Nomery 4:16 - DIEM PROTESTANTA

¹⁶ I Elehazara zanakalahin’i Aharôna mpisorona no miandraikitra ny diloilon-jiro, ny ditin-kazo manitra, ny fanatitra hohanina fanao isan’andro ary ny diloilo fanosorana; miandraikitra ny Fonena-masina manontolo sy ny ao anatiny rehetra izy, na ny fitaovana masina izany na ny kojakoja rehetra momba azy.

Baiboly Protestanta Malagasy 2011

¹⁶ Ary i Eleazara, zanak’i Arona mpisorona, dia hanara-maso ny diloilo hatao fanazavana, ny ditin-kazo mani-pofona, ny fanatitra avy amin’ny zavamaniry fanao isanandro ary ny diloilo fanosorana; hanara-maso ny tabernakely manontolo sy izay rehetra ao anatiny izy, ao amin’ny fitoerana masina sy ireo fanaka momba azy.

Dikateny Iombonana Eto Madagasikara

¹⁶ I Elehazara zanakalahin’i Aharôna mpisorona no miandraikitra ny diloilon-jiro, ny ditin-kazo manitra, ny fanatitra hohanina fanao isan’andro ary ny diloilo fanosorana; miandraikitra ny Fonena-masina manontolo sy ny ao anatiny rehetra izy, na ny fitaovana masina izany na ny kojakoja rehetra momba azy.

Baiboly Katolika

¹⁶ I Eleazara zanak’i Aarôna mpisorona, no hitandrina ny diloilon’ny fanaovan-jiro, ny zava-manitra mani-pofona, ny fanatitra tsy tapaka ary ny diloilo fanosorana, dia hitandrina ny Fonenana manontolo mbamin’izay rehetra ao anatiny, ny fitoerana masina mbamin’ny fanaka rehetra momba azy.

Baiboly Protestanta Malagasy

¹⁶ Ary ny raharahan’i Eleazara, zanak’i Arona mpisorona, dia ny diloilo hatao fanazavana sy ny ditin-kazo mani-pofona sy ny fanatitra hohanina fanao isan-andro ary ny diloilo fanosorana, dia ny raharaha rehetra amin’ny tabernakely sy izay rehetra ao anatiny amin’ny fitoerana masina sy ny fanaka momba azy.

Malagasy Bible

¹⁶ Ary ny raharahan'i Eleazara, zanak'i Arona mpisorona, dia ny diloilo hatao fanazavana sy ny ditin-kazo mani-pofona sy ny fanatitra hohanina fanao isan'andro ary ny diloilo fanosorana, dia ny raharaha rehetra amin'ny tabernakely sy izay rehetra ao anatiny amin'ny fitoerana masina sy ny fanaka momba azy.

La Bible en Malgache

¹⁶ Ary i Eleazara, zanak’i Arona mpisorona, dia hanara-maso ny diloilo hatao fanazavana, ny ditin-kazo mani-pofona, ny fanatitra avy amin’ny zavamaniry fanao isanandro ary ny diloilo fanosorana; hanara-maso ny tabernakely* manontolo sy izay rehetra ao anatiny izy, ao amin’ny fitoerana masina sy ireo fanaka momba azy.

Nomery 4:16 Rohy Ifampitohizana

Eksodosy 25:6

solika hampiasaina amin’ny fitoeran-jiro, ilomanitra hafangaro amin’ny ilomasina fanokanana sy amin’ny vovo-javamanitra hodorana,

Eksodosy 30:22

Hoy koa ny TOMPO tamin’i Mosesy:

Eksodosy 31:11

ny ilomasina fampiasa amin’ny fanokanana, ary ny vovo-javamanitra voatokana ho an’ny Toeramasina. Hanaraka tanteraka ny torolalana izay nandidiako anao ny mpahay taozavatra amin’ny fanaovana ireo rehetra ireo.

Eksodosy 37:29

Mpamboatra zava-manitra no nanao ny ilomasina fampiasa amin’ny fanokanana mbamin’ny vovo-javamanitra hodorana eo amin’ny alitara.

Levitikosy 24:1

Dia niteny tamin’i Mosesy ny TOMPO

Levitikosy 24:2

mba hamepetra ny Israelita hoe: «Mitondra menaka ôliva madio tsara ianareo, mba hampirehetana ny jiro isan-kariva ka maharitra tontolo alina.

Levitikosy 6:20

ny olon-kafa rehetra, izay mikasika ny henan’izany sorona izany, dia hofaizin’ny fahamasinan’Andriamanitra. Raha misy fitafiana ipitihan’ny rany, dia hosasana eo amina toerana voatokana ny faritra nipitihany:

Nomery 3:32

I Elehazara, zanakalahin’i Aharôna mpisorona, no filoha faratampon’ny Levita; izy no mpiandraikitra ireo olona mikarakara ny fanompoana ao amin’ny Toeramasina.

Nomery 4:17

Hoy indray ny TOMPO tamin’i Mosesy sy i Aharôna:

Lioka 4:18

«Ato amiko ny Fanahy avy amin’ny Tompo. Ka natokan’ny Tompo Aho hanambara Vaovao Mahafaly amin’ny mahantra; nirahiny Aho hitory fanafahana amin’ny mpigadra sy fahiratana amin’ny jamba, hanafaka ny ampahorîna

Asan’ny Apostoly 20:28

Tandremo ny tenanareo sy ny ondry rehetra nankinin’ny Fanahy Masina aminareo mba handrasanareo. Karakarao ny Fiangonana izay novidin’Andriamanitra tamin’ny alalan’ny ra nafoin-Janany.

1Korintiana 4:1

Aoka izahay hoheverina ho mpanompon’i Kristy sy ho mpitantana ireo tsiambaratelo momba an’Andriamanitra.

1Timoty 2:5

Satria iray Andriamanitra, iray koa ny mpanalalana amin’Andriamanitra sy ny olona, dia i Kristy Jesoa Izay olona

Hebreo 3:1

Koa amin’izany, ry havana, efa voatokana ho an’Andriamanitra ianareo sady efa voaantsony hiombon’anjara amin’ny fiainana any an-danitra, ka diniho i Jesoa ilay irak’Andriamanitra sady Mpisorombe antoky ny finoana izay ekentsika.

Hebreo 3:6

Fa i Kristy kosa dia nahatoky araka ny maha Zanaka Azy, ka mifehy ny tranon’Andriamanitra; ary dia isika izany tranon’Andriamanitra izany, raha mitana ny fahasahiana sy ny fanantenana ireharehantsika.

1Petera 2:25

Eny, efa toy ny ondry nania ianareo, nefa ankehitriny dia tafaverina amin’ilay mpiandry sy mpitandrina ny fanahinareo.

1Petera 5:2

Aoka ianareo ho mpiandry ny andianondry napetrak’Andriamanitra hiandraiketanareo, ka hitandrina azy tsy an-terivozona fa an-tsitrapo araka an’Andriamanitra: tsy amim-pitiavan-karena fa amin-jotom-po,