Nehemia 9:17 - DIEM PROTESTANTA

¹⁷ ary nandà tsy nety nanaraka izany sady tsy nahatsiaro ny zava-mahagaga nataonao hanasoavana azy; eny, nanamafy ny hatony izy ka nanao di-doha hiverina amin’ny fanandevozana azy tany Ejipta. Fa Andriamanitra mpamela heloka Ianao, Andriamanitra miantra sy mamindra fo, ary mahari-po sady be hatsarampo, ka dia tsy nafoinao ny razanay.

Baiboly Protestanta Malagasy 2011

¹⁷ nandà tsy nety nanaraka izany izy sady tsy nahatsiaro ny fahagagana izay nataonao teo aminy; fa nanamafy ny hatony izy ka nikomy sady izay nanendry mpitarika mba hiverenany ho any amin’ny fahandevozany; kanefa Andriamanitry ny famelan-keloka Ianao ka miantra sy mamindra fo, mahari-po sady be famindrampo ka tsy nahafoy azy.

Dikateny Iombonana Eto Madagasikara

¹⁷ ary nandà tsy nety nanaraka izany sady tsy nahatsiaro ny zava-mahagaga nataonao hanasoavana azy; eny, nanamafy ny hatony izy ka nanao di-doha hiverina amin’ny fanandevozana azy tany Ejipta. Fa Andriamanitra mpamela heloka Ianao, Andriamanitra miantra sy mamindra fo, ary mahari-po sady be hatsarampo, ka dia tsy nafoinao ny razanay.

Baiboly Katolika

¹⁷ Nandà tsy hihaino izy, ary tsy nahatsiaro ny fahagagana nataonao ho fanasoavana azy. Nanamafy ny hatony ary nentin’ny di-dohany dia nanendry mpitarika ho azy izy, mba hiverenany amin’ny fahandevozany. Saingy dia Andriamanitra vonon-kamela heloka Ianao, miantra sy mamindra fo, ary malain-kitezitra, sy tsara fo indrindra, ka tsy nafoinao izy.

Baiboly Protestanta Malagasy

¹⁷ ary nandà tsy nety nanaraka izany izy sady tsy nahatsiaro ny fahagagana izay nataonao teo aminy; fa nanamafy ny hatony izy ka niodina, dia nanendry mpitarika mba hiverenany ho any amin’ny fahandevozany; fa Andriamanitry ny famelan-keloka Hianao ka miantra sy mamindra fo, mahari-po sady be famindrampo, ka dia tsy nahafoy azy.

Malagasy Bible

¹⁷ ary nandà tsy nety nanaraka izany izy sady tsy nahatsiaro ny fahagagana izay nataonao teo aminy; fa nanamafy ny hatony izy ka niodina, dia nanendry mpitarika mba hiverenany ho any amin'ny fahandevozany; fa Andriamanitry ny famelan-keloka Hianao ka miantra sy mamindra fo, mahari-po sady be famindram-po, ka dia tsy nahafoy azy.

La Bible en Malgache

¹⁷ nandà tsy nety nanaraka izany izy sady tsy nahatsiaro ny fahagagana izay nataonao teo aminy; fa nanamafy ny hatony izy ka nikomy sady izay nanendry mpitarika mba hiverenany ho any amin’ny fahandevozany; kanefa Andriamanitry ny famelan-keloka Ianao ka miantra sy mamindra fo, mahari-po sady be famindrampo ka tsy nahafoy azy.

Nehemia 9:17 Rohy Ifampitohizana

1Mpanjaka 6:13

honina ao amin’ny tempoly eto anivon’ny Israelita Aho ary tsy hahafoy ilay Israely vahoakako.

1Mpanjaka 8:57

Koa enga anie ny TOMPO Andriamanitsika mba hiaraka amintsika tahaka izay efa niarahany tamin’ireo razantsika; tsy hahafoy na handao antsika anie Izy,

2Tantara 36:13

Nikomiany aza i Nebokadnetsara mpanjaka izay efa nampianiana azy tamin’Andriamanitra. Nanamafy hatoka sy fo izy mba tsy hiverenany amin’ny TOMPO Andriamanitr’i Israely.

Ezra 9:9

Eny, ry Andriamanitray ô, nandevozina izahay nefa tsy nafoinao na dia izany aza. Notarihinao ny amperôran’i Persia hamindrafo aminay; ka namelombelomany ny ainay izany, nahazoanay nanao ny tranonao sy nanamboatra ny rava, ary nanomezany anay fonenana voaaro eto Jerosalema sy eran’i Joda.

Nehemia 9:31

Be fiantra Ianao ka tsy nandringana ary tsy nahafoy azy, satria Andriamanitra mamindra fo sy miantra Ianao.

Salamo 106:13

Vetivety anefa dia hadinon’ireo razanay ny asa nataon’Andriamanitra ka tsy andriny akory ny fandaharany.

Salamo 106:7

Fony tany Ejipta ny razanay, dia tsy nahatakatra ny asanao mahagaga; tsy nahatsiaro ny halehiben’ny fitiavanao izy, koa teo akaikin’ny Ranomasin’ny Volotara dia nikomy taminao Avo Indrindra.

Salamo 130:4

Kanefa ao aminao ny famelana mba hanajan’ny olona Anao.

Salamo 78:10

Tsy nitandro ny fanekempihavanana nifanaovany tamin’Andriamanitra izy, fa tsy nety hanaraka ny lalànany;

Salamo 78:11

hadinon’ireo ny asa mahery nataony sy ny zava-mahagaga efa nasehony taminy.

Salamo 78:38

Be indrafo anefa Andriamanitra ka namela ny hadisoany ary tsy nandringana azy; nahatsindry hatezerana Izy ary nampitony fahavinirana.

Salamo 86:15

Kanefa Ianao, Tompo ô, dia Andriamanitra mamindrafo sy miantra, mahari-po sady be fitiavana amam-pahamarinana.

Salamo 86:5

Tompo ô, Ianao no tsara fo sady mpamela heloka, be fitia amin’izay rehetra miantso Anao.

Eksodosy 32:9

Ary hoy Izaho TOMPO taminao: «Hitako tsara io vahoaka io fa mafy hatoka.

Ohabolana 1:24

Efa niantso aho fa nolavinareo, efa nanolo-tanana anareo fa tsy nahoanareo.

Jeremia 18:15

Fa ny vahoakako kosa nanadino Ahy, ka nandoro zava-manitra mifangaro tamin’ireo sampy tsinontsinona izay nandavo azy teny an-dalany mba hialany amin’ny lalana mahazatra ary nampandeha azy tamin’ny lalan-kely izay mbola tsy voasoritra akory.

Jeremia 19:15

«Izao no lazain’ny TOMPOn’izao rehetra izao sady Andriamanitr’i Israely: «Indro hataoko tonga amin’ity tanàna ity sy amin’ireo tanàna madinika manodidina azy ny loza rehetra izay nambarako hamelezana azy, satria nanamafy hatoka izy, ka tsy nihaino ny teniko.› »

Jeremia 7:26

Nefa tsy nihaino Ahy ianareo sady tsy niraharaha Ahy fa nanamafy hatoka sy nanao ratsy mihoatra noho ny razanareo aza.

Ezekiela 5:6

Tsy nankatò ny fitsipiko aman-dalàko anefa ny mponin’i Jerosalema fa nanao ratsy mihoatra noho ireo hafa firenena nifanila taminy ary mihoatra noho ireo tany nanodidina azy. Eny, nolaviny ny fitsipiko ary tsy narahiny ny lalànako.

Daniela 9:9

Fa Anao Tompo Andriamanitray kosa ny famindrampo sy ny famelan-keloka, satria efa nikomy taminao izahay.

Joela 2:13

Aza ny fitafianareo ihany no triatriarina fa ny fonareo indrindra no ovay.» Miverena amiko TOMPO Andriamanitrareo: Fa miantra sy mamindrafo Izy mahari-po sady be fitiavana ary mamoy ny loza nandrahonany.

Levitikosy 26:44

Kanefa, na amin’izany fotoana itoerany any amin’ny tanin’ny fahavalony any izany aza, dia tsy holaviko tanteraka izy ary tsy ho halako hataoko lany ringana na ho halako hanapahako ny fanekempihavanako taminy, satria Izaho no TOMPO Andriamaniny.

Nahoma 1:3

Tsy mora tezitra ny TOMPO, nefa lehibe ny heriny, ary tsy avelany ho afa-maina ny meloka. Tafio-drivotra mahery no amin’izay alehan’ny TOMPO; ny rahona no toy ny vovoka apariaky ny dian-tongony.

Nomery 14:11

Dia hoy ny TOMPO tamin’i Mosesy: –Mandra-pahoviana no hanamavoan’ity vahoaka ity Ahy? Ary mandra-pahoviana no handavany tsy hino Ahy, na dia teo aza ny famantarana rehetra izay nataoko teo aminy?

Nomery 14:41

Fa hoy i Mosesy hoe: –Inona no anton’izao? Mandika ny baikon’ny TOMPO ianareo ka tsy hahomby amin’izany mihitsy!

Nomery 16:14

Tsy tany tondra-dronono sy tantely akory no nitondranao anay ary tsy saha na tanimboaloboka akory koa no nomenao ho fanananay! Heverinao ho poa-maso angaha ireo olona ireo? Tsia, tsy ho any izahay!

Asan’ny Apostoly 7:39

Tsy te hanoa an’i Mosesy anefa ny razantsika fa nanohitra azy ary naniry hiverina ilalana ho any Ejipta indray.

Romana 9:15

Fa izao no lazain’Andriamanitra amin’i Mosesy: «Hamindra fo amin’izay tiako hamindrana fo aho; ary hiantra an’izay tiako hiantrana!»

Hebreo 12:25

Mitandrema àry! Aza manentsin-tadîny amin’izay miteny aminareo. Fa raha tsy afa-nandositra ireo nanentsin-tadîny tamin’ilay nilaza hafatr’Andriamanitra taminy teto an-tany, mainka fa isika raha miala amin’Ilay miteny amintsika avy any an-danitra.

1Samoela 12:22

Fa tsy handao anareo ny TOMPO noho ny fitandroany ny voninahiny, satria efa sitrany ny nanao anareo ho vahoakany.