Nomery 36:4 - DIEM PROTESTANTA

⁴ Rehefa tonga manko ny taon-jôbily ho an’ny Israelita, ny zara tanin’ireo zanakavavin’i Tselôfehada dia hanampy ny an’ny foko izay hidirany, ary hoesorina tanteraka amin’ny zara tany azon’ny razanay.

Baiboly Protestanta Malagasy 2011

⁴ Ary raha tonga ny Jobilin’ny Zanak’Israely, ny zarataniny dia hanampy ny an’ny foko izay hatoniny, ary izay azy dia hesorina amin’ny zaratanin’ny razanay.

Dikateny Iombonana Eto Madagasikara

⁴ Rehefa tonga manko ny taon-jôbily ho an’ny Israelita, ny zara tanin’ireo zanakavavin’i Tselôfehada dia hanampy ny an’ny foko izay hidirany, ary hoesorina tanteraka amin’ny zara tany azon’ny razanay.

Baiboly Katolika

⁴ Ary rehefa tonga ny Jobily ho an’ny zanak’i Israely, ny lovany dia hanampy ny an’izay hidirany, ka halana amin’ny lovan’ny fokon-drazanay ny lovany.»

Baiboly Protestanta Malagasy

⁴ Ary raha tonga ny Jobilin’ny Zanak’Isiraely, ny zara-taniny dia hanampy ny an’ny firenena izay hatoniny, ary ny azy dia hesorina amin’ny zara-tanin’ny razanay.

Malagasy Bible

⁴ Ary raha tonga ny Jobilin'ny Zanak'Isiraely, ny zara-taniny dia hanampy ny an'ny firenena izay hatoniny, ary ny azy dia hesorina amin'ny zara-tanin'ny razanay.

Nomery 36:4 Rohy Ifampitohizana

Isaia 61:2

hanambara ny taona hanehoan’ny TOMPO fanambinana sy ny andro hanafaizan’Andriamanitra ny fahavalony ary hitondra fampaherezana ho an’ny misaona rehetra.

Levitikosy 25:23

«Ny tany dia tsy azo atao varo-maty, satria Ahy Tompo izany; fa vahiny sy mpivahiny eo amin’ny taniko ianareo.

Levitikosy 25:8

«Hanisa fito taona mitsingerina impito ianareo, izany fito taona impito, ka 49 taona no halàvan’izany.

Nomery 36:3

Raha manambady lehilahy avy amin’ny foko israelita hafa ireo vehivavy ireo, dia hoesorina amin’ny zara tanin-drazanay ny zara taniny ka hanampy ny anjaran’ny foko izay hidirany izany, ary dia hampihena ny anjara izay azonay tamin’ny antsapaka.

Nomery 36:5

Dia nanome izao didy izao araka ny tenin’ny TOMPO i Mosesy ka nanao hoe: –Marina ny an’ireto taranak’i Jôsefa ireto.