Nomery 10:10 - DIEM PROTESTANTA

¹⁰ Ary amin’ny andro fety sy ny andro fifaliana ary amin’ny andro voalohan’ny volana dia hotsofinareo ny trômpetra, rehefa manao sorona dorana manontolo sy sorom-pihavanana ianareo. Hataonareo izany ho fampahatsiarovana Ahy Andriamanitrareo hitsimbinako anareo. Izaho no TOMPO Andriamanitrareo.»

Baiboly Protestanta Malagasy 2011

¹⁰ Amin’ny andro fifalianareo sy amin’ny fotoam-pivavahanareo ary amin’ny voaloham-bolanareo no hitsofanareo ny trompetra, raha manao ny fanatitra dorana manontolo sy ny fanati-pihavanana ho fampahatsiarovana ho anareo ianareo eo anatrehan’Andriamanitrareo, satria Izaho no TOMPO Andriamanitrareo.

Dikateny Iombonana Eto Madagasikara

¹⁰ Ary amin’ny andro fety sy ny andro fifaliana ary amin’ny andro voalohan’ny volana dia hotsofinareo ny trômpetra, rehefa manao sorona dorana manontolo sy sorom-pihavanana ianareo. Hataonareo izany ho fampahatsiarovana Ahy Andriamanitrareo hitsimbinako anareo. Izaho no TOMPO Andriamanitrareo.»

Baiboly Katolika

¹⁰ Amin’ny andro fifalianareo sy amin’ny fetinareo, ary amin’ny voaloham-bolanareo, hitsoka ny trômpetra ianareo, eo am-panolorana ny sorona doranareo, sy ny sorom-pihavananareo, dia ho fampahatsiarovana anareo izany, eo anatrehan’i Iaveh Andriamanitrareo. Izaho no Iaveh Andriamanitrareo.»

Baiboly Protestanta Malagasy

¹⁰ Ary amin’ny andro fifalianareo, sy amin’ny fotoam-pivavahanareo, ary amin’ny voaloham-bolanareo no hitsofanareo ny trompetra, raha manao ny fanatitra doranareo sy ny fanati-pihavananareo; dia ho fahatsiarovana ho anareo izany eo anatrehan’Andriamanitrareo: Izaho Jehovah no Andriamanitrareo.

Malagasy Bible

¹⁰ Ary amin'ny andro fifalianareo, sy amin'ny fotoam-pivavahanareo, ary amin'ny voaloham-bolanareo no hitsofanareo ny trompetra, raha manao ny fanatitra doranareo sy ny fanati-pihavananareo; dia ho fahatsiarovana ho anareo izany eo anatrehan'Andriamanitrareo: Izaho Jehovah no Andriamanitrareo.

La Bible en Malgache

¹⁰ Amin’ny andro fifalianareo sy amin’ny fotoam-pivavahanareo ary amin’ny voaloham-bolanareo no hitsofanareo ny trompetra, raha manao ny fanatitra dorana manontolo sy ny fanati-pihavanana ho fampahatsiarovana ho anareo ianareo eo anatrehan’Andriamanitrareo, satria Izaho no TOMPO Andriamanitrareo.

Nomery 10:10 Rohy Ifampitohizana

2Mpanjaka 4:23

Fa hoy ny vadiny taminy: –Nahoana ianao no hankany aminy anio, nefa tsy fetin’ny tsinam-bolana na sabata akory ny andro? Hoy kosa ny navaliny: –Aza manahy ianao!

1Tantara 15:24

toraka izany koa i Hôbeda-Edôma sy i Jehià mpiandry vavahady. Ary ireto mpisorona ireto kosa, dia i Sebanià sy i Jôsafata, i Natanaela sy i Hamasay mbamin’i Zakarià sy i Benaià ary i Elihezera, no nitsoka trompetra teo alohan’ny Vatamasin’Andriamanitra.

1Tantara 15:28

I Israely lafy valo no nampakatra ny Vatamasina mirakitra ny fanekempihavanan’ny TOMPO ho any Jerosalema; ka tamin’ny horakora-pifaliana, ombàn’ny feon’anjombona aman-trompetra sy kipantsona miaraka amin’ny tendry valiha sy lokanga, no nampakarany azy.

1Tantara 16:42

Niaraka tamin’i Hemàna sy i Jedotòna, dia nisy trompetra sy kipantsona natao hampanenoina ary zava-maneno hafa natao hanarahana ny hira ho an’Andriamanitra; ary ny zanakalahin’i Jedotòna no mpiandry vavahady.

2Tantara 29:26

Dia naka toerana ny levita ombàn’ny zava-manenon’i Davida, ary koa ny mpisorona ombàn’ny trompetra.

2Tantara 29:28

Niankohoka avokoa ny vahoaka tafangona teo, fa ny mpihira kosa nihira hatrany ary ny mpanao mozika nitsoka trompetra, mandra-pahavitan’ny sorona dorana manontolo.

2Tantara 7:6

Samy nanao ny anjara raharahany avy ny mpisorona fa ny levita kosa nisahana ny zava-maneno masina izay nampamboarin’i Davida mpanjaka mba hiderana ny TOMPO hoe: «Eny, maharitra mandrakizay ny fitiavany!», araka ny hira fiderana nasain’i Davida nataony. Dia nisy koa mpisorona nitsoka trômpetra tetsy andaniny; ary ny vahoaka israelita rehetra teo dia nitsangana avokoa.

Ezra 3:10

Nony nandatsaka ny fototr’ilay tempolin’ny TOMPO ireo mpiasa, dia nasaina nanatrika teo ny mpisorona nanao fanamiana sy nitondra trômpetra ary koa ny levita terak’i Asafa nitondra kipantsona, mba hidera ny TOMPO araka ny nandidian’i Davida mpanjakan’i Israely.

Nehemia 12:35

taorian’ireo ny sasany tamin’ny mpisorona mpitondra trompetra; avy eo i Zakarià, zanakalahin’i Jônatàna sy zafin’i Semahià sy zafiafin’i Matanià sy zafin-dohalik’i Mikaià sy zafin-kitrokelin’i Zakora ary zafim-paladian’i Asafa,

Salamo 150:3

Miderà Azy amin’ny fitsofana anjomara, Miderà Azy amim-baliha sy lokanga.

Salamo 81:3

Ingao ny hira, velezo ny amponga, tendreo ny lokanga tsara feo mbamin’ny valiha.

Salamo 81:4

Amin’ny tsinam-bolana sy volam-penomanana, tsofy ny trômpetra ho an’ny andro fetintsika,

Salamo 89:15

Rariny sy hitsiny no fototry ny fanjakanao; fitiavana sy toetra mahatoky no mandeha eo alohanao.

Eksodosy 28:29

«Amin’izay, rehefa miditra ao amin’ny Toeramasina i Aharôna, dia hitondra eny an-tratrany ny saron-tratra fitsarana misy ny anaran’ny fokon’i Israely; ka Izaho TOMPO amin’izay dia tsy hanadino anareo na oviana na oviana.

Eksodosy 30:16

Rehefa voaangonao avy amin’ny Israelita rehetra izany vola izany, dia hampiasainao hikojakojana ny Tranolay fihaonana. Izany no hahatsiarovako ny Israelita ka hiarovako ny ainy.

Isaia 27:13

Amin’izany andro izany, dia hanakoako ny feon’ny anjomara lehibe; ka ho tonga avokoa ireo very tany Asiria na ireo tafaely tany Ejipta mba hiankohoka eo anatrehan’ny TOMPO ao an-tendrombohitra masina any Jerosalema.

Levitikosy 23:24

mba hamepetra ny Israelita hoe: «Ny andro voalohan’ny volana fahafito dia ho andro fitsaharana ho anareo; hisy fanompoam-pivavahana hivorianareo amin’izany ka hihobianareo Ahy mba hahatsiarovako anareo.

Nomery 10:9

«Raha hiantafika hiady amin’ny fahavalo izay mamely eo amin’ny taninareo ianareo, dia hotsofina ny trômpetra sady arahina hoby mba hampahatsiarovanareo Ahy TOMPO Andriamanitrareo hitsimbinako anareo ka hamonjeko anareo ho afaka amin’ny fahavalonareo.

Nomery 28:11

«Amin’ny andro voalohany isam-bolana, dia ombilahy roa sy ondrilahy iray ary zanak’ondry fito izay samy herintaona avy sady tsy misy kilema no hatolotra ho sorona dorana manontolo ho an’ny TOMPO.

Nomery 29:1

«Amin’ny andro voalohan’ny volana fahafito dia hisy fivoriana masina ho anareo, ka tsy hanao ny asa fanaonareo andavanandro ianareo fa andro fitsofana trompetra izany.

Matio 11:28

Mankanesa atỳ amiko ianareo rehetra torovana sy vesaran’ny lalàna, fa Izaho no hanome fialan-tsasatra anareo.

Asan’ny Apostoly 10:4

Nibanjina an’ilay anjely i Kôrnely ka raiki-tahotra sady nanao hoe: –Ahoana izay, tompoko? Dia hoy ny anjely taminy: –Tafakatra any amin’Andriamanitra ny vavaka sy ny fiantrana vitanao, ka ahatsiarovany anao.

1Korintiana 15:52

vetivety foana, indray mipy maso, rehefa maneno ny trompetra farany, dia hovàna avokoa isika rehetra. Satria haneno ny trompetra farany, dia hitsangana velona ireo maty ka tsy ho tratry ny fahalòvana intsony; ary hovàna isika.

1Tesaloniana 4:16

Hisy baiko hatao antso avo ombàn’ny feon’arkanjely sy ny feon-trompetran’Andriamanitra, ka ny Tompo mihitsy no hidina avy any an-danitra. Ireo olona maty tafaray amin’i Kristy no hitsangana ho velona voalohany;

1Tesaloniana 4:18

Koa izany teny izany àry no aoka hifampiononanareo.

Josoa 4:7

dia hamaly hoe: «Tapaka ny ranon’i Jôrdàna noho ilay Vatamasina mirakitra ny fanekempihavanan’ny TOMPO. Eny raha nita an’i Jôrdàna ny Vatamasina; dia tapaka ny rano; ary ireo vato ireo dia hahatsiarovana mandrakizay izany zava-mahagaga izany eo amin’ny Israelita.»

Josoa 6:4

ka mpisorona fito samy mitondra trompetra iray avy no hialoha ny Vatamasina. Amin’ny andro fahafito dia hodidino impito ny tanàna, ary mandritra izany aoka ny mpisorona hitsoka ny trompetrany.

Apokalipsy 22:17

Ary hoy ny Fanahy Masina sy ny ampakarina hoe: «Avia!» Izay mahare, aoka hanao hoe: «Avia!» Izay mangetaheta, aoka ho avy; izay maniry ranovelona, aoka hanovo maimaimpoana amin’izany!

1Samoela 20:5

Ka novalian’i Davida hoe: –Fetin’ny tsinam-bolana rahampitso; ka tokony hiara-misakafo amin’ny mpanjaka aho. Nefa avelao aho hiery any an-tsaha hatramin’ny rahafakampitso hariva.