Nomery 24:9 - DIEM PROTESTANTA

⁹ Mamita-mandry toy ny liona na tahakan’ny bibidia masiaka izy, koa zovy no sahy hanaitra azy? «Eny hotahîna anie izay hitsodrano anao, ry Israely, ary ho voaozona kosa anie izay hanozona anao!»

Baiboly Protestanta Malagasy 2011

⁹ Mamitsaka izy, mandry toy ny liona, ary toy ny liom-bavy, koa iza no hampitsangana azy? Hotahina anie izay manisy soa anao ary ho voaozona anie izay manozona anao!

Dikateny Iombonana Eto Madagasikara

⁹ Mamita-mandry toy ny liona na tahakan’ny bibidia masiaka izy, koa zovy no sahy hanaitra azy? «Eny hotahîna anie izay hitsodrano anao, ry Israely, ary ho voaozona kosa anie izay hanozona anao!»

Baiboly Katolika

⁹ Manongalika izy ary mandry toy ny liona, Toy ny liom-bavy, ka zovy no hampifoha azy? Hohasoavina anie izay hitso-drano anao! Ho voaozona anie izay hanozona anao!»

Baiboly Protestanta Malagasy

⁹ Mamitsaka izy, mandry toy ny liona, Ary toy ny liom-bavy, ka iza no hanaitra azy? Hohasoavina anie izay manisy soa anao, Ary ho voaozona anie izay manozona anao!

Malagasy Bible

⁹ Mamitaka izy, mandry toy ny liona, ary toy ny liom-bavy, ka iza no hanaitra azy? Hohasoavina anie izay manisy soa anao, ary ho voaozona anie izay manozona anao!

La Bible en Malgache

⁹ Mamitsaka izy, mandry toy ny liona, ary toy ny liom-bavy, koa iza no hampitsangana azy? Hotahina anie izay manisy soa anao ary ho voaozona anie izay manozona anao!

Nomery 24:9 Rohy Ifampitohizana

Genesisy 12:3

Hotahîko izay mitahy anao, fa hozoniko kosa izay manozona anao. Amin’ny alalanao no hitahiana ny firenena rehetra eran-tany.

Genesisy 27:29

Hanompo anao anie ireo firenena ary hiankohoka eo anatrehanao ny vahoaka maro! Ho tompon’ny rahalahinao anie ianao ka hiankohoka eo anoloanao ireo zanaky ny reninao! Ho voaozona anie izay manozona anao ary hohasoavina izay manisy soa anao!

Genesisy 49:9

Ry Joda zanako, toy ny liona tanora ianao, dia liona avy niremby ka mamonjy fierena; mitorevaka toy ny lion-dahy i Joda ka matory, ary mamitsaka toy ny liom-bavy, ka iza no hampitsangana azy?

1Mpanjaka 10:20

ary sarin-diona enina avy no teo an-daniny roa amin’ny zanatohatra enina. Tsy nisy natao tahaka izany mihitsy tany amin’ny fanjakana hafa rehetra.

2Tantara 9:18

Nisy zanatohatra enina tamin’io sezafiandrianana io ary koa fitoeran-tongotra volamena, izay naraikitra taminy; ary nasiana fitehenan-tanana teo andaniny roa amin’ny fipetrahana. Nisy sarin-diona iray avy teo ankilan’ny fitehenan-tanana;

Estera 6:13

Dia nitantaran’i Hamàna ny zavatra nanjo azy i Zeresa vadiny sy ny sakaizany rehetra mpanolotsaina azy ka niteny taminy hoe: –Raha taranaky ny Jiosy i Môrdôkay izay efa niantomboka nandavo anao teo anatrehany, dia tsy haharesy azy mihitsy ianao fa ho lavo eo anatrehany tokoa.

Joba 41:10

Vao mievina ny voay, dia mamoaka hazavana; ka ny masony manjary manjopiaka toy ny masoandro vao miposaka.

Salamo 122:6

Mangataha fiadanana ho an’i Jerosalema: «Fanambinana anie ho an’ireo mpitia anao!

Eksodosy 23:22

Raha mankatò azy hatrany ianareo, ka manatanteraka an-tsipiriany izay rehetra nandidiako anareo, dia Izaho Tompo no ho fahavalon’izay fahavalonareo, ary handrafy izay mandrafy anareo.

Isaia 31:4

Izao no nolazain’ny TOMPO tamiko: «Rehefa ny liona na ny liona tanora no mierona hiambina ny remby azony eo anoloan’andiana mpiandry ondry izay tafangona hamely azy, dia tsy matahotra ny antsoantson’ireo izy na lasa mitsoaka noho ny tabatabany. Ho tahaka izany koa Aho, hoy ny TOMPOn’izao rehetra izao, rehefa midina hiady eo an-tendrombohitra Tsiôna na eo amin’ilay havoany.»

Mika 5:8

Dia toy izany koa, aoka ny tananareo hiainga hamely izay manohitra anareo ary aoka ho ringana avokoa ny fahavalonareo!

Nomery 22:12

Ary hoy i Andriamanitra tamin’i Balahama: –Tsy handeha hiaraka aminy ianao ary tsy hanozona koa io vahoaka izay efa notahîko io.

Nomery 22:6

Koa mba tongava atỳ re ianao hanozona io vahoaka io, fa mahery noho izaho izy; angamba haharesy azy aho amin’izay ka haharoaka azy hiala amin’ny tany. Satria fantatro fa izay tsofinao rano dia voatsodrano ary izay ozoninao dia voaozona.»

Nomery 23:24

Indro io vahoaka io fa mitsangana toy ny bibidia masiaka, ary mijoro tahaka ny liona, izay tsy mandry raha tsy voky remby sy mamon’ny ran’ny biby voahazany.»

Nomery 24:10

Vinitra aoka izany tamin’i Balahama i Balàka ka niteha-tanana handrahona azy sady nanao taminy hoe: –Hanozona ny fahavaloko no niantsoako anao, kanefa fanintelony izao ianao no nitsodrano azy.

Matio 25:40

Dia hovalian’ny Mpanjaka hoe: «Lazaiko marina aminareo fa araka izay nataonareo tamin’ny anankiray amin’ireto havako madinika indrindra ireto no nataonareo tamiko.»

Matio 25:45

Dia hovalian’ny Mpanjaka hoe: «Lazaiko marina aminareo fa araka izay tsy nataonareo tamin’ny anankiray amin’ireto havako madinika indrindra ireto no tsy nataonareo tamiko.»

Asan’ny Apostoly 9:5

Dia hoy i Saoly: –Iza moa Ianao, Tompoko? Ary ilay feo namaly hoe: –Izaho no i Jesoa, Ilay enjehinao.

Deoteronomia 30:7

Ary hampiharin’ny TOMPO Andriamanitrareo amin’ny fahavalo mpankahala sy mpanenjika anareo ireny ozona rehetra ireny.