Nomery 6:26 - DIEM PROTESTANTA

²⁶ Handray anareo amin-kazavampo anie ny TOMPO ka hanome anareo fiadanana!»

Baiboly Protestanta Malagasy 2011

²⁶ hanandratra ny tavany aminao anie NY TOMPO ka hanome anao fiadanana.

Dikateny Iombonana Eto Madagasikara

²⁶ Handray anareo amin-kazavampo anie ny TOMPO ka hanome anareo fiadanana!»

Baiboly Katolika

²⁶ Hanandratra ny tavany aminao sy hanome fiadanana anao anie i Iaveh.›

Baiboly Protestanta Malagasy

²⁶ Hanandratra ny tavany aminao anie Jehovah ka hanome anao fiadanana.

Malagasy Bible

²⁶ Hanandratra ny tavany aminao anie Jehovah ka hanome anao fiadanana.

Nomery 6:26 Rohy Ifampitohizana

Salamo 29:11

Homen’ny TOMPO hery anie ny vahoakany ka dia hotahîny hombam-piadanana!

Salamo 37:37

Diniho ny olom-banona, jereo ny olo-mahitsy, dia ho tsapanao tokoa fa ny hasambarana no valiny omena ny olona toy izany.

Salamo 4:6

Fa manaova kosa sorona araka ny lalàna ary dia matokia ny TOMPO.

Salamo 42:5

Hontsa tokoa aho mahatsiaro ny fahiny fony aho niaraka tamin’ny besinimaro nandroso nankao an-tranon’Andriamanitra, ombàn’ny feo fihobiana sy fiderana redonim-bahoaka indray mankalaza.

Salamo 44:3

Norobainao ireo firenen-kafa mba hamponenana ny firenenay; nampahorînao ireo vahoakany mba hanomezan-toerana ny vahoakanao.

Salamo 89:15

Rariny sy hitsiny no fototry ny fanjakanao; fitiavana sy toetra mahatoky no mandeha eo alohanao.

Isaia 26:12

TOMPO ô, Ianao no manome anay ny fiadanana ary Ianao koa no mahatomombana ho anay ny asa rehetra nataonay.

Isaia 26:3

Ny toe-tsainy tsy miovaova; ka omenao fiadanana hatrany izy satria matoky Anao, TOMPO ô.

Isaia 57:19

dia horakora-pifaliana no hataoko eo amin’ny molony. Ka hoy AHO hoe: Fiadanana ho an’izay lavitra, fiadanana ho an’izay akaiky! Eny, hanasitrana ny vahoakako Aho.»

Mika 5:5

Ary handresy amin’ny sabatra sy lefom-pohy ireo mpitari-tafika ireo ka hifehy an’i Asiria, tanin’i Nimrôda. Izany mpanapaka izany mihitsy no hanafaka antsika amin’ny Asirianina izay hihoatra sisitany ka ho tonga hanafika ny tanintsika.

Lioka 2:14

«Voninahitra any amin’ny avo indrindra ho an’Andriamanitra; ary fiadanana etỳ an-tany ho an’ny olombelona fa nanehoany fitia!»

Jaona 14:27

Fiadanana no avelako ho anareo, ny fiadanako no omeko anareo; tsy mba fiadanana tahaka ny fanomezan’izao tontolo izao no omeko anareo. Aoka izay ny horohoro na ny tahotra ao am-ponareo.

Jaona 16:33

Izany no voalazako taminareo, dia mba hanananareo fiadanana amin’ny firaisana amiko. Eto amin’izao tontolo izao no ahitanareo fahoriana; nefa mahereza, fa Izaho efa naharesy izao tontolo izao!

Jaona 20:21

Dia hoy indray i Jesoa taminy: Ho ao aminareo anie ny fiadanana! Tahaka ny nanirahan’ny Ray Ahy no anirahako anareo koa.

Jaona 20:26

Nony afaka herinandro, dia vory tao an-trano indray ny mpianatr’i Jesoa; ary tafaraka tamin’ireo koa i Tômà. Voahidy avokoa ny varavarana, kanefa dia tonga i Jesoa nijoro teo afovoan’ny mpianatra ary nanao hoe: –Ho ao aminareo anie ny fiadanana!

Asan’ny Apostoly 10:36

Fantatrareo ny teny nampitondrain’Andriamanitra ho an’ny vahoaka Israely, anambaràny ny Vaovao Mahafaly: dia ny fampihavanana amin’ny alalan’i Jesoa Kristy, ilay Tompon’ny olona rehetra.

Asan’ny Apostoly 2:28

Natoronao ahy ny lalana mitondra any amin’ny fiainana, hofenoinao hafaliana aho satria manatrika ahy Ianao.»

Romana 15:13

Ilay Andriamanitra loharanon’ny fanantenana anie hameno fifaliana sy fiadanana tanteraka anareo noho ny finoanareo, mba hampitomboina be dia be ao aminareo ny fanantenana noho ny herin’ny Fanahy Masina!

Romana 15:33

Homba anareo rehetra anie ilay Andriamanitra loharanon’ny fiadanana! Amen.

Romana 5:1

Noho ny finoana àry dia tonga olo-marina eo imason’Andriamanitra isika sady efa mihavana amin’Andriamanitra amin’ny alalan’i Jesoa Kristy Tompontsika.

Efesiana 6:23

Ho amin’ny havana rehetra anie ny fiadanana sy ny fitiavana mbamin’ny finoana avy amin’Andriamanitra Ray sy i Jesoa Kristy Tompo.

Filipiana 4:7

Ary ilay fiadanana avy amin’Andriamanitra sady mihoatra noho ny zavatra rehetra takatry ny fieritreretan’olombelona, dia hiaro ny fonareo sy ny sainareo, satria efa tafaray amin’i Kristy Jesoa ianareo.

2Tesaloniana 3:16

Ny Tompo loharanom-piadanana anie hanome anareo fiadanana mandrakariva amin’ny zavatra rehetra! Homba anareo rehetra anie ny Tompo!