Nomery 18:1 - DIEM PROTESTANTA

¹ Ary hoy ny TOMPO tamin’i Aharôna: –Ianao sy ny taranakao ary ny taranak’i Levỳ razambenao no hitambesaran’ny heloka atao amin’ny Toeramasina. Fa ianao sy ny taranakao irery ihany no ho tompon’andraikitry ny heloka ataonareo amin’ny fisoronana.

Baiboly Protestanta Malagasy 2011

¹ Ary hoy NY TOMPO tamin’i Arona: Ianao sy ireo zanakao ary ny taranaky ny rainao miaraka aminao no hitondra ny heloky ny fitoerana masina; ary ianao sy ireo zanakao miaraka aminao no hitondra ny heloky ny fisoronanareo.

Dikateny Iombonana Eto Madagasikara

¹ Ary hoy ny TOMPO tamin’i Aharôna: –Ianao sy ny taranakao ary ny taranak’i Levỳ razambenao no hitambesaran’ny heloka atao amin’ny Toeramasina. Fa ianao sy ny taranakao irery ihany no ho tompon’andraikitry ny heloka ataonareo amin’ny fisoronana.

Baiboly Katolika

¹ Hoy i Iaveh tamin’i Aarôna: «Ianao sy ny zanakao ary ny fianakavian-drainao miaraka aminao no hitondra ny heloka momba ny fitoerana masina; ianao sy ny zanakao miaraka aminao no hitondra ny heloka momba ny fisoronanareo.

Baiboly Protestanta Malagasy

¹ ARY hoy Jehovah tamin’i Arona: Hianao sy ny zanakao ary ny tarana-drainao no hitondra ny heloky ny fitoerana masina; ary hianao sy ny zanakao koa no hitondra ny heloky ny fisoronanareo.

Malagasy Bible

¹ Ary hoy Jehovah tamin'i Arona: Hianao sy ny zanakao ary ny tarana-drainao no hitondra ny heloky ny fitoerana masina; ary ianao sy ny zanakao koa no hitondra ny heloky ny fisoronanareo.

La Bible en Malgache

¹ Ary hoy NY TOMPO tamin’i Arona: Ianao sy ireo zanakao ary ny taranaky ny rainao miaraka aminao no hitondra ny heloky ny fitoerana masina; ary ianao sy ireo zanakao miaraka aminao no hitondra ny heloky ny fisoronanareo.

Nomery 18:1 Rohy Ifampitohizana

Eksodosy 28:38

Hoentin’i Aharôna mandrakariva eny amin’ny handriny io takela-bolamena io rehefa hiseho eo anatrehako Izaho TOMPO izy, ka amin’izay dia hoekeko ny fanatitra rehetra izay hatokan’ny Israelita ho Ahy na dia manao hadisoana aza ireo amin’ny fanolorana azy.

Isaia 53:11

«Niaritra fahoriana mafy ny Mpanompoko, hoy ny TOMPO, ka dia hahita ny taranaka sy ho lava andro iainana. Ho fantatry ny olona fa marina io Mpanompoko io; ka dia Izy no hahatonga ny besinimaro ho marina, satria ny tenany no mivesatra ny helok’ireo.

Isaia 53:6

Isika rehetra dia tahaka ny ondry nania, fa samy efa nandeha tamin’ny lalantsika avy; ka nahatran’ny TOMPO tamin’ilay Mpanompony avokoa ny vokatry ny fahadisoantsika rehetra.

Ezekiela 4:4

«Dia mandria ilika amin’ny ilanao havia ianao; fa araka ny haharetanao amin’izany fomba fandry izany no hivesaranao ny fahotan’ny fanjakàn’i Israely, fa ianao no hivesatra azy.

Levitikosy 10:17

–Zava-masina dia masina ny hena avy amina sorona fanalana ny ota, ka nahoana no tsy nohaninareo teo amin’ny faritra voatokana hihinanana azy? Efa nomen’ny TOMPO anareo izany mba hahazoanareo manafaka ny fahotana vitan’ny Fiangonan’ny Israelita tsivakivolo sy manao ny fombam-pivavahana famelan-keloka ho azy eo anatrehan’ny Tompo.

Levitikosy 22:16

raha avelany hihinana izany ny Israelita tsy anisan’ny fianakavia-mpisorona, dia manjary itambesaran-keloka sy manonitra. Fa Izaho no TOMPO Izay efa nanokana ireny zava-masina ireny.»

Levitikosy 22:9

«Aoka ny mpisorona hitandrina izay fepetra nasaiko tandremany, fandrao hitambesaran-keloka ny amin’izany fanimbazimbana zava-masina izany izy ka ho faty. Izaho no TOMPO, Izay efa nanokana ny mpisorona hanompo Ahy.

Nomery 14:34

Efapolo andro no nisafoanareo ny tany; koa dia mandritra ny efapolo taona kosa no hitondranareo ny vokatry ny fahotanareo, izany hoe taona iray isaky ny andro iray. Ka dia ho fantatrareo tsara ny dikan’ny faniniako anareo.

Nomery 16:10

Navelany hanakaiky Azy ianareo, ry Kôra sy ny Levita rehetra rahalahinao, dia mbola mitady ny raharahan’ny mpisorona indray ve?

Nomery 17:13

Nijoro teo anelanelan’ny maty sy ny velona izy, dia nitsahatra ny loza mandringana.

Nomery 17:3

Ny fitaovam-panembohan’ireo olona matin’ny fahotany ireo dia hatao takelaka manify handrakofana ny alitara, fa efa naterina teo anatrehako TOMPO ireny ka masina; ary dia ho marika fampitandremana ho an’ny Israelita izany.

Nomery 17:7

Nitangorona nanakiana an’i Mosesy sy i Aharôna ny fiangonana, fa izy roa lahy kosa nitodika nijery tany amin’ny Tranolay fihaonana, ka indro hitany nanarona azy ny rahona izay nisehoan’ny voninahitry ny TOMPO.

Nomery 18:11

Ary ireto koa dia ho anareo: ireo ampahany nalana tamin’ny fanomezan’ny Israelita, dia ny fanatitra rehetra ahevaheva; omeko ho anjara raikitra ho anao sy ny taranakao lahy sy vavy izany. Izay rehetra madio ao amin’ny ankohonanareo dia mahazo mihinana izany.

Nomery 3:6

–Asaivo manatona ny fokon’i Levỳ ka apetraho eo ambany fahefàn’i Aharôna mpisorona mba hanampy azy.

Deoteronomia 10:8

Tamin’izay ny fokon’i Levỳ no natokan’ny TOMPO hanao ireto raharaha ireto: hitondra ny vata mirakitra ny fanekempihavanan’ny TOMPO; hitoetra eo anatrehan’ny TOMPO; hanao fanompoam-pivavahana aminy; hanome tsodrano amin’ny anarany. Mbola ataon’ny levîta ireo raharaha ireo mandraka androany.

Hebreo 13:17

Manoava an’ireo mpitarika anareo ara-pivavahana, ka maneke azy. Fa ireo no miambina hatrany ny fanahinareo, toy ny olona mbola hampamoahin’Andriamanitra ny amin’izany. Raha manoa ianareo, dia amin’ny hafaliana no hanaovan’ireo ny raharahany; fa raha tsy manoa ianareo, dia amin’ny fisentoana no hanaovany azy ka tsy hahasoa anareo izany.

Hebreo 4:15

Tsy mba Mpisorombe tsy afaka miara-mizaka ny fahalementsika no ananantsika, fa Mpisorombe efa nalaim-panahy tamin’ny zavatra rehetra tahaka antsika ihany, saingy tsy mba nanota.

1Petera 2:24

ny tenan’i Kristy no nitondra ny fahotantsika teo ambony hazofijaliana, mba hitsaharantsika amin’ny fahotana ka hivelomantsika hanao ny marina; ary ny dian-kapoka taminy no nahasitrana anareo.

Mpitsara 17:12

Ary natokan’i Mikà ilay levita ka tonga mpisorony ary nipetraka teo aminy.