Nehemia 12:47 - DIEM PROTESTANTA

⁴⁷ Ary tamin’ny andron’i Zerobabela sy i Nehemià, dia nomen’ny Israelita rehetra isan’andro ny anjaran’ny mpihira sy ny mpiandry varavarana; nomeny koa ny fanatitra voatokana ho an’ny levita, ary ny levita kosa indray no nanome ny fanatitra voatokana ho an’ny mpisorona taranak’i Aharôna.

Baiboly Protestanta Malagasy 2011

⁴⁷ Ny Israely rehetra, tamin’ny andron’i Zerobabela sy i Nehemia, dia nanome koa ny anjaran’ny mpihira sy ny mpiandry varavarana, izany hoe ny anjarany isanandro; ary nanokana izay ho an’ny levita koa izy; ny levita kosa indray dia nanokana izay ho an’ny taranak’i Arona.

Dikateny Iombonana Eto Madagasikara

⁴⁷ Ary tamin’ny andron’i Zerobabela sy i Nehemià, dia nomen’ny Israelita rehetra isan’andro ny anjaran’ny mpihira sy ny mpiandry varavarana; nomeny koa ny fanatitra voatokana ho an’ny levita, ary ny levita kosa indray no nanome ny fanatitra voatokana ho an’ny mpisorona taranak’i Aharôna.

Baiboly Protestanta Malagasy

⁴⁷ Ary ny Isiraely rehetra tamin’ny andron’i Zerobabela sy Nehemia nanome ny anjaran’ny mpihira sy ny mpiandry varavarana, dia ny anjarany isan-andro; ary nanokana izay ho an’ny Levita izy; ary ny Levita kosa nanokana izay ho an’ny taranak’i Arona.

Malagasy Bible

⁴⁷ Ary ny Isiraely rehetra tamin'ny andron'i Zerobabela sy Nehemia nanome ny anaran'ny mpihira sy ny mpiandry varavarana, dia ny anjarany isan'andro; ary nanokana izay ho an'ny Levita izy; ary ny Levita kosa nanokana izay ho an'ny taranak'i Arona.

La Bible en Malgache

⁴⁷ Ny Israely rehetra, tamin’ny andron’i Zerobabela sy i Nehemia, dia nanome koa ny anjaran’ny mpihira sy ny mpiandry varavarana, izany hoe ny anjarany isanandro; ary nanokana izay ho an’ny levita koa izy; ny levita kosa indray dia nanokana izay ho an’ny taranak’i Arona.

Nehemia 12:47 Rohy Ifampitohizana

2Mpanjaka 25:30

Izany koa no nahazoan’i Jôiakina tamin’ny mpanjakan’i Babilôna ny zavatra nilainy araka ny sahaza azy isan’andro mandra-pahafatiny.

2Mpanjaka 7:10

Dia niverina tany an-tanàna izy ka niantso ny mpiambina vavahady sady nilaza taminy hoe: –Tonga tany an-tobin’ny Sirianina izahay; fa tsy misy olona intsony ao sady tsy nandrenesana feon’olona akory. Tsy nisy afa-tsy soavaly sy boriky mifatotra ary lay nilaozana fotsiny.

Ezra 2:2

ireo no nandeha niaraka tamin’ireto mpitarika azy ireto, dia ry i Zerobabela, i Jesoa, i Nehemià, i Seraià, i Relaià, i Môrdôkay, i Bilsàna, i Mispara, i Bigvay, i Rehoma, ary i Bahanà. Izao kosa no isan’ny vatan-dehilahy tao anatin’izany andian’Israelita izany:

Nehemia 11:23

Fa nisy didin’ny mpanjaka ny amin’ireo mpihira ireo, dia ny handraiketana izay anjara asa hataony isan’andro.

Nehemia 12:1

Ireto no mpisorona sy levita izay niverina avy any an-tsesitany niaraka tamin’i Zerobabela zanakalahin’i Sealtiela sy niaraka tamin’i Jesoa: I Seraià sy i Jeremià ary i Hezrà,

Nehemia 12:12

Tamin’ny andro naha mpisorombe an’i Jôiakima, dia ireto avy ny mpisorona loham-pianakaviana: i Meraià ho an’ny fianakavian’i Seraià; i Hananià ho an’ny fianakavian’i Jeremià;

Nehemia 12:26

Ireo no nisahana izany asa izany tamin’ny andron’i Jôiakima zanakalahin’i Jesoa sy zafin’i Jôtsadàka, ary tamin’ny andron’i Nehemià governora sy i Hezrà mpisorona sady mpahay lalàna.

Galatiana 6:6

Aoka izay ampianarina ny tenin’Andriamanitra mba hanome ampahany amin’ny fananany rehetra ho an’izay mampianatra azy.

Deoteronomia 18:8

Ary anjara mitovy amin’ny an’ireo ihany no ho fihinany, na dia misy aza izay azony tamin’ny fivarotana ny fananan-drainy.