Obadia 1:12 - DIEM PROTESTANTA

¹² Tsy tokony ho finaritra nijery ireo rahalahinao ianao tamin’ny andro nahitany loza; tsy tokony ho nifaly ny amin’ny taranak’i Joda ianao tamin’ny andro nandringanana azy; ary tsy tokony ho nanao teny miavonavona ianao tamin’ny andro nampahory azy;

Baiboly Protestanta Malagasy 2011

¹² Aza finaritra mijery ny andron’ny rahalahinao amin’ny andro ahitany loza; aza mifaly ny amin’ny taranak’i Joda amin’ny andro andringanana azy; aza manao teny miavonavona amin’ny andro fahoriana.

Dikateny Iombonana Eto Madagasikara

¹² Tsy tokony ho finaritra nijery ireo rahalahinao ianao tamin’ny andro nahitany loza; tsy tokony ho nifaly ny amin’ny taranak’i Joda ianao tamin’ny andro nandringanana azy; ary tsy tokony ho nanao teny miavonavona ianao tamin’ny andro nampahory azy;

Baiboly Katolika

¹² Aza faly mijery ny andron’ny rahalahinao, amin’ny andro idiran-doza aminy; aza mifaly amin’ny momba ny taranak’i Jodà, amin’ny andro andringanana azy; ary aza dia avoavo fiteny amin’ny andron’ny fahoriany.

Baiboly Protestanta Malagasy

¹² Aza finaritra mijery ny andron’ny rahalahinao amin’ny andro ahitany loza izay tsy misy toa izany; Ary aza mifaly ny amin’ny taranak’i Joda amin’ny andro andringanana azy; Ary aza manao teny miavonavona amin’ny andro fahoriana.

Malagasy Bible

¹² Aza finaritra mijery ny andron'ny rahalahinao amin'ny andro ahitany loza izay tsy misy toa izany; Ary aza mifaly ny amin'ny taranak'i Joda amin'ny andro andringanana azy; Ary aza manao teny miavonavona amin'ny andro fahoriana

La Bible en Malgache

¹² Aza finaritra mijery ny andron’ny rahalahinao amin’ny andro ahitany loza; aza mifaly ny amin’ny taranak’i Joda amin’ny andro andringanana azy; aza manao teny miavonavona amin’ny andro fahoriana.

Obadia 1:12 Rohy Ifampitohizana

Joba 18:20

Igagan’ny any Andrefana ny fahavoazany, ka mampihorohoro ny any Atsinanana.

Joba 31:29

Moa faly tamin’ny fahavoazan’ny fahavaloko ve aho na nibitabitaka raha nianjadiam-pahoriana izy?

Salamo 22:17

Andian’olon-dratsy no mitangorona amiko toa alika maromaro manodidina ahy; nafatotr’ireo ny tongotra aman-tanako.

Salamo 31:18

Tsy ho diso fanantenana anie aho, satria miantso vonjy aminao, TOMPO ô; fa aoka ireo ratsy fanahy no ho menatra ka hangina any amin’ny toeran’ny maty!

Salamo 35:15

Kanjo nony lavo kosa aho, dia faly ireo sady mivorivory, mivorivory mba hamely ahy; vahiny tsy fantatro akory aza no tsy mitsaha-mivazavaza amiko.

Salamo 37:13

kanjo izy ihomehezan’ny Tompo Izay mahita fa antomotra ny andro famaliana.

Salamo 54:7

Izy anie hamaly ny ratsy ataon’ny mpitsikilo ahy! Aringano ireo satria mahatoky tokoa Ianao.

Salamo 59:10

Ry Heriko ô, Ianao no andrandraiko satria Andriamanitra fiarovana avo ho ahy.

Salamo 92:11

Nomenao ahy ny tanjaky ny ombimanga, nandrarahanao menaka mbola vao aho.

Ohabolana 17:5

Izay maneso ny mahantra miteny ratsy ny Mpanao azy; ary izay faly amin’ny fahorian’ny sasany dia hofaizina.

Isaia 37:24

Tamin’ny alalan’ny mpanomponao no nanevatevanao Ahy Tompo. Hoy ianao hoe: ‹Izaho Saneheriba dia ny kalesiko marobe no niakarako teny an-tampon-tendrombohitra hatreo afovoan-tanin’i Libano mba hikapa ny sedera mijoalajoala sy ny kipreso voafantina eo aminy. Hiakarako ao ny tendrombohitra faran’izay avo sy ny tahirin’alany matevina indrindra.

Fitomaniana 2:16

Misoka-bava hankaloza anao ny fahavalonao rehetra, velon-tsioka sy mihidy vazana izy ary miteny hoe: «Nataontsika levona io! Tonga izao ny andro nandrasantsika; tratrantsika izany ary hitantsika ihany!»

Fitomaniana 4:21

Mifalia sy miravoa ianareo, ry mponin’i Edôma, izay mitoetra ao amin’ny tanin’i Hotsy; saingy handalo aminareo koa ny tsangambavam-panamelohana ka ho mamo sy hiboridana ianareo!

Ezekiela 35:12

Amin’izay dia hoekenao fa Izaho TOMPO dia efa nandre ny teny fanarabiana nataonao hoe: ‹Anay ny tendrombohitr’i Israely! Efa rava ireny ka nomena anay hivelomanay!›

Ezekiela 35:15

Faly ianao nahita ny zaratanin’ny vahoaka Israely tonga taniefitra, koa toy izay nanjo azy no hataoko aminao: ho taniefitra ianao, ry tendrombohitr’i Sehîra, izany hoe ry Edôma manontolo. Amin’izay dia hoekena fa Izaho no TOMPO.»

Ezekiela 36:5

Eny, izao no lazain’ny Tompo ANDRIANANAHARY: ‹Mianiana Aho fa mirehi-pahatezerana no miteny manohitra an’ireo firenen-kafa, indrindra fa i Edôma manontolo. Fo faly tokoa sy toe-panahy mamingavinga no nakany ny taniko ho fananany mba handrobany ny kijànany.›

Mika 4:11

Ary ankehitriny efa nangoniko hamely anareo ny firenena maro izay miteny hoe: «Aoka ho afa-baràka i Tsiôna ary aoka isika hijery ny faharavàny!»

Lioka 19:41

Ary nanakaiky an’i Jerosalema hatrany i Jesoa ka nony nahatazana ny tanàna, dia nitomany azy

Jakoba 3:5

Dia toy izany koa ny lela: kely izy eo amin’ireo zavatra anisan’ny tena, nefa mirehaka ho mahefa zava-baventy. Saino fa pitik’afo tsy toy inona dia afa-mampirehitra alabe.

2Petera 2:18

Teny manodoka sy tsy misy heviny no ataony; ka ny filàndratsin’ny maha olona mpanota, dia ny fitondrantena maloto, no entiny mamitaka ny olona izay vao nandao ny fiainana diso lalana.

Joda 1:16

Ireo mpampianatra sandoka ireo dia mpimonomonona sy mpimoimoy lava, sady miaina araka ny filàndratsiny no miavonavom-piteny, ka mandoka olona mba hahazoany tombon-tsoa.

Apokalipsy 13:5

Dia nomena vava midaondaona sy manevateva an’Andriamanitra ilay biby, sady nomena fahefana mba hiasa mandritra ny 42 volana.

1Samoela 2:3

Atsaharo ny teny an’avona sy ny vava tsy ambina rehetra, fa Andriamanitra mahalala ny zava-drehetra ny TOMPO; Izy no mitsara ny ataon’ny olona.