Nehemia 8:1 - DIEM PROTESTANTA

^1-2 Dia nivory toy ny olona iray ihany; teo amin’ny kianja anoloan’ny Vavahadin’ny Rano no nivoriany tamin’ny andro voalohan’io volana io. Nasain’ny vahoaka nalain’i Hezrà mpahay Lalàna ny bokin’ny Lalàn’i Mosesy, izay nandidian’ny TOMPO an’ireo Israelita. Dia nentin’i Hezrà mpisorona izany ho eo anatrehan’ny Fiangonana izay nahitana ny lehilahy sy ny vehivavy ary ny zaza rehetra efa mahahaino.

Baiboly Protestanta Malagasy 2011

¹ Dia nivory tahaka ny olona iray ho eo amin’ny toerana malalaka teo anoloan’ny vavahadin-drano izy rehetra; ary niteny tamin’i Ezra mpanoradalàna izy mba hoentiny ny bokin’ny lalànan’i Mosesy izay nandidian’NY TOMPO ny Israely.

Dikateny Iombonana Eto Madagasikara

^1-2 Dia nivory toy ny olona iray ihany; teo amin’ny kianja anoloan’ny Vavahadin’ny Rano no nivoriany tamin’ny andro voalohan’io volana io. Nasain’ny vahoaka nalain’i Hezrà mpahay Lalàna ny bokin’ny Lalàn’i Mosesy, izay nandidian’ny TOMPO an’ireo Israelita. Dia nentin’i Hezrà mpisorona izany ho eo anatrehan’ny Fiangonana izay nahitana ny lehilahy sy ny vehivavy ary ny zaza rehetra efa mahahaino.

Baiboly Katolika

¹ Nony tonga ny volana fahafito, ka efa tafapetraka amin’ny tanànany avy ny zanak’i Israely, dia nivory toy ny olona iray ihany ny vahoaka rehetra, teo amin’ny kianja anoloan’ny vavahadin’ny Rano. Ary efa nilazan’izy ireo i Esdrasa mpanora-dalàna, mba hitondra ny bokin’ny lalàn’i Môizy, izay nandidian’i Iaveh an’i Israely.

Baiboly Protestanta Malagasy

¹ Dia nivory tahaka ny olona iray izy rehetra ho eo an-kalalahana teo anoloan’ny vavahadin-drano; ary niteny tamin’i Ezra mpanora-dalàna izy mba ho entiny ny bokin’ny lalàn’i Mosesy izay nandidian’i Jehovah ny Isiraely.

Malagasy Bible

¹ Ary rehefa tonga ny volana fahafito, dia samy tany an-tanànany avy ny Zanak'Isiraely. Dia nivory tahaka ny olona iray izy rehetra ho eo an-kalalahana teo anoloan'ny vavahadin-drano; ary niteny tamin'i Ezra mpanora-dalàna izy mba ho entiny ny bokin'ny lalan'i Mosesy izay nandidian'i Jehovah ny Isiraely.

La Bible en Malgache

¹ Dia nivory tahaka ny olona iray ho eo amin’ny toerana malalaka teo anoloan’ny vavahadin-drano izy rehetra; ary niteny tamin’i Ezra mpanoradalàna izy mba hoentiny ny bokin’ny lalànan’i Mosesy izay nandidian’NY TOMPO ny Israely.

Nehemia 8:1 Rohy Ifampitohizana

2Mpanjaka 23:2

Dia niaraka nankao an-tranon’ny TOMPO ireo mbamin’ny mponina rehetra tao Jerosalema sy Joda, izany hoe ny mpisorona sy ny mpaminany ary ny sarambabem-bahoaka rehetra na kely na lehibe. Novakin’ny mpanjaka teo anatrehan’ny besinimaro ny teny rehetra tao anatin’ny bokin’ny fanekempihavanana, dia ilay boky izay hita tao an-tranon’ny TOMPO.

2Tantara 34:15

I Safàna mpanoratra no nitenenan’i Hilkià ka nilazany fa ny Bokin’ny Lalàna dia hitany tao an-tranon’ny TOMPO. Dia natolotr’i Hilkià an’i Safàna ny boky;

2Tantara 34:30

Dia niaraka nankao an-tranon’ny TOMPO ireo mbamin’ny lehilahy rehetra sy ny mponina rehetra tao Jerosalema, izany hoe ny mpisorona sy ny levita ary ny sarambabem-bahoaka rehetra na kely na lehibe. Novakin’i Jôsià teo anatrehan’ny besinimaro ny teny rehetra tao anatin’ny bokin’ny fanekempihavanana, dia ilay boky izay hita tao an-tranon’ny TOMPO.

Ezra 7:1

Tatỳ aoriana, tamin’ny andro nanjakàn’i Artakserksesa amperôran’i Persia, no nipoiran’i Hezrà. Io Hezrà io dia zanakalahin’i Seraià sy zafin’i Hazarià sy zafiafin’i Hilkià

Ezra 7:10

I Hezrà manko dia efa niorim-po hianatra ny lalànan’ny TOMPO sy hanatanteraka azy ary hampianatra ny didy amam-pitsipika raketiny.

Ezra 7:11

Izao no kôpian’ilay taratasy nomen’i Artakserksesa an’i Hezrà mpisorona izay mpahay lalàna fatra-pahalala ny antsipirian’ireo didy aman-dalàn’ny TOMPO ho an’i Israely:

Ezra 7:6

Niakatra avy tany Babilôna i Hezrà; mpahay lalàna izy, ka fatra-pahalala tokoa ny lalàna izay nampitain’ny TOMPO Andriamanitr’i Israely tamin’i Mosesy. Nomen’ny amperôra an’i Hezrà avokoa izay rehetra nangatahiny, noho izy nombàn’ny herin’Ilay TOMPO Andriamaniny.

Nehemia 12:26

Ireo no nisahana izany asa izany tamin’ny andron’i Jôiakima zanakalahin’i Jesoa sy zafin’i Jôtsadàka, ary tamin’ny andron’i Nehemià governora sy i Hezrà mpisorona sady mpahay lalàna.

Nehemia 12:37

Nony tonga teo amin’ny Vavahadin’ny Loharano ry zareo, dia niatrika ny ambaratongan’ny Tanànan’i Davida; teo amin’ny manda ihany no niakatra izany izy ka nanjary lasa ambonin’ny tranon’i Davida, ary tafapaka hatreny amin’ny Vavahadin-drano eo atsinanana.

Nehemia 3:26

sy ireo mpanampy ny levita nitoetra tao Hôfela no namboatra laniny tafapaka amin’ny tilikambo mandroso, izany hoe eo atsinanan’ny Vavahadin-drano.

Nehemia 8:16

Dia nandeha naka rantsan-kazo ny Israelita ka samy nanao tranotomboka ho azy teo an-tampon-tranony na teo an-tokotaniny na teo an-kianjan’ny tranon’Andriamanitra na teo an-kalalahana akaikin’ny Vavahadin’ny Rano, na teo an-kalalahana akaikin’ny Vavahadin’i Efraîma.

Nehemia 8:3

Nanomboka ny maraina ka mandra-pahatongan’ny mitataovovonana, dia teo amin’ny kianja anoloan’ny Vavahadin’ny Rano i Hezrà ka namaky ny boky; ary nampandry sofina hihaino izany avokoa ny olona.

Isaia 8:20

Izao kosa no havalinareo izany: «Ao amin’ny fampianarana sy ny hafatry ny TOMPO ihany no tsy maintsy hiverenana.» Fa izay tsy miteny araka izany baiko izany dia tsy hiposahan’ny taratry ny maraina.

Levitikosy 9:5

Rehefa nentina teo anoloan’ny Tranolay fihaonana ny zavatra nandidian’i Mosesy, dia nanatona ny Fiangonan’ny Israelita tsivakivolo ka nijanona teo anatrehan’ny Toeramasin’ny TOMPO.

Matio 13:52

Dia hoy indray i Jesoa taminy: –Koa amin’izany àry, ny mpahay lalàna rehetra izay nanjary mpianatra ao amin’ny Fanjakàn’ny lanitra dia tahaka ny tompon-drakitra izay mamoaka zava-baovao sy tranainy avy amin’ny tahirin-drakiny.

Matio 23:13

–Mampalahelo ianareo, ry mpahay lalàna sy Farisianina mpihatsaravelatsihy! Fa hidianareo eo anoloan’ny olona ny vavahady mankao amin’ny Fanjakàn’ny lanitra; ka ianareo tsy miditra, ary izay te hiditra tsy avelanareo hiditra. [

Matio 23:2

nanao hoe: –Nomena fahefana hivaofy ny lalànan’i Mosesy ny mpahay lalàna sy ny Farisianina.

Matio 23:34

Noho izany, indro Aho maniraka mpaminany sy olon-kendry ary mpahay lalàna ho atỳ aminareo; ka ny sasany amin’ireny hovonoinareo sy hohomboanareo amin’ny hazofijaliana, ary ny sasany hokapohinareo any amin’ny sinagôganareo sy hoenjehinareo isan-tanàna.

Mpitsara 20:1

Dia niainga ny Israelita rehetra ary tafangona toy ny olona iray izy hatrany Dana ka hatrany Beera-Seba sy hatrany amin’ny faritr’i Gilehada no nivory teo anatrehan’ny TOMPO tao Mitsepà.

Mpitsara 20:8

Dia nitsangana toy ny olona iray ihany ny vahoaka rehetra ka nanao hoe: –Tsy hisy olona hiverina any an-dainy na hody any an-tranony isika.