Nehemia 2:8 - DIEM PROTESTANTA

⁸ Aoka hisy taratasy homena ahy koa ho an’i Asafa mpiandraikitra ny alam-panjakana mba hanomezany hazo ahy hatao amin’ny varavaran’ny trano fiarovana manolotra ny tempoly sy amin’ny mandan’ny tanàna ary amin’ny trano hitoerako. Dia nomen’ny amperôra ahy ireo taratasy ireo, araka ny fiarovana nanambinan’Andriamanitra ahy.

Baiboly Protestanta Malagasy 2011

⁸ omena taratasy ho an’i Asafa mpitandrina ny alan’ny mpanjaka koa mba hanomezany hazo hanaovako ny vavahadin’ny manda izay momba ny Trano sy hanaovako ny mandan’ny tanàna ary ny trano izay hitoerako. Dia nomen’ny mpanjaka ahy izany araka ny soa nataon’ny tanan’Andriamanitro tamiko.

Dikateny Iombonana Eto Madagasikara

⁸ Aoka hisy taratasy homena ahy koa ho an’i Asafa mpiandraikitra ny alam-panjakana mba hanomezany hazo ahy hatao amin’ny varavaran’ny trano fiarovana manolotra ny tempoly sy amin’ny mandan’ny tanàna ary amin’ny trano hitoerako. Dia nomen’ny amperôra ahy ireo taratasy ireo, araka ny fiarovana nanambinan’Andriamanitra ahy.

Baiboly Katolika

⁸ ary taratasy anankiray koa ho an’i Asafa mpitandrina ny alan’ny mpanjaka, mba hanomezany hazo ahy, hanaovako sakamandimby hatao amin’ny varavaran’ny trano mimanda manolotra ny tempoly sy hatao amin’ny mandan’ny tanàna, mbamin’ny trano hihatahako.» Dia nomen’ny mpanjaka ahy izany, fa momba ahy ny tanana manambin’ny Andriamanitro.

Baiboly Protestanta Malagasy

⁸ sy taratasy ho amin’i Asafa, mpitandrina ny alan’ny mpanjaka, mba hanomezany hazo hanaovako ny vavahadin’ny lapa izay momba ny tempoly sy hanaovako ny màndan’ny tanàna sy ny trano izay hitoerako. Dia nomen’ny mpanjaka ahy izany araka ny soa nataon’ny tànan’Andriamanitro tamiko.

Malagasy Bible

⁸ sy taratasy ho amin'i Asafa, mpitandrina ny alan'i ny mpanjaka mba hanomezany hazo hanaovako ny vavahadin'ny lapa izay momba ny tempoly sy hanaovako ny mandan'ny tanàna sy ny trano izay hitoerako. Dia nomen'ny mpanjaka ahy izany araka ny soa nataon'ny tànan'Andriamanitro tamiko.

La Bible en Malgache

⁸ omena taratasy ho an’i Asafa mpitandrina ny alan’ny mpanjaka koa mba hanomezany hazo hanaovako ny vavahadin’ny manda izay momba ny Trano sy hanaovako ny mandan’ny tanàna ary ny trano izay hitoerako. Dia nomen’ny mpanjaka ahy izany araka ny soa nataon’ny tanan’Andriamanitro tamiko.

Nehemia 2:8 Rohy Ifampitohizana

Genesisy 32:28

Dia nanontany izy hoe: –Iza moa no anaranao? Ka hoy ny navaliny azy: –Jakôba.

Ezra 5:5

Saingy nitsinjo an’ireto loholona jiosy hatrany Ilay Andriamaniny; ka tsy nahasakana azy hanohy ny asa ry i Tatenay sy ny namany, mandra-pahatongan’ny tatitra tany amin’i Dariôsa sy nahazoana taratasy ôfisialy momba izany toe-javatra izany.

Ezra 6:22

Tamim-pifaliana no nanaovan’ireo Israelita ny fankalazana ny mofo tsy misy leviora nandritra ny fito andro. Fa nampifaly azy tokoa ny TOMPO noho Izy nampiova ny amperôra hamindrafo amin’ny Israelita; izany rahateo no nampahery azy tamin’ny asa momba ny tranon’Andriamanitra, dia Ilay Andriamanitr’i Israely.

Ezra 6:8

Izao no didy avoakako ho anareo any amin’izay tokony hataonareo amin’ireo loholona jiosy hanorenany indray izany trano izany: aoka ny haren’ny amperôra, dia ny hetra avy amin’ny faritra andrefan’ny ony no handoavana izay lany marina ho an’ireo lehilahy ireo mba tsy hiatoatoan’ny asa.

Ezra 7:6

Niakatra avy tany Babilôna i Hezrà; mpahay lalàna izy, ka fatra-pahalala tokoa ny lalàna izay nampitain’ny TOMPO Andriamanitr’i Israely tamin’i Mosesy. Nomen’ny amperôra an’i Hezrà avokoa izay rehetra nangatahiny, noho izy nombàn’ny herin’Ilay TOMPO Andriamaniny.

Ezra 7:9

Ny andro voalohan’ny volana voalohany no niaingan’i Hezrà avy tany Babilôna; ary ny andro voalohan’ny volana fahadimy no nahatongavany tao Jerosalema noho ny fiarovana mahery nombàn’Andriamanitra azy.

Nehemia 7:2

Notendreko hitantana an’i Jerosalema i Hanany rahalahiko sy i Hananià, lehiben’ny tranomimanda, izay lehilahy mahatoky sady matahotra an’Andriamanitra mihoatra noho ny maro.

Ohabolana 21:1

Ny fon’ny mpanjaka dia toy ny rano mikoriana izay tarihin’ny tanan’ny TOMPO amin’izay tiany.

Mpitoriteny 2:5

Nanao zaridaina sy saha aho ary namboly hazo fihinam-boa isan-karazany.

Mpitoriteny 2:6

Nanamboatra lavaka famorian-drano aho mba hahafahana manondraka ny alan-jana-kazo.

Isaia 66:14

Dia ho tsapanareo amin’izany fa ho dibo-kafaliana ny fonareo, ary ny taolanareo efa maina hahazo hery indray tahaka ny ahitra mirobona.» Hataon’ny TOMPO fantatr’ireo mpanompo Azy ny fahefàny; fa ho tezitra kosa amin’ny fahavalony Izy.

Daniela 1:9

Ary nataon’Andriamanitra nahazo fitia sy indrafo teo anatrehan’ny lehiben’ny tandapa i Daniela.

Asan’ny Apostoly 26:22

Fa niaro ahy Andriamanitra mandraka androany ka mbola intỳ aho eto, mba hijoro ho vavolombelona amin’ny olona rehetra na ny kely na ny lehibe. Izay nambaran’ny mpaminany sy i Mosesy fa ho avy no hany lazaiko izao:

Asan’ny Apostoly 7:10

ka nafahany tamin’ny fahoriana rehetra ary nataony mamy hoditra sy nomeny fahendrena teo anatrehan’ny Farao, mpanjakan’i Ejipta. Dia notendren’ny Farao ho mpifehy an’i Ejipta sy ny tao an-dapany rehetra i Jôsefa.

2Korintiana 8:16

Hisaorana anie Andriamanitra Izay nahatonga an’i Tito ho mazoto miasa ho anareo tahaka ny ataonay koa!