Nehemia 10:37 - DIEM PROTESTANTA

³⁷ nekenay hoentina ny lahimatoanay sy ny voalohan-teraky ny biby fiompinay ka harosonay amin’ny mpisorona izay manao ny fanompoana.

Baiboly Protestanta Malagasy 2011

³⁷ ary ny lahimatoanay sy ny voalohan-teraky ny biby fiompinay, araka izay voasoratra ao amin’ny lalàna, ary ny voalohan-teraky ny ombinay sy ny ondry aman’osinay, dia nekenay hoentina ho ao amin’ny tranon’Andriamanitsika, ho an’ny mpisorona izay manao fanompoam-pivavahana ao amin’ny tranon’Andriamanitsika;

Dikateny Iombonana Eto Madagasikara

³⁷ nekenay hoentina ny lahimatoanay sy ny voalohan-teraky ny biby fiompinay ka harosonay amin’ny mpisorona izay manao ny fanompoana.

Baiboly Katolika

³⁷ hitondra ho ao an-tranon’ny Andriamanitsika, amin’ny mpisorona manao ny fanompoana ao an-tranon’ny Andriamanitsika, ny lahy matoanay sy ny voalohan-teraky ny biby fiompinay, araka ny voasoratra ao amin’ny lalàna, ary ny voalohan-teraky ny omby aman’ondrinay.

Baiboly Protestanta Malagasy

³⁷ ary ny lahimatoanay sy ny voalohan-teraky ny biby fiompinay, araka izay voasoratra ao amin’ny lalàna, ary ny voalohan-teraky ny ombinay sy ny ondry aman-osinay dia nekenay ho entina ho ao an-tranon’Andriamanitsika, ho an’ny mpisorona izay manao fanompoam-pivavahana ao an-tranon’Andriamanitsika;

Malagasy Bible

³⁷ ary ny lahimatoanay sy ny voalohan-teraky ny biby fiompinay, araka izay voasoratra ao amin'ny lalàna, ary ny voalohan-teraky ny ombinay sy ny ondry aman'osinay dia nekenay hohentina ho an-tranon'i Jehovah Andriamanitsika, ho an'ny mpisorona izay manao fanompoam-pivavahana ao an-tranon'Andriamanitsika;

La Bible en Malgache

³⁷ ary ny lahimatoanay sy ny voalohan-teraky ny biby fiompinay, araka izay voasoratra ao amin’ny lalàna, ary ny voalohan-teraky ny ombinay sy ny ondry aman’osinay, dia nekenay hoentina ho ao amin’ny tranon’Andriamanitsika, ho an’ny mpisorona izay manao fanompoam-pivavahana ao amin’ny tranon’Andriamanitsika;

Nehemia 10:37 Rohy Ifampitohizana

2Tantara 31:6

Ny mponin’ireo tanànan’i Joda, na Israelita tavaratra na Jodeanina, dia nitondra koa ny fahafolon-karena tamin’ny omby sy ondry aman’osy ary ny fahafolon-karena tamin’ny vokatry ny tany isan-karazany; nentiny avokoa ny zavatra voatokana ho an’ny TOMPO ary navosany nitsitokotoko maro ireny.

Nehemia 13:10

Reko ihany koa fa tsy voaloa ny fiveloman’ny levita; ka dia samy efa nandositra ho any an-tsahany avy ireo levita, toy izay hanao ny raharaha fanompoany. Toy izany koa no nihatra tamin’ny mpihira.

Nehemia 13:12

ny Jiosy rehetra kosa nitondra ny ampahafolon’ny vary sy divay ary menaka ho ao an-trano fitehirizana.

Nehemia 13:5

dia nanomanany efitrano lehibe io Tôbià io, dia ilay efitrano nitehirizana hatrizay ny fanatitra vokatry ny tany sy ny vovo-javamanitra ary ny fanaka mbamin’ny ampahafolon’ny vary sy divay ary menaka; tao koa no nitehirizana ny fanatitra voatokana ho an’ny levita sy ny mpihira ary ny mpiandry varavarana mbamin’ny fanatitra navahana ho an’ny mpisorona.

Nehemia 13:9

Ary nasaiko nodiovin’ny olona ilay efitrano, dia naveriko tao indray ny fanaky ny tranon’Andriamanitra mbamin’ny fanatitra vokatry ny tany sy ny ditin-kazo manitra.

Eksodosy 13:12

dia atolory ho an’ny TOMPO ny voalohan-teraka rehetra; fa an’ny TOMPO ny lahy rehetra voalohan-teraky ny biby fiompinareo.

Eksodosy 13:2

–Atokany ho ahy ny lahimatoa rehetra ao amin’ny Israelita, na olona na biby fiompy, fa Ahy ireny.

Levitikosy 23:17

ka mitondrà, avy amin’ny fonenanareo, mofo roa ho fanatitra hahevaheva eo anatrehako. Ireo mofo ireo dia hatao amin’ny koba lafarinina tsara, milanja telo kilao, ka hasiana leviora no hanendasana azy: voaloham-bokatra natokana ho Ahy TOMPO izany.

Malakia 3:10

Ento manontolo àry ny ampahafolon-karena ho ao an-trano fitahirizana azy, mba tsy ho tapaka sakafo ao an-tempoliko. Ary zahao toetra amin’izany ny tenako, hoy Izaho TOMPOn’izao rehetra izao, dia ho hitanareo fa hovohako ho anareo ny vavahadin-dranon’ny lanitra hampidinako fitahiam-be miavosa aminareo.

Malakia 3:8

Dia hamaly anareo Aho hoe: ‹Azon’ny olona fitahina ve Andriamanitra no mamitaka Ahy ianareo?› Dia manontany indray ianareo hoe: ‹Amin’inona no amitahanay Anao?› Amin’ny fandrotsahana ny ampahafolon-karena sy amin’ny fanaovanareo fanatitra.

Nomery 18:15

Farany dia ho anareo avokoa ny voalohan-teraka rehetra izay aterina ho Ahy TOMPO, na olona izany na biby; kanefa dia havotanareo ny voalohan-teraky ny olona sy ny voalohan-teraky ny biby maloto.

Nomery 18:18

Avy eo ny henany dia ho anareo, tahaka ny maha anareo koa ny tratrany izay fanatitra ahevaheva sy ny feny havanana.

Nomery 18:21

Ary hoy koa ny TOMPO hoe: –Ny levita kosa dia omeko ny fahafolon-karena rehetra voaangona amin’ny Israelita noho ny asam-panompoany ao amin’ny Tranolay fihaonana.

Romana 11:16

Raha voatolotra ho an’Andriamanitra ny santatry ny mofo, dia Azy koa ny mofo rehetra. Raha voatokana ho an’Andriamanitra ny foto-kazo, dia Azy koa ny rantsany rehetra.

Deoteronomia 14:22

Havahanareo ny ampahafolon’ny vokatra rehetra avy amin’ny voa nafafinareo, izany hoe ny vokatry ny sahanareo isan-taona.

Deoteronomia 18:4

homenareo azy koa ny voaloham-bokatrareo na vary na divay na menaka; ary homenareo azy ny volon’ireo ondry aman’osy voalohany hetezanareo.

Deoteronomia 26:2

dia makà ampahan’ny voaloham-bokatra rehetra azonareo avy amin’ny tany izay omen’ny TOMPO Andriamanitrareo anareo, ka ataovy an-tsobika izany. Dia mankanesa amin’ny toerana izay hofidin’ny TOMPO Andriamanitrareo mba hipetrahan’ny voninahiny;