Nehemia 9:26 - DIEM PROTESTANTA

²⁶ Kanefa nikomiany sy niodinany Ianao, nariany lavitra azy ny lalànao, novonoiny ny mpaminaninao izay nananatra azy mafy hiverina aminao; koa notevatevainy tokoa Ianao.

Baiboly Protestanta Malagasy 2011

²⁶ Kanefa nandà izy sady nikomy Taminao ary nanary ny lalànanao teo ivohony, dia namono ny mpaminaninao izay nananatra azy mafy hampiverenana azy ho Aminao ka nanao izay nahasosotra Anao indrindra izy.

Dikateny Iombonana Eto Madagasikara

²⁶ Kanefa nikomiany sy niodinany Ianao, nariany lavitra azy ny lalànao, novonoiny ny mpaminaninao izay nananatra azy mafy hiverina aminao; koa notevatevainy tokoa Ianao.

Baiboly Katolika

²⁶ «Kanefa nikomy izy ireo sy niodina taminao, natsipiny any ivohony ny lalànao, novonoiny ireo mpaminaninao, vavolombelona nanohitra azy mba hamerina azy ho aminao, ka rafitra naniratsira Anao izaitsizy izy.

Baiboly Protestanta Malagasy

²⁶ Kanefa nandà izy sady niodina taminao ary nanary ny lalànao teo ivohony, dia namono ny mpaminaninao, izay nananatra azy mafy hampiverenana azy ho aminao, ka nanao izay nampahasosotra indrindra izy.

Malagasy Bible

²⁶ Kanefa nandà izy sady niodina taminao ary nanary ny lalànao teo ivohony, dia namono ny mpaminaninao, izay nananatra azy mafy hampiverenana azy ho aminao, ka nanao izay nampahasosotra indrindra izy.

La Bible en Malgache

²⁶ Kanefa nandà izy sady nikomy Taminao ary nanary ny lalànanao teo ivohony, dia namono ny mpaminaninao izay nananatra azy mafy hampiverenana azy ho Aminao ka nanao izay nahasosotra Anao indrindra izy.

Nehemia 9:26 Rohy Ifampitohizana

1Mpanjaka 14:9

Fa ratsy kokoa noho izay vitan’ireo rehetra talohanao no nataonao, satria namboatra andriamani-kafa sy sarivongana voarendrika hampahatezitra Ahy ianao ary efa nanilika Ahy any ivohonao.

1Mpanjaka 18:13

Moa tsy mba notantaraina taminao va, tompoko, izay nataoko tamin’ny namonoan’i Jezebela ho faty ireo mpaminanin’ny TOMPO? Zato tamin’ireny mpaminanin’ny TOMPO ireny no nafeniko nitsinjara dimampolo avy tany anaty zohy ka novatsiko mofo sy rano.

1Mpanjaka 18:4

fa tamin’ny nandringanan’i Jezebela ny mpaminanin’ny TOMPO, dia mpaminany zato no voavonjin’i Hôbadià rehefa nafeniny nitsinjara dimampolo avy tany anaty zohy ka novatsìny mofo sy rano.

1Mpanjaka 19:10

Dia hoy ny navaliny: –Fatratra loatra ny fitiavako Anao, ry TOMPO Andriamanitr’izao rehetra izao ô, koa tsy tantiko intsony ny nandaozan’ireo Israelita ny fanekempihavananao; ny alitaranao noravany, ny mpaminaninao novonoiny ho faty; ary dia izaho irery ihany no sisa, nefa mbola mitady hahafaty ahy koa izy.

2Mpanjaka 21:10

Koa ny TOMPO dia nampiteny an’ireo mpaminany mpanompony hoe:

2Mpanjaka 21:11

«Satria nahavita izao fanompoan-tsampy maharikoriko izao i Manase mpanjakan’i Joda ka nanao ratsy mihoatra noho ny nataon’ny Amôrita teo alohany sady nampanota ny Jodeanina tamin’ny sampiny,

2Tantara 36:16

Saingy nihomehezan’ny vahoaka ireo irak’Andriamanitra sady nozimbazimbainy ny teniny; noesoesoiny ny mpaminaniny mandra-pihatry ny fahatezeran’ny TOMPO taminy ka tsy nisy fanafany intsony.

Nehemia 9:18

Tamin’ny nanaovany ombilahikely anidina sy nilazany hoe: «Io no andriamanitrao izay nitondra anao niakatra avy tany Ejipta!», dia notevatevainy tokoa Ianao;

Nehemia 9:29

Nanarinao mafy izy hiverina amin’ny lalànao; nefa mbola niavonavona ihany, ka tsy nihaino ny didinao fa nandika ny fitsipikao izay mahavelona ny olona manatanteraka azy. Naneho ditra sy nanamafy ny hatony izy, ary tsy nety nihaino Anao.

Nehemia 9:30

Nandefitra taona maro taminy Ianao, ary ny mpaminaninao, nentanin’ny Fanahinao, no nananaranao azy mafy; fa tsy nety nihaino izy, ka dia natolotrao ho eo an-tanan’ny hafa firenena.

Salamo 50:17

ianareo izay mpankahala anatra sy mpanipy ny teniko any ivoho?

Jeremia 16:11

Ny havalinao kosa dia hoe: ‹Satria nahafoy Ahy ny razanareo ka nifikitra tamin’ny andriamani-kafa ary nanompo azy sy niankohoka teo anatrehany. Teny hentitra avy amiko TOMPO izany. Nahafoy Ahy izy ary tsy nitandrina ny lalànako.

Jeremia 2:30

Nikapoka anareo toy ny zanako Aho, fa tsy nahoanareo akory izany; tsy zaka nanarina ianareo. Tahaka ny liona namiravira no namonoanareo ny mpaminany ho fatin’ny sabatrareo.

Jeremia 2:7

Izaho no nampiditra anareo ho ao amin’ny tany lonaka mba hihinananareo ny vokatra tsara avy aminy; kanjo rehefa tafiditra tao ianareo dia nolotoinareo ny taniko ary ny fananako nametrahanareo zava-maharikoriko.

Jeremia 32:23

Tonga teto tokoa izy ary naka ny tany ho fananany; saingy tsy nihaino izay nolazainao izy, ary tsy nanaraka ny lalànao sady tsy nanatanteraka ny zavatra rehetra nasainao nataony; koa izany no nampiharanao izao loza rehetra izao aminy.

Jeremia 42:19

Dia mbola nampian’i Jeremià hoe: –Ny TOMPO mihitsy no miteny aminareo sisa tavela amin’ny fanjakan’i Joda mba tsy hankany Ejipta. Aoka ho fantatrao tokoa fa vavolombelona aminareo aho androany.

Fitomaniana 3:42

Efa nanota sady nikomy izahay; ary Ianao, Tompo ô, tsy namela heloka anay.

Ezekiela 20:21

Kanjo nikomy tamiko koa ireo zanany. Tsy narahiny ny lalànako ary tsy notandroviny hotanterahina ny fitsipiko izay mahavelona ny olona manatanteraka ireny, sady nozimbazimbainy ny andro sabatako. Koa nihevitra Aho ny hampihatra sy hampitosaka ny fahavinirako amam-pahatezerako aminy any an-taniefitra.

Matio 21:35

Fa nosamborin’ireo mpamboly ny mpiasany ka ny anankiray nokapohiny, ny anankiray novonoiny ary ny anankiray notorahany vato.

Asan’ny Apostoly 7:52

Iza moa no mpaminany tsy nenjehin’ny razanareo? Novonoiny hatramin’ireo mpanambara ny hahatongavan’ilay Marina aza: ary ankehitriny dia ianareo mihitsy no nanjary mpamadika sy mpamono ilay Marina.

Deoteronomia 32:14

novokisany mena-drononon’omby, sy rononon’ondry aman’osy izy, nofahanany henan-janakondry sy ondrilahy matavy aman’osilahy ary notolorany vary tsara indrindra sy ranom-boaloboka ho divay fisotro.

Deoteronomia 32:15

Koa nihinana ny taranak’i Jakôba, ka voky; nihanatavy i Jesoròna, ka namely daka. Eny, tonga natavy izy, vory nofo sy dongadonga ka nandao an’Andriamanitra Izay nanao azy ary nanamavo an’ilay Vatolampy famonjena azy.

Mpitsara 10:6

Ary mbola nanao izay ratsy eo imason’ny TOMPO indray ny Israelita ka nanompo ny Bahala sy Hastarôta andriamani-tsiizy, mbamin’ny andriamanitry ny Sirianina sy ny Tsidônianina na ny andriamanitry Môabita sy ny Hamônita ary ny Filistinina; fa nandao ny TOMPO izy ka tsy nanompo Azy intsony.