Nomery 14:13 - DIEM PROTESTANTA

¹³ Fa hoy ny navalin’i Mosesy ny TOMPO: –Fantatry ny Ejiptianina fa ny herinao no namoahanao ity vahoaka ity hiala teo aminy.

Baiboly Protestanta Malagasy 2011

¹³ Dia hoy i Mosesy tamin’NY TOMPO: Ny Ejiptiana anefa dia efa nandre fa ny herinao no nitondranao ity firenena ity niakatra avy teo aminy

Dikateny Iombonana Eto Madagasikara

¹³ Fa hoy ny navalin’i Mosesy ny TOMPO: –Fantatry ny Ejiptianina fa ny herinao no namoahanao ity vahoaka ity hiala teo aminy.

Baiboly Katolika

¹³ Fa hoy i Môizy tamin’i Iaveh: «Efa ren’ny Ejiptianina, fa ny herinao no nitondranao ity vahoaka ity niakatra avy tany afovoany; ary efa nolazainy tamin’ny mponina amin’ity tany ity izany.

Baiboly Protestanta Malagasy

¹³ Dia hoy Mosesy tamin’i Jehovah: Dia ho ren’ny Egyptiana izany; fa ny herinao no nitondranao ity firenena ity nivoaka avy teo aminy,

Malagasy Bible

¹³ Dia hoy Mosesy tamin'i Jehovah: Dia ho ren'ny Egyptiana izany; fa ny herinao no nitondranao ity firenena ity nivoaka avy teo aminy,

Nomery 14:13 Rohy Ifampitohizana

Salamo 106:23

Dia nilaza Andriamanitra fa handringana azy; kanjo i Mosesy ilay voafidiny dia nanelanelana teo anatrehany ka nisakana ny hatezerany tsy hamongotra.

Jeremia 15:1

Ary hoy ny TOMPO tamiko: –Na dia i Mosesy sy i Samoela aza no mitsangana manelanelana eto amiko, dia tsy handefitra amin’ity vahoaka ity Aho. Roahy hiala eto anatrehako izy mba handeha any!

Ezekiela 20:14

Kanefa notandroviko ny lazako mba tsy hozimbazimbain’ireo firenen-kafa nahita ny namoahako ny Israelita hiala tany Ejipta.

Ezekiela 20:9

Kanefa notandroviko ny lazako mba tsy hozimbazimbain’ny firenen-kafa niarahany nonina. Fa teo imason’ireo firenena ireo no nanaovako izay hahafantaran’ny Israelita Ahy tamin’ny namoahako azy hiala tany Ejipta.

Deoteronomia 32:27

raha tsy ny fahavalo hirehaka no natahorako; mety diso hevitra manko ny mpandrafy azy ka hiteny hoe: ‹Ny tananay no nahery, fa tsy ny TOMPO velively no nanao izany.›

1Samoela 12:22

Fa tsy handao anareo ny TOMPO noho ny fitandroany ny voninahiny, satria efa sitrany ny nanao anareo ho vahoakany.