Salamo 35:13 - DIEM PROTESTANTA

¹³ Raha narary izy ireo, dia nalahelo aho ka nitafy lamba fisaonana ho marik’izany; nampijaly tena tamin’ny fifadian-kanina aho ary koa niondrika hivavaka ho azy,

Baiboly Protestanta Malagasy 2011

¹³ Ary ny amiko, raha narary izy ireo, dia akanjo fisaonana no nanaovako; nampahory ny tenako tamin’ny fifadian-kanina aho ary niverimberina ny vavaka nataoko.

Dikateny Iombonana Eto Madagasikara

¹³ Raha narary izy ireo, dia nalahelo aho ka nitafy lamba fisaonana ho marik’izany; nampijaly tena tamin’ny fifadian-kanina aho ary koa niondrika hivavaka ho azy,

Baiboly Katolika

¹³ Izaho anefa, fony izy ireo marary, nitafy lamba fivalozana, nampijaly ny aiko tamin’ny fifadian-kanina, ary ny fivavahako niverina tao ampofoako.

Baiboly Protestanta Malagasy

¹³ Ary ny amiko, raha narary izy ireo, Dia lamba fisaonana no nitafiako; Nampahory ny tenako tamin’ny fifadian-kanina aho; Ary ny fivavako nody tao an-tratrako.

Malagasy Bible

¹³ Ary ny amiko, raha narary izy ireo, dia lamba fisaonana no nitafiako; nampahory ny tenako tamin'ny ny fifadian-kanina aho; ary ny fivavako nody tao an-tratrako.

La Bible en Malgache

¹³ Ary ny amiko, raha narary izy ireo, dia akanjo fisaonana no nanaovako; nampahory ny tenako tamin’ny fifadian-kanina aho ary niverimberina ny vavaka nataoko.

Salamo 35:13 Rohy Ifampitohizana

Joba 30:25

Izaho kosa tsy efa nitomany ireo niangaran’ny vintana ve aho ary tsy efa nangoraka ny mahantra?

Salamo 69:12

Fitafiam-pisaonana no nanaovako, dia tonga fanarabin’ny olona aho

Isaia 58:3

Kanefa manontany Ahy izy manao hoe: «Soa inona ho anay ny mifady hanina, raha tsy hitanao akory izany? Soa inona ho anay ny mampahory tena, raha tsy ahoanao akory izany?» Izao kosa no amaliako azy: Indro fa amin’ny andro ifadianareo hanina dia manenjika ny tombontsoanareo ihany ianareo ka manjakazaka amin’ny mpiasa rehetra eo aminareo.

Isaia 58:5

Moa fifadian-kanina toy izany ve no tiako, amin’ny andro ampahorîn’ny olona tena? Ny hampilofika ny lohany toy ny zozoro sy ny hitafy lamba fisaonana ary ny hatory mihosin-davenona! Izany ve no ataonareo hoe fifadian-kanina sy andro ankasitrahina eo amiko TOMPO?

Levitikosy 16:29

«Izao no lalàna raikitra ho anareo: Ny andro fahafolo amin’ny volana fahafito, dia aoka ianareo hifady hanina sady tsy hanao raharaha akory, na ianareo Israelita tompontany na ireo vahiny valovotaka eo aminareo.

Levitikosy 16:31

Ho tena andro fitsaharana sy fifadian-kanina ho anareo io andro io. Lalàna raikitra izany.

Matio 10:13

Koa raha mandray anareo ny ao an-trano, dia aoka ho tonga aminy tokoa ny fiadanana rarînareo; fa raha tsy mandray anareo ny ao an-trano, dia aoka hiverina aminareo ny fiadanana rarînareo.

Matio 5:44

Izaho kosa milaza aminareo hoe: tiavo ny fahavalonareo ary mivavaha ho an’izay manenjika anareo,

Lioka 10:6

Raha misy olona tia fiadanana ao, dia hirotsaka aminy ny fiadanana rarînareo; fa raha tsy misy kosa, dia hiverina aminareo ihany izany.