Nehemia 9:16 - DIEM PROTESTANTA

¹⁶ Kanjo niavonavona ireo razanay ireo, dia nanamafy ny hatony izy ka tsy nihaino ny didinao

Baiboly Protestanta Malagasy 2011

¹⁶ Nefa niavonavona ireny razanay ireny ka nanamafy ny hatony ary tsy nihaino ny didinao;

Dikateny Iombonana Eto Madagasikara

¹⁶ Kanjo niavonavona ireo razanay ireo, dia nanamafy ny hatony izy ka tsy nihaino ny didinao

Baiboly Katolika

¹⁶ «Kanjo ny razanay, latsaka am-piavonavonana izy ireo ka nanamafy ny hatony ka tsy nihaino ny didinao.

Baiboly Protestanta Malagasy

¹⁶ Fa niavonavona ireny razanay ireny, dia nanamafy ny hatony ka tsy nihaino ny didinao,

Malagasy Bible

¹⁶ Fa niavonavona ireny razanay ireny, dia nanamafy ny hatony ka tsy nihaino ny didinao,

La Bible en Malgache

¹⁶ Nefa niavonavona ireny razanay ireny ka nanamafy ny hatony ary tsy nihaino ny didinao;

Nehemia 9:16 Rohy Ifampitohizana

2Mpanjaka 17:14

Nefa tsy nihaino izany izy roa tonta fa nanamafy hatoka tahaka ireo razany izay tsy nino ny TOMPO Andriamaniny.

2Tantara 29:6

Fa nivadika tamin’ny TOMPO Andriamanitsika ny razantsika sy nanao izay ratsy eo imasony ary nandao Azy; niamboho ny TOMPO ireo ka tsy niatri-maso ny fonenany intsony.

2Tantara 30:8

Koa aza manamafy hatoka toy ny nataon’ny razanareo ianareo, fa manomeza toky hanompo ny TOMPO ka tongava ao amin’ny tempoliny izay efa natokany hanan-kasina mandrakizay; eny, manompoa ny TOMPO Andriamanitrareo mba hialan’ny fahatezerany mirehitra aminareo.

2Tantara 36:13

Nikomiany aza i Nebokadnetsara mpanjaka izay efa nampianiana azy tamin’Andriamanitra. Nanamafy hatoka sy fo izy mba tsy hiverenany amin’ny TOMPO Andriamanitr’i Israely.

Nehemia 9:10

dia nanao famantarana sy fahagagana Ianao hamelezana ny Farao sy ny mpanompony rehetra ary ny olona rehetra teo amin’ny taniny, satria fantatrao fa nianjonanjona tamin’ny razanay ry zareo. Nahazoanao laza izany tahaka izay hita amin’izao anio izao.

Nehemia 9:29

Nanarinao mafy izy hiverina amin’ny lalànao; nefa mbola niavonavona ihany, ka tsy nihaino ny didinao fa nandika ny fitsipikao izay mahavelona ny olona manatanteraka azy. Naneho ditra sy nanamafy ny hatony izy, ary tsy nety nihaino Anao.

Salamo 106:6

Efa nanota toy ny razanay izahay, eny, efa nivoana sy nanao ratsy.

Salamo 81:8

Fony noporetina ianareo, dia niantso Ahy ka nafahako; novaliako tao anaty kotrokorana ianareo ary nozahako toetra teo amin’ny ranon’i Meribà. Fiatoana

Eksodosy 15:26

Hoy Izy taminy: «Raha ankatoavinareo tokoa Aho TOMPO Andriamanitrareo, ka ataonareo izay heveriko ho marina, raha henoinareo ny didiko, ka tandremanareo ny fitsipiko dia tsy hisy hataoko aminareo ny aretina rehetra izay namelezako ny Ejiptianina, satria Izaho no TOMPO Izay manasitrana anareo.»

Eksodosy 32:9

Ary hoy Izaho TOMPO taminao: «Hitako tsara io vahoaka io fa mafy hatoka.

Ohabolana 29:1

Izay mafy hatoka tsy laitra anarina dia ho montsana tampoka tsy hisy fanafana.

Isaia 48:18

Raha mba nihaino tsara ny didiko manko ianao, dia ho nikoriana toy ny ony ny fiadananao; ary ho toy ny onjan-dranomasina no fiavin’ny fanafahana anao!

Isaia 48:4

Saingy fantatro fa maditra ianareo; miridiridy toy ny hoza-by ny hatokareo ary mafy toy ny varahina ny handrinareo.

Isaia 63:10

Saingy nikomy tamin’ny Tompo ireo ka nanome alahelo ny Fanahiny Masina; dia tonga fahavalon’ireo Izy sady niady taminy mihitsy.

Jeremia 19:15

«Izao no lazain’ny TOMPOn’izao rehetra izao sady Andriamanitr’i Israely: «Indro hataoko tonga amin’ity tanàna ity sy amin’ireo tanàna madinika manodidina azy ny loza rehetra izay nambarako hamelezana azy, satria nanamafy hatoka izy, ka tsy nihaino ny teniko.› »

Jeremia 2:31

Aoka hodinihinareo ny tenin’ny TOMPO ry taranaka ankehitriny! Moa ve efa nanjary mahatahotra toy ny taniefitra na toy ny tany ao anaty haizina Aho, ry Israely? Ry vahoakako, nahoana no ilazanareo hoe: «Efa afaka izahay ka tsy hiverina aminao intsony?»

Jeremia 7:26

Nefa tsy nihaino Ahy ianareo sady tsy niraharaha Ahy fa nanamafy hatoka sy nanao ratsy mihoatra noho ny razanareo aza.

Ezekiela 5:6

Tsy nankatò ny fitsipiko aman-dalàko anefa ny mponin’i Jerosalema fa nanao ratsy mihoatra noho ireo hafa firenena nifanila taminy ary mihoatra noho ireo tany nanodidina azy. Eny, nolaviny ny fitsipiko ary tsy narahiny ny lalànako.

Asan’ny Apostoly 7:51

Olona mafy hatoka, mpikomy sady mpanetsin-tadîny ianareo! Toherinareo lalandava ny Fanahy Masina; dia ny razanareo navela mihitsy ianareo.

Romana 2:5

Maditra ianao ary tsy mety mamerina ny fonao aminy, ka dia fahatezeran’Andriamanitra no avosanao ho an’ny tenanao. Fa ho avy ny andro hampisehoan’Andriamanitra ny fahatezerany sy hitsarany an-karihary ny olombelona ara-drariny,

Deoteronomia 31:27

Fantatro fa maditra sy mafy hatoka ireo; izao ankehitriny mbola velona eto aminy izao aza aho, dia efa nikomy tamin’ny TOMPO ireo, ka mainka rehefa maty aho.

Deoteronomia 32:15

Koa nihinana ny taranak’i Jakôba, ka voky; nihanatavy i Jesoròna, ka namely daka. Eny, tonga natavy izy, vory nofo sy dongadonga ka nandao an’Andriamanitra Izay nanao azy ary nanamavo an’ilay Vatolampy famonjena azy.

Deoteronomia 5:29

Enga anie io vahoaka io mba ho tapa-kevitra mandrakariva toy izany hanaja Ahy sy hitandrina ny didiko rehetra, mba ho sambatra hatrany hatrany izy sy ny taranany.

Deoteronomia 9:13

Dia hoy koa ny TOMPO tamiko: «Efa hitako fa vahoaka mafy hatoka ity vahoaka ity!

Deoteronomia 9:27

Tsarovy i Abrahama sy i Itsehàka ary i Jakôba mpanomponao; fa aza jerenao ny ditran’ity vahoaka ity na ny haratsiam-panahiny na ny fahotany,

Deoteronomia 9:6

Koa aoka ho fantatrareo fa tsy ny fahamarinanareo no anomezan’ny TOMPO Andriamanitrareo izany tany soa izany ho fanananareo. Vahoaka mafy hatoka manko ianareo.

Hebreo 3:13

Fa aoka ianareo hifampirisika isan’andro, dieny mbola misy ny hoe «anio» lazain’ny Soratra Masina, mba tsy hisy ho voafitaky ny fahotana ianareo ka ho tonga mafy fo.

Hebreo 3:15

Izao no lazain’ny Soratra Masina: «Anio, raha renareo ny feon’Andriamanitra, dia aza hamafisina ny fonareo, tahaka ny tamin’ny niodinan’ny razanareo tamin’Andriamanitra.»