Zakaria 14:1 - DIEM PROTESTANTA

¹ Indro akaiky ny andron’ny Tompo. Ka eo imasonareo, ry mponin’i Jerosalema, no hifampizaràn’ny hafa ny fanananareo.

Baiboly Protestanta Malagasy 2011

¹ Indro, hisy Andron’NY TOMPO ho avy, koa ny babo aminao dia hozaraina ao ampovoanao.

Dikateny Iombonana Eto Madagasikara

¹ Indro akaiky ny andron’ny Tompo. Ka eo imasonareo, ry mponin’i Jerosalema, no hifampizaràn’ny hafa ny fanananareo.

Baiboly Katolika

¹ Indro misy andro ho avy ho an’i Iaveh ka ny babo aminao hozaraina eo afovoanao.

Baiboly Protestanta Malagasy

¹ Indro, hisy andron’i Jehovah ho avy, ka ny babo aminao hozaraina ao ampovoanao.

Malagasy Bible

¹ Indro, hisy andron'i Jehovah ho avy, ka ny babo aminao hozaraina ao am-povoanao.

La Bible en Malgache

¹ Indro, hisy Andron’NY TOMPO ho avy, koa ny babo aminao dia hozaraina ao ampovoanao.

Zakaria 14:1 Rohy Ifampitohizana

Isaia 13:6

Manaova kiakiakam-pisaonana, satria akaiky ny andron’ny TOMPO; toy ny loza tsy hay tohaina no firongany avy amin’Andriamanitra Tsitoha.

Isaia 13:9

Indro avy ny andron’ny TOMPO, andro ombàm-pahatezerana tsy azo ivalozana sy isehoam-pahavinirana mirehitra, ka hahatonga izany tany izany ho hay sady handringanana ny mpanota tsy ho ao intsony.

Isaia 2:12

Eny, hisy andro omanin’ny TOMPOn’izao rehetra izao hitsarana ny mpirehareha sy ny mpanandra-tena ary koa ny mpiandranandrana rehetra mba ho fampietrena azy ireo:

Joela 2:1

Tsofy ny trompetra ary asio antso fanairana, ao Tsiôna tendrombohitro masina. Mangovita ianareo mponina rehetra eto amin’ity tany ity, fa avy ny andron’ny TOMPO; eny, efa akaiky izany.

Zefania 1:7

Mangina eo anatrehan’ny Tompo ANDRIANANAHARY fa efa akaiky ny andro hirotsahany an-tsehatra! Efa nanomana sorona ny TOMPO, ary efa nanadio ireo olona nasainy.

Zakaria 14:14

Ny lehilahin’i Joda hiady mba hiaro an’i Jerosalema, ary haka ny haren’ny firenena rehetra manodidina: koa dia hangoniny ny volamena sy ny volafotsy mbamin’ireo fitafiana marobe.

Asan’ny Apostoly 2:20

hiova ho haizina ny masoandro ary ny volana ho tonga mena tahaka ny ra alohan’ny higadonan’ny andro hiavian’ny Tompo, dia ilay andro lehibe sy mamirapiratra.

Apokalipsy 16:14

Fanahin-demony manao zava-mampitolagaga ireo fanahy maloto ireo, sady mankany amin’ny mpanjaka eran’ny tany tontolo mba hamory azy ho amin’ny ady hatao amin’ilay andro lehibe hitsaran’Andriamanitra Tsitoha.