Nehemia 7:4 - DIEM PROTESTANTA

⁴ Malalaka sy lehibe ny tanànan’i Jerosalema, nefa vitsy mponina sady tsy mbola voaorina indray ny trano.

Baiboly Protestanta Malagasy 2011

⁴ Malalaka sy lehibe moa ny tanàna, nefa vitsy olona sady tsy mbola vita ny trano.

Dikateny Iombonana Eto Madagasikara

⁴ Malalaka sy lehibe ny tanànan’i Jerosalema, nefa vitsy mponina sady tsy mbola voaorina indray ny trano.

Baiboly Katolika

⁴ Sady malalaka no lehibe ny tanàna, nefa vitsy ny mponina eo afovoany, sady mbola tsy voaorina indray ny trano.

Baiboly Protestanta Malagasy

⁴ ARY malalaka sy lehibe ny tanàna, nefa vitsy olona, sady tsy mbola vita ny trano.

Malagasy Bible

⁴ Ary malalaka sy lehibe ny tanàna, nefa vitsy olona, sady tsy mbola vita ny trano.

La Bible en Malgache

⁴ Malalaka sy lehibe moa ny tanàna, nefa vitsy olona sady tsy mbola vita ny trano.

Nehemia 7:4 Rohy Ifampitohizana

Nehemia 11:1

Niorim-ponenana tao Jerosalema ireo lehiben’ny vahoaka; ary nanaovana antsapaka ny vahoaka sisa mba hahatonga ny ampahafolony honina ao Jerosalema tanàna masina, fa ny sivy toko kosa dia ho any amin’ny tanàna hafa.

Nehemia 11:2

Nisaoran’ny vahoaka manokana ny lehilahy rehetra izay nanolo-tena honina ao Jerosalema.

Nehemia 7:3

Ka hoy aho tamin’ireo: –Aza avela hovohana ny vavahadin’i Jerosalema mandra-pahafanan’ny andro; ary ny hariva, dieny mbola eo ny mpiambina no aoka hanidiana ny vavahady sy hametrahana ny barany. Aoka hanendrena mpiambina avy amin’ny mponina eto Jerosalema ka samy hatao amin’ny anjara toerany sy tandrifin’ny tranony avy.

Nehemia 7:5

Ka nomen’Andriamanitro hevitra aho hamory ny loholona sy mpanapaka mbamin’ny vahoaka mba hakana ny isany. Ary hitako ny boky nanoratana ny lisitr’ireo tafaverina voalohany avy any an-tsesitany, ka izao no hitako voasoratra tao:

Isaia 58:12

Noho ny ezakao, dia haorina indray ireo zavatra rava fahiny ary hatsangana indray ny fanorenana izay efa nilaozana hatry ny elabe; ary ianao dia hantsoina hoe: «Vahoaka mpamboatra ny manda simba sy mpamelona ny lalankely efa maty mba ho tsara honenana ao an-tanàna.»

Matio 6:33

Nefa katsaho aloha ny Fanjakàn’Andriamanitra sy ny hanao ny marina nosoritany, dia homeny anareo ho fanampiny ireny rehetra ireny.