Nomery 7:10 - DIEM PROTESTANTA

¹⁰ Tamin’ny andro nanosorana ny alitara, dia ireo filoham-pianakaviambe koa no nitondra fanomezana ho fitokanana azy. Samy nitondra ny fanomezany avy teo anoloan’ny alitara izy ireo.

Baiboly Protestanta Malagasy 2011

¹⁰ Ireo lohan’ny foko kosa no nanolotra fanatitra ho amin’ny fitokanana ny alitara amin’ny andro izay hanosorana azy; samy nanolotra ny fanatiny teo anoloan’ny alitara ireo lohan’ny foko.

Dikateny Iombonana Eto Madagasikara

¹⁰ Tamin’ny andro nanosorana ny alitara, dia ireo filoham-pianakaviambe koa no nitondra fanomezana ho fitokanana azy. Samy nitondra ny fanomezany avy teo anoloan’ny alitara izy ireo.

Baiboly Katolika

¹⁰ Natolotry ny filohany ny fanatitra hitokanana ny ôtely tamin’ny andro nanosorana azy. Natolotry ny filohany eo anoloan’ny ôtely ny fanatiny.

Baiboly Protestanta Malagasy

¹⁰ Dia ny lohan’ny firenena no nanatitra ho amin’ny fitokanana ny alitara tamin’ny andro izay nanosorana azy; koa dia samy nanatitra ny fanatiny teo anoloan’ny alitara izy.

Malagasy Bible

¹⁰ Dia ny lohan'ny firenena no nanatitra ho amin'ny fitokanana ny alitara tamin'ny andro izay nanosorana azy; koa dia samy nanatitra ny fanatiny teo anoloan'ny alitara izy.

La Bible en Malgache

¹⁰ Ireo lohan’ny foko kosa no nanolotra fanatitra ho amin’ny fitokanana ny alitara amin’ny andro izay hanosorana azy; samy nanolotra ny fanatiny teo anoloan’ny alitara ireo lohan’ny foko.

Nomery 7:10 Rohy Ifampitohizana

1Mpanjaka 8:63

Ka omby 22 000 sy ondry aman’osy 120 000 no nataon’i Salômôna ho sorom-pihavanana ho an’ny TOMPO. Toy izany no nitokanan’ny mpanjaka sy ny Israelita rehetra ny tranon’ny TOMPO.

2Tantara 7:5

Ka omby 22 000 sy ondry aman’osy 120 000 no nataon’i Salômôna mpanjaka sorona. Toy izany no nitokanan’ny mpanjaka sy ny vahoaka rehetra ny tranon’Andriamanitra.

2Tantara 7:9

Tamin’ny andro fahavalo no nanaovan’izy mianakavy fivoriana manetriketrika. Fito andro araka izany no nankalazany ny fitokanana ny alitara; ary fito andro hafa koa no nankalazany ny fetin’ny Tranotomboka.

Nehemia 12:27

Rehefa hotokanana ny mandan’i Jerosalema, dia nantsoina avy tamin’ny toeram-ponenany rehetra ny levita; nasaina ho tonga any Jerosalema ry zareo mba hanao ny fitokanana amim-pifaliana, ombàn’ny hira fiderana arahin’ny kipantsona sy valiha ary lokanga.

Nehemia 12:43

Sorona maro no natolotra tamin’izany andro izany ary fifaliana no nanjaka, satria antom-pifaliana lehibe no efa nomen’Andriamanitra ny olona. Tao Jerosalema dia nifaly mbamin’ny zaza amam-behivavy, ka re lavitra ny hobin-kafaliana.

Salamo 30:1

Salamo nataon’i Davida. Hira tamin’ny fitokanana ny lapany.

Nomery 7:1

Tamin’ny andro namitan’i Mosesy ny fananganana ny Fonena-masina no nanosorany sy nanokanany azy niaraka tamin’ny kojakoja rehetra momba azy; nohosorany sy notokanany tahaka izany koa ny alitara mbamin’ny kojakoja rehetra momba azy.

Nomery 7:11

Dia hoy ny TOMPO tamin’i Mosesy: –Aoka hifandimby hitondra ny fanomezany isan’andro avy ireo filoha ireo amin’ny fanokanana ny alitara!

Nomery 7:84

Ireto ny fitambaran’ny fanomezana natolotr’ireo filoham-pianakaviamben’i Israely tamin’ny andro nanosorana sy nanokanana ny alitara: lovia volafotsy 12, kaopy volafotsy famafazana 12, lovia kely volamena 12,

Nomery 7:88

Ny biby rehetra natao sorom-pihavanana kosa dia ombilahy 24, ondrilahy 60, osilahy 60, ondrilahikely 60 izay iray taona avy. Ireo no fanomezana natolotra ho fanokanana ny alitara rehefa voahosotra izy.

Deoteronomia 20:5

Avy eo dia hiteny amin’ny miaramila ireo manamboninahitra mpamory azy ka hanao hoe: «Iza aminareo no nahavita trano vaovao nefa mbola tsy nitokanany? Aoka hiverina any an-tranony izy fandrao maty any amin’ny ady, ka olon-kafa no hitokana ny tranony.