Nehemia 1:3 - DIEM PROTESTANTA

³ Ka izao no navaliny ahy: –Ireo Jiosy tafaverina avy any an-tsesitany, ao amin’ny faritr’i Joda, dia mitondra latsa sy fahoriana be; ny mandan’i Jerosalema kosa voarodana, ary ny vavahadiny dia kilan’ny afo.

Baiboly Protestanta Malagasy 2011

³ koa hoy ny navaliny ahy: Ny sisa tamin’ny fahababoana izay any amin’ny fari-piadidiana any dia mitondra fahoriana be sy latsa; ary voarodana ny mandan’i Jerosalema sady main’ny afo ny vavahadiny.

Dikateny Iombonana Eto Madagasikara

³ Ka izao no navaliny ahy: –Ireo Jiosy tafaverina avy any an-tsesitany, ao amin’ny faritr’i Joda, dia mitondra latsa sy fahoriana be; ny mandan’i Jerosalema kosa voarodana, ary ny vavahadiny dia kilan’ny afo.

Baiboly Katolika

³ Ka izao no navaliny ahy: «Lavina ny fahoriana sy latsa mahazo ny sisa afaka, dia izay nitsoaka tamin’ny fahababoana, any amin’ny ambanivohitra any; ny mandan’i Jerosalema voarodana, ny vavahadiny levon’ny afo.»

Baiboly Protestanta Malagasy

³ Ka hoy no navaliny ahy: Ny sisa tamin’ny fahababoana izay any amin’ny tany any dia mitondra fahoriana be sy latsa; ary voarodana ny màndan’i Jerosalema sady nodoran’ny afo ny vavahadiny.

Malagasy Bible

³ Ka hoy no navaliny ahy: Ny sisa tamin'ny fahababoana izay any amin'ny tany any dia mitondra fahoriana be sy latsa; ary voarodana ny mandan'i Jerosalema sady nodoran'ny afo ny vavahadiny.

La Bible en Malgache

³ koa hoy ny navaliny ahy: Ny sisa tamin’ny fahababoana izay any amin’ny fari-piadidiana any dia mitondra fahoriana be sy latsa; ary voarodana ny mandan’i Jerosalema sady main’ny afo ny vavahadiny.

Nehemia 1:3 Rohy Ifampitohizana

1Mpanjaka 9:7

dia hongotako ianareo, ry Israelita, tsy ho amin’ny tany izay nomeko anareo; ary hariako lavitra Ahy ity tempoly izay natokako hanajana Ahy ity. Amin’izay ianareo Israelita dia ho tonga fandatsa sy fanaraby any amin’ny firenen-kafa rehetra.

2Mpanjaka 25:10

Ny manda manodidina an’i Jerosalema dia narodan’ny miaramila babilônianina rehetra izay niaraka tamin’ny filohan’ny mpiambina.

2Tantara 36:19

Nodoran’ny Babilônianina koa ny tranon’Andriamanitra, ary noravany ny mandan’i Jerosalema; notselarany afo ny lapa rehetra ary nosimbany ny fanaka sarobidy isan-karazany tao an-tanàna.

Ezra 2:1

Tamin’ireo olona nobaboin’i Nebokadnetsara mpanjakan’i Babilôna ka nentiny ho any Babilônia, dia maro ny teraky ny faritanin’i Joda no niala sesitany ka nitodi-doha ho any Jerosalema sy Joda, samy niverina ho any an-tanànany avy;

Ezra 5:8

Aoka mba ho fantatrao fa teny amin’ny faritanin’i Joda sy tao amin’ny tranon’ilay Andriamanitra lehibe izahay. Aorina indray io trano io izao, ka vato vaventy no ampiasaina ary hazo matevina no alatsaka amin’ny rindrina; voakaly tsara ary mandroso haingana izany asa eo am-pelatanan’ny Jiosy izany.

Nehemia 11:3

Ireo lohandohany teo amin’ny faritany no niorim-ponenana tao Jerosalema; fa ny Israelita sarambabem-bahoaka, ny mpisorona sy ny levita, ireo mpanampy ny levita sy ireo taranaky ny mpanompon’i Salômôna dia samy tao amin’ny zarataniny aman-tanànany avy.

Nehemia 2:13

Nandeha alina aho ka nivoaka ilay vavahadin’ny Lohasaha dia nandroso nankany amin’ilay loharanon’ny Dragona ary nihazo ilay vavahadin’ny Fanariam-pako. Nozahako ny mandan’i Jerosalema efa rava sy ny vavahady efa levon’ny afo.

Nehemia 2:17

Ary hoy aho taminy; –Hitanareo ny fahavoazana mihatra amintsika fa rava i Jerosalema ary kilan’ny afo ny vavahadiny. Koa andeha hanangana indray ny mandan’i Jerosalema isika mba tsy ho fandatsa intsony!

Nehemia 2:3

ka niteny tamin’ny amperôra hoe: –Ho velona mandrakizay anie ianao, ry andriamanjaka! Nahoana no tsy halahelo tarehy aho, fa rava ny tanàna misy ny fasan-drazako sady levon’ny afo ny vavahadiny?

Nehemia 7:6

«Tamin’ireo olona nobaboin’i Nebokadnetsara mpanjakan’i Babilôna, dia ireto ny teraky ny faritanin’i Joda izay niala sesitany ka nitodi-doha ho any Jerosalema sy Joda, samy niverina ho any an-tanànany avy;

Estera 1:1

Ity tantara ity dia nitranga tamin’ny andron’ny amperôra Kserksesa, izay nanjaka tamina faritany 127 hatreo India ka hatrany Etiôpia.

Salamo 79:4

Tonga fandatsan’ny vahoaka hafa izay mpifanila aminay izahay, zary fihomehezana sy faneso ho an’ireo firenena manodidina anay.

Ohabolana 25:28

Toa tanàna rava tsy misy manda intsony ny olona izay tsy mahatsindry fo.

Isaia 43:28

Koa dia nataoko afa-baràka ireo mpiandraikitra ny Toeramasina, natolotro haringana ny firenen’i Jakôba ary navelako holatsaina ny vahoaka Israely.

Isaia 5:5

Ankehitriny dia hampahafantariko anareo izay hataoko amin’izany voaloboko izany: Hoesoriko ny fefy tsilo miaro azy, dia hiraofan’ny biby fiompy izy. Harodako ny rindrim-bato manodidina, dia ho voahitsakitsaky ny mpandalo izy.

Jeremia 24:9

Hatolotro ho fampihorohoroana ny fanjakana rehetra eto an-tany izy; ka na aiza na aiza hanapariahako azy, dia ho ohatra fandatsana sy fanarabiana ary fanesoana sy fanozonana izy.

Jeremia 29:18

Hoenjehiko amin’ny ady sy ny mosary ary ny areti-mandringana izy, ka ho raiki-tahotra ny fanjakana rehetra ambonin’ny tany raha mahita azy. Any amin’ny firenen-kafa rehetra izay hampielezako azy, dia horaisina ho ohatra izy hoenti-manozona sy hoenti-milaza zava-mahatahotra sy mampihoron-koditra na mahamenatra;

Jeremia 39:8

Ankoatra izany, dia nodoran’ny Babilônianina ny lapan’ny mpanjaka sy ny tranon’ny olona tao Jerosalema sady noravany ny mandan’ny tanàna.

Jeremia 42:18

Dia niteny indray i Jeremià hoe: –Izao no lazain’ny TOMPOn’izao rehetra izao sady Andriamanitr’i Israely: «Tahaka ny nanosahako ny fahatezerako sy ny fahavinirako tamin’ny mponin’i Jerosalema no hanosahako ny fahavinirako aminareo koa, raha mankany Ejipta ianareo. Dia hatsiravina sy hampahonena ianareo ka ho tonga oha-panozonana sy oha-pandatsana, ary tsy hahita ity toerana ity intsony.»

Jeremia 5:10

Iakaro ka simbasimbao ny tanimboalobony manao ambaratonga; nefa aza potehina tanteraka! Esory ny rantsam-boaloboka satria tsy an’ny Tompo ireny.

Jeremia 52:14

Ny manda manodidina an’i Jerosalema dia narodan’ny miaramila babilônianina rehetra izay niaraka tamin’ny filohan’ny mpiambina.

Fitomaniana 1:7

Amin’izany androm-pahoriana irenireneny izany no ahatsiarovan’i Jerosalema ireo zava-tsarobidy rehetra izay nananany hatry ny ela. Ireo vahoakany eo an-tanam-pahavalo kosa dia tsy misy mamonjy; ka rehefa mahita an’i Jerosalema ny fahavalony, dia mihomehy ny amin’ny faharavàny.

Fitomaniana 2:9

Tototry ny tany ireo vavahadin’i Tsiôna; nopotehina sy nomontsanina ny hidiny. Ny mpanjaka sy ireo mpitondra dia eo an-tanan’ny hafa firenena. Tsy misy fampianaran’ny mpisorona intsony; ary na ny mpaminany aza tsy mandray hafatra avy amin’ny TOMPO.

Fitomaniana 3:61

TOMPO ô, efa renao ny latsa nataony, dia izay rehetra nokasainy hamelezana ahy.

Fitomaniana 5:1

TOMPO ô, tsarovy izay nanjo anay, diniho sy jereo ny fandatsana anay.

Levitikosy 26:31

Horavako ny tanànanareo, ka hataoko tonga lao ny trano fivavahanareo, ary tsy hankasitrahiko velively ny hanitry ny soronareo.

Levitikosy 26:33

Ianareo kosa, ady no hapoakako hamelezana anareo ka haeliko any amin’ny firenen-kafa ianareo; dia ho lao ny taninareo ary ho rava ny tanànanareo.