Nehemia 10:34 - DIEM PROTESTANTA

³⁴ io rehetra io dia hahazoana ny mofo atolotra ho an’Andriamanitra, ny sorona dorana manontolo sy fanatitra vokatry ny tany fanao isan’andro, ny sorona fanolotra isaky ny sabata sy voaloham-bolana ary andro fety, ny fanatitra hafa voatokana ho zava-masina dia masina, ary ny sorona fanalana ny ota mba handraisan’ny vahoaka Israely famelan-keloka; farany, io hetra io dia hanatontosana ny raharaha rehetra fikarakarana ny tranon’Andriamanitray.

Baiboly Protestanta Malagasy 2011

³⁴ dia ho amin’ny mofo atao fanatitra mandrakariva avy amin’ny zavamaniry sy ny fanatitra mandrakariva, dorana manontolo, ary ho amin’ny Sabata sy ny voaloham-bolana sy ny fotoam-pivavahana, ary ho amin’ny zava-masina sy ny fanatitra fanadiovana hanaovana fanavotana ho an’ny Israely; eny, hanaovana ny raharaha rehetra momba ny tranon’Andriamanitsika.

Dikateny Iombonana Eto Madagasikara

³⁴ io rehetra io dia hahazoana ny mofo atolotra ho an’Andriamanitra, ny sorona dorana manontolo sy fanatitra vokatry ny tany fanao isan’andro, ny sorona fanolotra isaky ny sabata sy voaloham-bolana ary andro fety, ny fanatitra hafa voatokana ho zava-masina dia masina, ary ny sorona fanalana ny ota mba handraisan’ny vahoaka Israely famelan-keloka; farany, io hetra io dia hanatontosana ny raharaha rehetra fikarakarana ny tranon’Andriamanitray.

Baiboly Katolika

³⁴ ny mofo alahatra, ny fanatitra tsy tapaka, ny sorona dorana tsy tapaka, ny sorona amin’ny sabata, ny voaloham-bolana ary ny fety, ny zavatra masina, ny sorona noho ny ota, hanaovana ny fanonerana ho an’ny zanak’i Israely, mbamin’izay rehetra fanao ao an-tranon’ny Andriamanitsika.

Baiboly Protestanta Malagasy

³⁴ dia ho amin’ny mofo aseho sy ny fanatitra hohanina mandrakariva sy ny fanatitra dorana mandrakariva, ary ho amin’ny Sabata sy ny voaloham-bolana sy ny fotoam-pivavahana, ary ho amin’ny zava-masina sy ny fanatitra noho ny ota hanaovana fanavotana ho an’ny Isiraely, dia hanaovana ny raharaha rehetra momba ny tranon’Andriamanitsika.

Malagasy Bible

³⁴ dia ho amin'ny mofo aseho sy ny fanatitra hohanina mandrakariva sy ny fanatitra dorana mandrakariva, ary ho amin'ny Sabata sy ny voaloham-bolana sy ny fotoam-pivavahana, ary ho amin'ny zava-masina sy ny fanatitra noho ny ota hanaovana fanavotana ho an'ny Isiraely, dia hanaovana ny raharaha rehetra momba ny tranon'Andriamanitsika.

La Bible en Malgache

³⁴ dia ho amin’ny mofo atao fanatitra mandrakariva avy amin’ny zavamaniry sy ny fanatitra mandrakariva, dorana manontolo, ary ho amin’ny Sabata sy ny voaloham-bolana sy ny fotoam-pivavahana, ary ho amin’ny zava-masina sy ny fanatitra fanadiovana hanaovana fanavotana ho an’ny Israely; eny, hanaovana ny raharaha rehetra momba ny tranon’Andriamanitsika.

Nehemia 10:34 Rohy Ifampitohizana

1Tantara 24:5

Samy natao antsapaka ny fitsinjarana azy rehetra, satria samy mpiandraikitra ny Toeramasina sy mpiandraikitra ny raharahan’Andriamanitra, na ny avy tamin’ny taranak’i Elehazara na ny avy tamin’ny taranak’i Itamara.

1Tantara 24:7

Ny antsapaka voalohany dia azon’i Jôiariba; ny faharoa, azon’i Jedahià;

2Tantara 2:3

Fa indro aho efa hanao trano ho voninahitry ny TOMPO Andriamanitro, dia trano izay hatokako ho Azy; ao no handoroana vovo-javamanitra eo anatrehan’ny Tompo sy hasiana ny mofo apetraka tsy tapaka ary hanolorana sorona dorana manontolo, dia ny sorona dorana manontolo isa-maraina sy isan-kariva ary koa izay fanao amin’ny sabata sy amin’ny voaloham-bolana ary amin’ny fetin’ny TOMPO Andriamanitray; ho fepetra raikitra ho an’ny Israelita izany.

Ezra 3:5

Taorian’izany dia natolotry ry zareo ny sorona dorana manontolo tsy tapaka sy ny sorona dorana manontolo fanao amin’ny voaloham-bolana na amin’ny fankalazana rehetra voatokana ho an’ny TOMPO ary koa ny avy amin’izay rehetra manao fanatitra an-tsitrapo ho Azy TOMPO.

Nehemia 11:1

Niorim-ponenana tao Jerosalema ireo lehiben’ny vahoaka; ary nanaovana antsapaka ny vahoaka sisa mba hahatonga ny ampahafolony honina ao Jerosalema tanàna masina, fa ny sivy toko kosa dia ho any amin’ny tanàna hafa.

Nehemia 13:31

Naveriko tamin’ny laoniny ihany koa ny fanaterana kitay araka ny fotoanandro voatondro sy ny fanaterana voaloham-bokatra. «Tsarovy aho ka hasoavy, ry Andriamanitro ô!»

Ohabolana 18:18

Ny fanontsanan-kodiakely mety mampitsahatra fifandirana ary mamaha olana eo amin’ny samy mahery.

Isaia 40:16

Ny biby fihaza ao Libano amin’ny TOMPO tsy ampy hatao sorona dorana manontolo; ary ny hazo ao anatin’ny alany tsy ampy hatao kitay amin’izany.

Levitikosy 24:5

«Lafarinina tsara no alaonao ary mofo 12 samy milanja enina kilao no endaso.

Levitikosy 24:6

Dia apetraho mifanongoa eo ambonin’ny latabatra volamena madio eo anatrehako TOMPO ireo, ka ataovy antontany anankiroa misy mofo enina avy.

Nomery 28:2

«Aoka hotandremanareo ny hanolotra ho an’ny TOMPO, amin’ny fotoana voafetra, ireo fanatitra ho Azy, dia ny sakafo izay hodorana ka hanetona ho hanitra ankasitrahiny.

Asan’ny Apostoly 1:26

Dia nanaovana antsapaka izy roa lahy, ary voatendrin’ny antsapaka i Matià, ka dia izy no lany ho naman’ny apôstôly 11 lahy.

Josoa 9:27

Tamin’izany andro izany koa no nanolorany azy ho mpaka kitay sy ho mpantsaka rano ho an’ny Israelita sy ho an’ny alitaran’ny TOMPO eo amin’ny toerana izay hofidin’Izy TOMPO. Ary mbola manohy izany raharaha izany mandraka androany ry zareo.