa mipetraka eo ankavanan’Andriamanitra;

Hebreo 7:24

fa maharitra mandrakizay kosa i Jesoa ka tsy ifandimbiasana ny fisoronany.

Hebreo 7:4

Hevero ny fahalehibiazan’i Melkitsedeka! Fa i Abrahama razambentsika dia nanome azy ny ampahafolon-kareny avy amin’ireo zavatra tsara indrindra azony babo tany amin’ny ady.

Hebreo 8:3

Ny mpisorombe rehetra dia tendrena mba hanolotra fanatitra sy sorona; ka dia tsy maintsy hanan-katolotra koa ilay Mpisorombentsika.