Nomery 18:12 - DIEM PROTESTANTA

¹² Homeko anareo koa ny tsara indrindra amin’ny menaka sy ny divay vaovao ary ny vary sy ny voamaina izay aterin’ny Israelita ho voaloham-bokatra ho Ahy TOMPO.

Baiboly Protestanta Malagasy 2011

¹² Izay rehetra tsara indrindra amin’ny diloilo sy ny ranom-boaloboka ary ny vary, dia ny voaloham-bokatra aminy, izay atolony ho an’NY TOMPO, dia efa nomeko anao koa.

Dikateny Iombonana Eto Madagasikara

¹² Homeko anareo koa ny tsara indrindra amin’ny menaka sy ny divay vaovao ary ny vary sy ny voamaina izay aterin’ny Israelita ho voaloham-bokatra ho Ahy TOMPO.

Baiboly Katolika

¹² Omeko anao avokoa ny tsara indrindra amin’ny diloilo, sy ny tsara indrindra amin’ny divay vaovao sy amin’ny vary, dia ny voaloham-bokatra hateriny ho an’i Iaveh.

Baiboly Protestanta Malagasy

¹² Izay rehetra tsara indrindra amin’ny diloilo sy ny ranom-boaloboka ary ny vary, dia ny voaloham-bokatra aminy, izay ateriny ho an’i Jehovah, dia efa nomeko anao.

Malagasy Bible

¹² Izay rehetra tsara indrindra amin'ny diloilo sy ny ranom-boaloboka ary ny vary, dia ny voaloham-bokatra aminy, izay ateriny ho an'i Jehovah, dia efa nomeko anao.

La Bible en Malgache

¹² Izay rehetra tsara indrindra amin’ny diloilo sy ny ranom-boaloboka ary ny vary, dia ny voaloham-bokatra aminy, izay atolony ho an’NY TOMPO, dia efa nomeko anao koa.

Nomery 18:12 Rohy Ifampitohizana

Genesisy 27:28

Homen’Andriamanitra anao anie ny andon’ny lanitra sy ny tsiron’ny tany ary ny vary aman-divay betsaka!

2Mpanjaka 4:42

Nisy lehilahy tonga avy any Bahala-Salisà izay nitondra mofo ôrza roapolo sy varim-bazaha iray kitapo santa-bokatra ho an’ity olon’Andriamanitra. Dia nilazan’i Elisà ny mpanompony mba hizara ireo hohanin’ny olona;

2Tantara 31:5

Ary nony niely izany teny izany, dia nitondra voaloham-bokatra betsaka ny Israelita: dia vary sy divay, menaka sy tantely mbamin’ny vokatry ny tany isan-karazany; ary ny fahafolon-karena tamin’ny zavatra rehetra dia betsaka koa no nentiny.

Salamo 147:14

manisy fiadanana ny faritaninao sy mamoky anao amin’ny vary tsara indrindra,

Salamo 81:16

Izay mpankahala ny TOMPO ho nikoy tamiko; ny famaizany azy ho naharitra mandrakizay.

Eksodosy 22:29

«Momba ny voalohan-teraky ny ombivavy na voalohan-teraky ny ondry aman’osy, dia avelao ho eo amin’ny reniny ihany mandritra ny fito andro; fa amin’ny andro fahavalo izy dia atero ho sorona ho Ahy.

Eksodosy 23:19

Haterinareo ao an-tranoko ny santatry ny vokatry ny taninareo satria Izaho no Tompo Andriamanitrareo. Nefa aza mahandro zanak’osy amin’ny rononon-dreniny.

Eksodosy 34:26

Haterinareo ao an-tranoko ny santa-bokatry ny taninareo satria Izaho no TOMPO Andriamanitrareo; nefa aza mahandro zanak’osy amin’ny rononon-dreniny.»

Ezekiela 44:30

Horaisin’ny mpisorona ny santatry ny voaloham-bokatra ary izay rehetra navahana ho Ahy tamin’ny harenan’ny Israelita. Homen’ny olona azy koa ny koba lafarinina tsara indrindra mba hitahiako ny ao an-tranony.

Levitikosy 2:12

Ho fanatitra voaloham-bokatra ihany no hahazoanareo manolotra leviora na tantely ho an’ny TOMPO; kanefa tsy mba hakarina eo ambonin’ny alitara hanetona ho hanitra ankasitrahina izany.

Levitikosy 2:14

«Rehefa manolotra fanatitra voaloham-bokatra ho an’ny TOMPO ianao, dia salohim-bary no endaso amin’ny afo, ary totoy ho lango ny voam-bary voaendy; ka io lango io no hatolotrao ho fanatitra voaloham-bokatrao. Alohan’ny hanolorana azy,

Levitikosy 23:17

ka mitondrà, avy amin’ny fonenanareo, mofo roa ho fanatitra hahevaheva eo anatrehako. Ireo mofo ireo dia hatao amin’ny koba lafarinina tsara, milanja telo kilao, ka hasiana leviora no hanendasana azy: voaloham-bokatra natokana ho Ahy TOMPO izany.

Levitikosy 23:20

Hahevahevan’ny mpisorona eo anatrehako ireo zanakondrilahy roa ireo mbamin’ny mofo avy amin’ny voaloham-bokatra: dia zava-masina ho Ahy TOMPO izany ka ho anjaran’ny mpisorona.

Deoteronomia 18:3

Izao no zo ananan’ny mpisorona amin’ny vahoaka, izany hoe amin’ireo olona manolotra omby na ondry na osy hatao sorona: homena ho an’ny mpisorona ny sorok’ilay biby sy ny valanoranony ary ny vavoniny;

Deoteronomia 18:4

homenareo azy koa ny voaloham-bokatrareo na vary na divay na menaka; ary homenareo azy ny volon’ireo ondry aman’osy voalohany hetezanareo.

Deoteronomia 26:2

dia makà ampahan’ny voaloham-bokatra rehetra azonareo avy amin’ny tany izay omen’ny TOMPO Andriamanitrareo anareo, ka ataovy an-tsobika izany. Dia mankanesa amin’ny toerana izay hofidin’ny TOMPO Andriamanitrareo mba hipetrahan’ny voninahiny;

Deoteronomia 32:14

novokisany mena-drononon’omby, sy rononon’ondry aman’osy izy, nofahanany henan-janakondry sy ondrilahy matavy aman’osilahy ary notolorany vary tsara indrindra sy ranom-boaloboka ho divay fisotro.