Nomery 30:13 - DIEM PROTESTANTA

¹³ Fa raha manafoana kosa ny lahy amin’ny andro andrenesany izany, dia tsy manan-kery ny voady amam-pianianana nataon-dravehivavy. Hamela azy ny TOMPO satria nofoanan’ny vadiny ny voady nataony.

Baiboly Protestanta Malagasy 2011

¹³ Fa raha manafoana izany kosa ny vadiny amin’ny andro andrenesany azy miteny dia tsy manan-kery izay rehetra naloaky ny vavany ho voadiny na ho famehezany tena; ny vadiny no manafoana izany ary NY TOMPO hamela ny helony.

Dikateny Iombonana Eto Madagasikara

¹³ Fa raha manafoana kosa ny lahy amin’ny andro andrenesany izany, dia tsy manan-kery ny voady amam-pianianana nataon-dravehivavy. Hamela azy ny TOMPO satria nofoanan’ny vadiny ny voady nataony.

Baiboly Katolika

¹³ Fa raha foanan’ny lahy kosa izany amin’ny andro andrenesany azy, dia foana izay rehetra naloaky ny vavany, na voady na famehezan-tena nofoanan’ny vadiny izany, ary i Iaveh hamela azy.

Baiboly Protestanta Malagasy

¹³ Fa raha nahafoana izany kosa ny vadiny tamin’ny andro nandrenesany, dia afaka izay rehetra naloaky ny vavany ho voadiny na ho famehezana ny fanahiny; ny vadiny no nahafoana izany, ary Jehovah hamela ny helony.

Malagasy Bible

¹³ Fa raha nahafoana izany kosa ny vadiny tamin'ny andro nandrenesany, dia afaka izay rehetra naloaky ny vavany ho voadiny na ho famehezana ny fanahiny; ny vadiny no nahafoana izany, ary Jehovah hamela ny helony.

Nomery 30:13 Rohy Ifampitohizana

Ezra 8:21

Teo amoron’io lakan-dranon’i Ahavà io, dia nanainga anay rehetra hanao fifadian-kanina aho mba hietrenay tena eo anatrehan’Andriamanitray sy hangatahanay Azy hahatsara dia anay sy ny vady aman-janakay ombàn’ny fanananay rehetra.

Salamo 35:13

Raha narary izy ireo, dia nalahelo aho ka nitafy lamba fisaonana ho marik’izany; nampijaly tena tamin’ny fifadian-kanina aho ary koa niondrika hivavaka ho azy,

Isaia 58:5

Moa fifadian-kanina toy izany ve no tiako, amin’ny andro ampahorîn’ny olona tena? Ny hampilofika ny lohany toy ny zozoro sy ny hitafy lamba fisaonana ary ny hatory mihosin-davenona! Izany ve no ataonareo hoe fifadian-kanina sy andro ankasitrahina eo amiko TOMPO?

Levitikosy 16:29

«Izao no lalàna raikitra ho anareo: Ny andro fahafolo amin’ny volana fahafito, dia aoka ianareo hifady hanina sady tsy hanao raharaha akory, na ianareo Israelita tompontany na ireo vahiny valovotaka eo aminareo.

Levitikosy 23:27

«Ny andro fahafolon’ny volana fahafito kosa dia andro fankalazana ny Famelàn-keloka; hisy fanompoam-pivavahana hivorianareo amin’izany, ary hifady hanina ianareo sady hanatitra sorona levonina amin’ny afo ho Ahy TOMPO.

Levitikosy 23:32

Ho tena fitsaharana ho anareo io andro io, ary hifadianareo hanina; miantomboka amin’ny harivan’ny andro fahasivin’ny volana ka miafara amin’ny ampitso hariva no hitandremanareo io fitsaharanareo io.»

Nomery 29:7

«Amin’ny andro fahafolon’ny volana fahafito, dia hisy fivoriana masina ho anareo. Hifady hanina ianareo ka tsy hanao ny asa fanaonareo andavanandro.

Nomery 30:12

Raha ren’ny lahy izany nefa tsy notoheriny na norarany, dia mitoetra ara-dalàna ny voady amam-pianianana rehetra nataon-dravehivavy.

Nomery 30:14

Ny voady na fianianana rehetra nataon’ny vavy mba hifady hanina dia ny vadiny irery ihany no mampanan-kery na mahafoana izany.

1Korintiana 11:3

Saingy ity misy zavatra tiako ho fantatrareo: I Kristy no mpifehy ny lehilahy rehetra; ny lehilahy no mpifehy ny vadiny; ary Andriamanitra no mpifehy an’i Kristy.

1Korintiana 11:9

ary tsy ny lehilahy no noarîna ho an’ny vehivavy; fa ny vehivavy no noarîna ho an’ny lehilahy.

1Korintiana 7:5

Aza misara-pandriana ianareo raha tsy amin’ny vanim-potoana ifanarahanareo hatokana ho an’ny fivavahana; avy eo dia miraisa indray, sao tsy mahafehy tena ianareo ka halain’i Satàna fanahy.